1 Samuel 2:23 - Biblia Mixe de Quetzaltepec

²³ Ënät t'ënëmaay jatëkok ja myaank: Xii yaa yë'ëjës nmëtoopy wi'ix miitsëty ëxëëk m'ëtë'ëtstën. ¿Wi'ixëtën ko jëtu'un mja'ay'atë?

Biblia Dc en Mixe de Quetzaltepec

²³ Ënet t'ënëmaay jatëkok ja myaank: Xii yaa yë'ëjës nmëtoopy wi'ix miitsëty ëxëëk m'ëtë'ëtstën. ¿Wi'ixëtën ko jëtu'un mja'ay'atë?

1 Samuel 2:23 ပူးပေါင်းရင်းမြစ်များ

Filipenses 3:19

yë'ëjëty ëxëëk nëjkx kyukëxë. Jam ja wyinma'any tpëjkta'aktë ma ja kääky uukyën; yë'ë nätyukmëjpëjktakëtëp mëti'ipë jeexyë tsyuktsëtyuuntëpën. Yi'iyë myääytyëp tyajtëp mëti'ipë yaa naaxwiinyëtën.

Hechos 14:15

Mëku'uktëjkëty, ¿tii ko jëtu'un m'ëtë'ëtstë? Ja'ay ëëts näjyëtu'unëty ijxtëm miitsëtyën. Yë'ës nimiintëp ets ja oy aaw oy ayuk nkajpxwa'kxa'antës ets xy'ëxmatstëty ya'atë jëtu'unpë winma'any mëti'ipë ka'ap tsyowpaatyën. Mëpëktë ja Tios Juukpyë, mëti'ipë tsajp yajkojën, naaxwiinyëtë ets ja mejy ets tu'kë'ëyë winë mëti'ipë naaxwiiny yajpatpën.

Hechos 9:4

Tääts kyëtääy ets tmëtooy tu'uk ja ja'ay kyäjpxy ets y'ënä'äny: Saulo, Saulo, ¿tii koos xy'ixjëtity xypyajëtiy?

Jeremias 8:12

Tsëtyuunëtëp jeexyë mëët ko je'eyë tuntë tkajpxtë ja mëti'ipës n'ëxëëk'ijxypyën. E ka'ap, ka'ap tsyëtyuntë, ka'ap t'ëknija'awënëtë tii ja'ay tyijp tsëtyu'un. Paatykyëjxm koos ënäty ntëytyuny nän jam nëjkx kya'atë ëxëëktum ma ja wiink ja'ayëtyën. Ëjts, Wintsën, ëjts ënaanp.

Jeremias 3:3

Paaty ka'ap y'ëktuunë potmjoty ets xëkopkjoty. Jëtu'un mkëxë'ëky into'oxyën.

Isaías 3:9

Ja y'ëxëëkjot y'ëxëëk winma'any yë'ë kë'ëm ëxaty nätyuktuunëtëp, jä'ä ko ja nyëë pyokyëty ka'ap tjëkyepy tkuyu'utstëty; timjëtu'un tä tëkok jyäjty kyëpejtyën yë Sodomë kajpn, ojts ja naax kajpn tuknija'awëtyä'äy wi'ix ënäty tyëkoyën. Janty mon janty tuk yajpaatë, kë'ëm nyäyajkutëkoya'anëtë.

1 Reyes 1:6

Nitëkok ojts yë tyeety mëët kyanäy'ojyë ets nijëna'a kyayajtëëwë tiijëtën ko ënäty jëtu'un winë tuny. Adonías ok ënäty të myiny naaxwiiny jëyëjp yë Absalón ets janty'oy tsuj ja jot winma'any tmëëtëty.

1 Samuel 2:22

Ja Eli mëjja'ay'ëtëtsnëp ënäty ni'ikyë, e oy jyëtu'unëty, nyija'awëtyääpy wi'ix ja y'ëna'k y'ëtë'ëtstën, ets yë'ëpaat ënäty mëët y'ijtmujknëtë ja to'oxytyëjkëty mëti'ipë jam tuuntëpën ma yajnitëkën ja wit tëjk ma mëët ja Tios ja näpyaatë y'ityën.

1 Samuel 2:24

U'unk maayëty, jëtu'un tä miits m'ëtë'ëtstën ninu'un kyatimy'oyëty, ëjts tëëjës wa'ats nmëtoy wi'ix yë Tios yë nyaax kyajpn mnimëtya'akëtën.