1 Samuel 20:31 - Biblia Mixe de Quetzaltepec

³¹ Pën yë'ë juuky'ajtp, mijts ets mkutujkën ka'ap nëjkx jotkujk yajpaaty. Paaty yam n'ënëëmë ets nëjkx xy'ixta'ay, ko xypyaatëty yaa xyajminëty, jä'ä ko yë'ë nitëjkëyëp ets y'ookëty.

Biblia Dc en Mixe de Quetzaltepec

³¹ Pën yë'ë juuky'ajtp, mijts ets mkutujkën ka'ap nëjkx jotkujk yajpaaty. Paaty yam n'ënëëmë ets nëjkx xy'ixta'ay, ko xypyaatëty yaa xyajminëty, jä'ä ko yë'ë nitëjkëyëp ets y'ookëty.

1 Samuel 20:31 ပူးပေါင်းရင်းမြစ်များ

1 Samuel 20:8

Paaty yam n'amëtoy ya'atë mëyajtën. Tëëxë nätyukajpxëmë, ko mëku'uk xëmë näjyäwëja'anëmë Wintsën wyintuuy, e jatu'kpëky ja winma'anypë, pën ëjts nëkoo tëkatsy winë ntuunpy, etsës pokymyëët, tim yaj'o'kës yaa mijts kë'ëm. Ka'ap kwanë jam xytyimwoonëjkxëtyës ma mteetyën.

1 Samuel 19:6

Ko ja Saúl jëtu'un tmëtooy wi'ix ja Jonatán myäy tyäjyën, ënät yujk'ënany: Tyamës yë Wintsën yë xyëëw ntukajpxpäjtë ko yë David ka'ap mëpaat y'ooky.

Salmos 79:11

Mëtoow'it yë y'ëjën tyu'kën yë tsumjyä'äytyëjk, ets yajnitso'ok mëët yë mmëkajtën yë ja'ayëty mëti'ipë jyëjp'ijxtëpën ja o'kën tëko'oyën.

2 Samuel 19:28

ëjts mëëtës yë nteety n'ap ets n'u'unk n'ëna'k xynyitëjkëtyëpës ets n'ooktëtyës ma mijtsën mëj'ënä'ämpë, ëjts ni'ikyënëmës ojts xymyo'oy ja nka'ayënës n'ukënës ma mijts mkay m'uukyën. ¿Tyam tiijës njaaktimy'amëtowëp yë mëj'ënä'ämpë?

1 Samuel 26:16

Ka'ap y'oyëty ko mijts jëtu'un m'ëtë'ëtsy, tyam yajxon n'ënëëmëty ko njanitëjkëtyëp jeexyë m'ooktë, ix ka'ap xykyëwent'atë oy ja mëj'ënä'ämpë mëti'ipë ja Wintsën kë'ëm të twin'ixyën. Ixta'a tyam ja kyu'umën ets ja nyëë'a'ukën mëti'ipë yaj'ijtypyën jam pyë'am ets xy'ixëty pën mpatyp.

1 Samuel 20:30

Ënät ja Saúl yajxon tukjoot'anpëjky ja Jonatán ets t'ënëmaay: Mëxy kupoj, wi'ix ojts yë mtaak mtimyajminyë naaxwiiny. ¿Tii këtiijës xyij nnijawë ko mijts janty'oy mëët yë Jesé myaank mnäjyawëtyë mëti'ipë yajtsëyuump yajjaaypyäjtp ma mijtsën ets ma mtaakënë?

1 Samuel 23:17

Tä t'ënëmaay: Ninu'un mkatsë'ëkëty David, jä'ä ko yë nteetyës ka'ap nijëna'a mpaatëtëty. Mijts kopkpëky ko jëna'a myajkutujkpë'atëty ma Israel kajpnën. Ëjts naxymyës nëjkx n'ity ma mkutujktaknën. Yë nteetyës, Saúl, wa'ats yë tyäty nyijawë ko jëtu'un jyata'any kyëpäta'any.

2 Samuel 12:5

David yajxon ojts y'ëwa'antaknë, mëët tääpë ja ja'ay mëti'ipë ënäty ja ëyoopëja'ay ni'ikyë të tpëjkën ja kyupixyny, tä ja Natán t'ënëmaay: Ëjts yam jëtu'un ënaanp ko tääpë ja'ay nitëjkëyëpë y'ookëty.