1 Samuel 2:7 - Biblia Mixe de Quetzaltepec

⁷ Yë Wintsën yë yaj'ëyoop ets yë'ë yajkumeeny'ajtp, yë'ë yajkutujkpy ets nkëta'amëty nkëpijpmëty, ets yë'ë jatëkok xyajpëtë'kmëp.

Biblia Dc en Mixe de Quetzaltepec

⁷ Yë Wintsën yë yaj'ëyoop ets yë'ë yajkumeeny'ajtp, yë'ë yajkutujkpy ets nkëta'amëty nkëpijpmëty, ets yë'ë jatëkok xyajpëtë'kmëp.

1 Samuel 2:7 ပူးပေါင်းရင်းမြစ်များ

Salmos 75:7

yë Tios yë'ë nipaye'epyë'ajtp, pënety tyajtsëtyuny ets pënëty tyajmëjnaxy.

Job 5:11

yajmëjnajxyp yë ja'ay mëti'ipë yu'unk naxym yajpatpën, yajjotkujkëp yë ja'ay mëti'ipë moonp tujkpën;

Job 1:21

Ënät y'ënäny: Niwa'ats ëxwa'atsës të nminy naaxwiiny, näjyëtu'unës jatëkok ntsoona'any. Wintsënës winë të xymyo'oy, nän yë'ëjës winë xypyëjkëjaanp; kënu'kxy mëjjawë yë Wintsën yë xyëëw y'ity.

Santiago 4:10

Näypyëjkta'akëtë yujy tëtä'äky ma Tiosën ets yë'ë mëj mpëjkta'akëtëty.

Isaías 2:12

jä'ä xëëw ma ënäty winë tunyën yë Wintsën mëti'ipë maaytyääyëpën winë, o'ktëy nëjkx jyatë kyëpätë mëti'ipë nämyëjja'aw näjyääntyja'awëtëpën, ets tëkokyë ja'ay mëti'ipë ënäty mëj jaanty të nyäyajnaxëtën, pa'tkë'p nëjkx kyëtakta'atë,

Salmos 102:10

mëët ko të m'ëwa'antä'äky ets ko të mjoot'anpëky, je'eyës tu'ktsojkyë të xyajwinpety etsës jatëkok të xyajkujënajkojnëpë.

2 Reyes 9:6

Ënät ja Jehú ënätyë wyä'ätsë'ky ets japtsow ëpëky tyëjkëtyë. Ënät ja Wintsën ja myëtuunpë ojts tyukutäämë'ëkyë ja on ets y'ënëmaayë: Ja Wintsën, mëti'ipë y'ëwtajtëpën ja Israel ja'ayëty, jëtu'un y'ënä'äny: Tyam mijts nkënu'kxy ets m'ënä'äm myajkutukëty maas yë nkajpnën, yë Israel kajpn.

Job 40:12

Ëxëëk yajjat yajkëpät mëët ja mwiin mjëjp, yajkutëkooytya'a yë ëxëëkja'aytyëjk maajaty yajpaatën.

1 Crónicas 29:12

Ma mijtsën jam tsyoony ja kumeeny'at ets ja oypyë tu'unën kajpxën. Mijts m'ënä'ämtääpy tëkokyë winë. Ja mëk'ajtën ets ja kutujkën kë'ëjootjotm jam xytyimëëtëty ets mkë'ëjotm jam xymyëët'aty ko pën ja ënä'ämën kutujkën xymyo'oja'anëty.

2 Crónicas 32:27

Ezequías may wit meeny tmëët'ajty, may ojts tmëët'aty yë poop pujxn, pu'ts pujxn, tsaa mëti'ipë tsowëtyën, nëë mëti'ipë pa'akxu'kpën, ku'umënëty ti'pxnëty ets may winë mëti'ipë tsowëtyën.

2 Crónicas 32:29

Ojts ja naax kajpn may tkoy, myëët'ajt may jëyujk tsajpkaa, jä'ä ko mëjwiin yë Wintsën ojts pyutëkëty.

Salmos 75:8

Ko yë Tios jyoot'anpëky, jëtu'un tpaaty tä jeexyë a'ukën tmëët'atyën kyë'ëjotm mëët yë nëë mëti'ipë xunën. Ko ënäty yë'ë tnaaxkutämë yë tsatym nyëë, tëkokyë yë ëxëëkja'aytyëjk jënu'un yajpaatën naaxwiiny, nëjkxëp t'ukmujkta'atë ya'atë tsatym nyëë, ets ni tu'ktsuny nëjkx tkayajwë'ëmtë.

Proverbios 22:2

Yë kumeenyjyä'äy ets ëyoopëja'ay tu'knax yë'ëjëty; Tios të yajkojëtë nimäjtskëty.

Jeremias 49:15

Wäänë mutsk mijts nyaj'awinpita'any ma naax kajpnën, ëxëëk nëjkx ja'ay m'ixyë.

Ezequiel 17:24

Nëjkxëp tëkokyë aay kepy tnijawëtë ko ëjts Wintsënajtp. Ëjts nyajkëtääpyës yë aay kepy mëti'ipë mëj këjxm naxaanpën ets yë'ë nyajyony nyajjiitsyës mëti'ipë ëmaay amutsk yaj'ijxpën. Ëjts nyajtëtsypës yë kepy mëti'ipë tsuxk ijtpën xëmë ets nyajtsuxkëpës yë kepy mëti'ipë të'ëtsën. Ëjts mëti'ipë Wintsën'ajtpën, ëjts ënaanp ets npatuumpyës yë n'aaw n'ayuk.