1 Samuel 2:35 - Biblia Mixe de Quetzaltepec

³⁵ Etsës nëjkx kë'ëm npëjktä'äky tu'uk yë ntuunpë ets tyeety'atëty, mëti'ipës yajxon xymyëtunëpën ejxtëmës n'oyjyawën ets ja y'u'unk y'ok nëjkxëp jeky jyuuky'atë ets xëmë nëjkx mëët yajpaatë ja yajkutujkpë mëti'ipë ënäty ëjts nwin'ijxypyën.

Biblia Dc en Mixe de Quetzaltepec

³⁵ Etsës nëjkx kë'ëm npëjktä'äky tu'uk yë ntuunpë ets tyeety'atëty, mëti'ipës yajxon xymyëtunëpën ejxtëmës n'oyjyawën ets ja y'u'unk y'ok nëjkxëp jeky jyuuky'atë ets xëmë nëjkx mëët yajpaatë ja yajkutujkpë mëti'ipë ënety ëjts nwin'ijxypyën.

1 Samuel 2:35 ပူးပေါင်းရင်းမြစ်များ

2 Samuel 7:27

Mijts Wintsën mëti'ipë maaytyääyëpën winë, oy koos të xytyuknijawë ko ëjts ja nkutujkën xëmë xyaj'itanë; e paaty ëjts, oyës xy'ëktuunpë'aty, n'amëtowa'any mpëjktsowa'anyës.

1 Reyes 11:38

Pën mijts xymyëmëtoowpës ets oy winë xytyuny ets mpatuunpy ja n'ënä'ämënës ntëyajtënës, ijxtëm ja David, ja ntuunpës ojts winë tunyën, ëjts xëmës nyajpaata'any ma mijtsën ets nëjkxëp mëk ja m'ënä'ämën mkutujkën yajpaaty jampaat ma ja m'u'unk m'ëna'k ets m'ok'u'unk m'ok'ëna'k jyuuky'atën, jëtu'un tä ja David ojts ja jyä'ä mëk y'ityën ets ja y'u'unk y'ok ojts y'ënä'ämtën; mijts nëjkxëp ntukë'ëtëjkëtyä'äy ja Israel kajpn.

2 Samuel 7:11

Koos mpëjktäky ja ja'ay mëti'ipë nyitsiptuntëpën ja naax kajpn. Ëjts nëjkxëpës mijts ëwaatsëtum xëmë nyaj'ity ma ja mëtsiptëjkëtyën. Ets tyam näjyëtu'un ntuknijawë ko nmo'ojäämpy ja m'u'unk m'ok,

1 Samuel 25:28

etsës xypyokymyä'kxëty. Ëjts wa'atsës nijawë ko yë Wintsën jeky jam myaj'ita'anyë ma mkutujktaknën, jä'ä ko yë'ë mnitsiptuunpy ja oyajtën mëti'ipë ja Wintsën jyä'ä'ajtypyën ets mijts nijëna'a nëjkx ëxëëk mkajaty mkakëpety.

Salmos 18:50

Yajmëta'ak tsipjoty ja m'ënä'ämpë mëti'ipë kë'ëm të xywyin'ixyën; mëët'at xëmë yë David ets y'u'unk y'ok mëët yë tsojkën ja'awën.

Hebreos 2:17

Paatykyëjxm näjyëtu'un kopkpëky yajpëjktäky ijxtëm ja myëku'uktëjkën ets jam Tios wyintuuy y'itëty teety wintsën oypyë ets pa'ëyoopë ets ja Tios ja ja'ay tpokmyä'kxëty mëët ja wintsë'kën.

1 Crónicas 29:22

Janty xoontä'äky ojts kyäytyë y'uuktë jam Wintsën wyintum. Ënät ja Salomón, David ja myaank, mëmäjtsk'ok nikajpxpäjtë ets yë'ë y'ënä'äm yajkutukëty ets ojts tkënu'kxtë jam Wintsën wyintum. Jëtu'un ojts wyi'imy yajkutujkpë ja Salomón ets Sadoc jä'ä ojts yajtuknipëky ets yë'ë tyeety'atëty.

1 Reyes 2:35

Tä ja Salomón ojts yë'ë ja Benaías tpëjktaknë ets tnikopk'atëty ja tsiptuunpëtëjk jëtu'un tä ja Joab ënäty të y'ityën ets ja teety Sadoc jä'ä yajpëjktäky tä ijty tyunyën ja Abiatar.

1 Reyes 1:45

Tëë yë teety Sadoc ets käjpxynyajxpë Natán tkënu'kxtë jam Guihón ets yë'ë yajkutukëty, paaty tyam tam ja tsyoontë tääts myiinëtë akujk jotkujk. Paaty nëkooyë mayjyä'äy nyä'ämnëtë, mëti'ipë miits mëtoowtëpën.

1 Reyes 1:8

E kajts ojts tuk'ëwaanë ja teetytyëjkëty mëti'ipë xyëëwajtëpën Sadoc, Benaías, myaank yë Joiadá ets nän ka'ap tnija'awëy ja Natán mëti'ipë ja Wintsën ja y'aaw y'ayuk y'akajpxëpën ets ni yë'ë Simí kyayajwooy mëti'ipë ënäty mëët ja yajkutujkpë oy nyäjyawëtyën, mëti'ipë myëtuuntëpën ja yajkutujkpë, nän ka'ap tu'ukën tnija'awëtyë ja tsiptuunpëtëjk mëti'ipë mëj'äämpy ijtëpën.

