1 Samuel 20:41 - Biblia Mixe de Quetzaltepec

⁴¹ Ko ja Jonatán ojts ja tyuunpë nyëjkxnë, ënät ja David pyëtsiimy jap tsaajëxkë'py ma ënäty yu'utsy të y'ityën. Ko twinkuwa'këy ja Jonatán tëkëëk ok ojts nyaaxkoy tyajnikëxë'ëky jëtu'un ja näywyinkutsë'kën, tääts nyämyajts nyämyënäänëtë ets nimäjtsk jyiiytyë yaxtë, tä ja David ojts jyotkujkë.

Biblia Dc en Mixe de Quetzaltepec

⁴¹ Ko ja Jonatán ojts ja tyuunpë nyëjkxnë, ënät ja David pyëtsiimy jap tsaajëxkë'py ma ënety yu'utsy të y'ityën. Ko twinkuwa'këy ja Jonatán tëkëëk ok ojts nyaaxkoy tyajnikëxë'ëky jëtu'un ja näywyinkutsë'kën, tääts nyämyajts nyämyënäänëtë ets nimäjtsk jyiiytyë yaxtë, tä ja David ojts jyotkujkë.

1 Samuel 20:41 ပူးပေါင်းရင်းမြစ်များ

Génesis 29:11

Ënät ja Jacob ojts tkajpxpo'kxy ja Raquel ets ojts tsu'kxy, tääts tyëjkëy yaxpë.

Génesis 29:13

Ko yë Labán tmëtooy yajnimëtyä'äky yë Jacob, yë y'uty yë y'u'unk. Ënät ojts pëyi'ikyë tnitsoony ets ojts tsu'kxy jä'ä ko jëtu'un ënäty tu'unën'atë, tä ojts twoownëjkxy ma tyëjkën. Ënät yë Jacob tukmëmëtyaktaay ja jyämy, wi'ix ënäty të jyäty të kyëpetyën.

Génesis 33:4

Tä ja Esaú tnipëyë'ktso'ony ets ojts tninëjkxy ja y'uty Jacob ets tyo'kmënäänajxy, tä ojts tsu'kxy, tä tyëjkëtyë nimäjtsk yaxpë.

Génesis 42:6

Yë José yë'ë ënäty ënä'ämpë ijtp jap Egiptë ets yë'ë ja tsajpmok tyukmëto'kpy ja ja'ay mëti'ipë miintëpën tsajpmok juupyë. Ko ojts ja y'äjtytyëjk jam jya'të ma yë'ëjën, ënät nyäjyijtakëtë yë'ë wyintum ets nyaaxkoowtë.

Génesis 43:28

Ënät ojts nyaaxkowtë, tyajnikëxë'ëktë jëtu'un ja winkutsë'kën ets y'ëtsoowtë: Ja nteetyëtyës oy mëk ja yajpaaty ets jaakjuuky'ajtpnëm.

Génesis 45:15

Ënät yë José tmajtstaay tmënääntaay yë myëkä'äxtëjk ets ojts tsu'kxy nitu'ukjaty, tääts tyëjkëy yaxpë, ko jëtu'un y'ëknajxy, tää ojts ja myëkä'äxtëjk myëkajpxëtënëm.

2 Samuel 1:2

Kom tëkëëk xëëw jam tu'uk jyä'äjty yë ja'ay ja tsyoony ma Saúl yë jya'ajtaknën, këëts këëts ja wyit ets ninaax kunaax mëët ko ja ëyo'on jotmay tmëëtëty. Ko jyä'äjty jam ma ja David yajpaatyën, ënät nyaaxkooy ets tyajnikëxë'ëky jëtu'un ja näwyinkutsë'ëkë.

2 Samuel 1:26

Ëjts, mëkës nmony ntuky mëët mijts Jonatán mëët ko mëj këjää nmëku'ukjawë. Ko mjuuky'äjty janty tsuj janty'oy mijts xyjyëkyejpyës. Yë mtsojkën mja'awën maas ëjtsën ni'ik yë'ë nyajmëjnaxyës këtiinëm jyëtu'unëty ko tu'uk yë to'oxytyëjk xytsyojkmëty xyjya'awëmëty.

2 Samuel 14:4

ënät ojts ja to'oxytyëjk jyänty nyijkxy ma ja ënä'ämpën, ko jam jyä'äjty tääts wyintäky nyaaxkooy ets ojts tkajpxpo'kxy ja yajkutujkpë, tyajnikëxë'ëky jëtu'un ja näwyinkutsë'ëkë, tä t'ënëmaay: Ënä'ämpë yajkutujkpë, yë'ë yam n'amëtoopy mpëjktsoopy etsës mijts xypyutëkëty.

2 Samuel 19:39

Tëkokyë ja ja'ayëty ojts ja Jordán mëjnëë tuknajxta'atë. E ko ja yajkutujkpë ojts tuknajxtaaynyë ja mëjnëë, ënät ojts mëët ja Barzilai nyäjyëkajpxënë. Jëtu'un'äämpy ja Barzilai ojts jam nyëjkxnë ma kyajpnën.

2 Samuel 9:6

e ko ja Mefi-bóset jam jyä'äjty ma ja David yajpaatyën, ënät wyintäky nyaaxkooy yë'ë wyintum tyajkëxë'ëky jëtu'un ja näwyinkutsë'ëkë. Mefi-bóset. Jëtu'un ja David mëët ja xoontakën yujk'ënany. Wi'ix Wintsën, jëtu'un y'ëtsooy ja Mefi-bóset.

1 Reyes 1:16

Ko ja Betsabé jyä'äjty ma ja yajkutujkpën, ënät wyintäky nyaaxkooy, tyajnikëxë'ëky jëtu'un ja näwyinkutsë'ëkë ets ja yajkutujkpë yajtëëwë: ¿Tii mjajtëp mkëpäjtëp?

1 Reyes 1:23

ets ja yajkutujkpë yajtuk'ëwa'anëy. Ko ja Natán mëti'ipë ja Wintsën ja y'aaw y'ayuk nyikajpxëpën jam twinkuwa'këy ja yajkutujkpë, ënät wyintäky nyaaxkooy, tyajnikëxë'ëky jëtu'un ja näywyinkutsë'kën,

1 Reyes 1:31

Tä ja Betsabé wyintäky nyaaxkooy jam ma ja yajkutujkpën ets y'ënäny: Kë'ëyxyëëw kë'ëyjyëmëjt jyuuky'atëty yë yajkutujkpë David.

Hechos 20:37

Tääts yaxtë ets ni'ëmukë tmënääntë ets tsu'kxtë ja Pablo.

1 Samuel 10:1

Ënät yë Samuel ojts tpëjkë'ëky tu'k'apëjkën yë on ets tukuja'axy yë Saúl, tä t'ënëmaay: Yë Wintsën yë'ë tyam mtuknipëjkëp ets mijts xy'ënä'ämëty yë Israel kajpn ma mijts mkukajpnëtyën. Mijts jëtu'un mtsiptunëp ets xyajtso'okëty ma myëtsiptëjkën. E ya'atë mtuk'ixëp ets xymyëpëkëty ko mijts jëtu'un tyam myajtukmëkënu'kxëp ets xy'ënä'ämëty yë nyaax kyajpn.

1 Samuel 18:3

Yë Jonatán mëët yë David ojts tkäjpxy'atë ko xëmë nyäy'oyjyawëja'anëtë, jä'ä ko yë Jonatán janty'oy ojts tmëku'ukjawë ets t'oyja'awëy yë David, jëtu'un tä kë'ëm nyäjyawëtyën.

1 Samuel 20:40

Ënät ja Jonatán tkë'ëyäjky ja tyuunpäjn mëti'ipë myëtsiptuunpyën ets tmooy ja tyuunpë, tääts tmënëjkxëty jam kajpntum.

1 Samuel 24:9

Tä t'ënëmaay: ¿Wintsën, wi'ix ko xymyëpëky yë ja'ay mëti'ipë ënaanpën ko yi'iyës nmëmääpy nmëtäjpy wi'ix mijts o'ktëy ntunëtyën?

1 Samuel 25:23

Ko ja Abigail t'ijxy ja David ënätyë ojts ja jyëyujk tukjënäky ets twinkujijtëy tääts jëtu'un tyaj'ijxë ja näwyinkutsë'ëkë.