1 Samuel 16:13

Tä ja Samuel tu'ktsim yë on tpëjkë'ky. Ja nëë jëtu'unpë kyëxë'ëkyën waay tsyooyën ets tukuja'axy ja David tam ënäty ja myëkä'äxtëjk y'ixëtë. Ko jëtu'un tyuunë jyajtë, ënätyë ja Wintsën ja myëk'ajtën y'oyajtën tyukëtakë. Ok ja Samuel ojts tsyo'onë ets nyëjkxnë jam Ramá.

1 Samuel 12:3

E tsyaatsës miits xymyëët'atës: Miits mnija'awëtyëp pën tëëjës pën yë jyëyujk tsyajpkaa npëjkë, pën tëëjës pën nkamëj'ixy ëkë ëxëëk ntuny n'ënëëmë, ëkë pën tëëjës ja wit meeny ja'ay npëjkë, maas ëjts ntuk'oy'ätyën; pën tëëjës ëxëëk ja'ay ntuny oypyënëty, ëkë tëëjës ja'ay wit meeny muum xytyukwin'ëëny maajës ja ëxëëkpë ntunyën, jyëkyejpyës xytyukwinmëtowtëty Tios wintum ets yajkutujkpëwintuuy mëti'ipës yë'ë të twin'ixyën. Ëjts jëjp'ixyës nyajpaaty ets nkumëtowëtyës pën jamës muum të nkamëtä'äky.

Ezequiel 34:23

Nyajwinpitäämpyës yë ntuunpës David, yë'ëjës tu'ukyë nyaj'itäämpy kupixyny këwent'ajtpë ets yë'ë oy tkëwent'atëty. Yë'ë nëjkx yë kupixyny tkëwent'ajtpë'atë.

Salmos 2:2

Yë yajkutujkpëtëjkëty ets mëj ënä'ämpëtëjkëty tëë tkäjpxykyumëtoownaxtë yë Wintsën, tu'ukmukyë të tkäjpxy'atë wi'ix tyaj'atëkoya'antën ja Wintsën ets y'ënä'ämpë mëti'ipë të twin'ixyën.

Números 25:13

Ëjts yam ënaanp, ko yë'ë ets y'u'unk y'ok nmoopyës yë tuunk ets tyeety'atëty xëmëkyëjxm. Jä'ä ko yë'ë tëë jëtu'unpë äkë tyajkëxë'ëky, tääjës ëjts nmëët'atyën ma Israel ja'ayëtyën.

1 Samuel 2:36

Ja ja'ayëty mëti'ipë të jyaakwë'ëmtën juuky ma ja m'u'unk mto'oxytyëjkën nëjkxëp je'eyë jyaak tuunk'amëtowtë ets ja ëna'antëp jeexyë tii yiin wään tjaaktuntë ma ja teetytyëjkëtyën këtiipë yuu'ooktëty.

1 Samuel 3:1

Ja Samuel janty'oy ijty ja Wintsën tmëtuny jam ma kyë'ë'am'atyën ja Eli. Jä'ä jëmëjt ka'ap ënäty nëkooyë pën ja Wintsën tuknijawë ja y'aaw y'ayuk ets ka'ap nëkooyë pën wyinkuma'ay ëkë t'ixy tnijawë kuma'ayjoty mëti'ipë ja Wintsën tyunäämpyën.

1 Samuel 7:9

Ënät yë Samuel ojts tu'uk tyaj'ooky yë kupixyny u'unk ets tukwinno'ky yë Tios, ets tkunu'kxtäky ja Israel ja'ayëty, e ja Wintsën ojts ja jyänty y'ëtsoyë.

1 Samuel 8:3

E tääpë ëna'këty ka'ap ojts oy winë tuntë tä ja tyeetyën, je'eyë ijty tsoktë ja wit meeny, ko pën tii tuuntëkoy ja meeny y'ëxajëkyojtëp tääts ka'ap tii winë oy tnipaye'eytyë.

1 Samuel 9:12

Tääts ja to'oxy'ëna'këty y'ëtsoowtë: Jëtu'un, yaa yajpaaty, je'eyëp ko wäänë mjaaknajtsye'eyëtëty. Nëjkxtë jotëkoy ets xypyaatëty, tyam tam ja ënät myina'any, jä'ä ko yë'ë ja wintsë'kën yakäämpy ma tsajptëjkën.

1 Samuel 9:13

Paaty ko jam mja'tëty, yë'ë tim ixtaaykyojtë ënätyë, naamka'anëm jam nyijkxynyëm tsajptëkotm ma ja ëkujkyxyëëw y'apaatëja'anyën. Yë ja'ayëty yë'ë jëyëjp y'ëwxitantëp koonëm jya'tëty täänëm kyäya'antë, jä'ä ko kopkpëky ko jëyëjp tkënu'kxëty ja wintsë'kën, täänëm kyäya'antë mëti'ipë të yajwowtën. Paaty jotëkoytyë, nëjkxtë jëtu'un timtyämyë tääts xypyaatëty.

1 Samuel 10:9

Tim je'eyë yë Saúl jam tsyo'ony ma Samuelën, ënät ojts yë Tios yajtëkajtsxëty yë jyot wyinma'any; jä'ä xëëw wa'ats y'atëëwtaay mëti'ipë ënäty të yajtukmëmëtyä'äkyën.

1 Samuel 10:10

Ko yë Saúl mëët ja tyuunpë jam jyä'äjty Guibeá, ënätyë ojts nyipëtsëmëtë ja käjpxynyajxpëtëjkëty mëti'ipë ënäty jëtu'un këxë'ktëpën ëmu'ukyë ja'ayën. E ja Saúl nän ënätyë ja Tios ojts ja myëk'ajtën tyuktëkëty ets y'awinpijty ijxtëm ëmu'ukyë ja'ayën.