1 Samuel 19:24 - Biblia Mixe de Quetzaltepec

²⁴ Ëpëky ojts nyänyijään nyäy'ixjäänënë ets y'ëti'itsy y'ënä'äny jëtu'un niwa'ats ëxwa'ats ets jëtu'un xyëëwnajxy tsyuunajxy jam ma Samuel wintuuyën. Jam jëtu'un yë ayuk tsyo'ony, mëti'ipë ënaanpën: ¿Näyjyëtu'un yë Saúl käjpxynyajxpë yë'ë?

Biblia Dc en Mixe de Quetzaltepec

²⁴ Ëpëky ojts nyänyijään nyäy'ixjäänënë ets y'ëti'itsy y'ënä'äny jëtu'un niwa'ats ëxwa'ats ets jëtu'un xyëëwnajxy tsyuunajxy jam ma Samuel wintuuyën. Jam jëtu'un yë ayuk tsyo'ony, mëti'ipë ënaanpën: ¿Näyjyëtu'un yë Saúl käjpxynyajxpë yë'ë?

1 Samuel 19:24 ပူးပေါင်းရင်းမြစ်များ

Miqueas 1:8

Paatyës nya'axa'any mon tuk; tekywya'atsës njëtita'any, koos nya'axëty jëtu'un yajmëtowa'any wax yowë yaxp ëkë jëtu'un tä yë pakëtsey yä'äxyën.

Isaías 20:2

Jä'ä jëmëjt ojts yë Wintsën tmëkäjpxy yë Jeséas, Amós yë myaank ets t'ënëmaay: Jän tääpë wit mëti'ipë kuumpën u'kxpën, jän näjyëtu'un yë mkë'ëk. Ënät yë Jeséas tjantyjyeeny yë wyit ets nyätyuktekyjyääntutë yë kyë'ëk.

2 Samuel 6:20

Yë David ojts nyëjkxnë ma tyëjkën ets tkënu'kxa'any ja jampë yajpaatën; e ja Mical, ja nyëëx ja Saúl, ënätyë ojts tnipëtsëmy ja David ets t'ënëmaay: Nëkoo tyam janty'oy y'ëkyaj'ijxnë ja Israel ja kyutujktakn; janty'oy të y'ëkwë'ëmnë, paaty mijts niwa'ats ëxwa'ats mtimy'äjtsnë, jëtu'un tä jeexyë oy na pën ja'ayën.

Hechos 9:21

Ets ja ja'ayëty mëjmëtoy ojts tjawëtë mëti'ipë jam myëtoow'ijtëpën ets xim yam nyäy'ënanëtë: ¿Këtii yë'ëjëty ya'atë ja'ay mëti'ipë ijty y'ëxëëk'ijxypyën ja Jesús ja myëpëjkpëtëjk jampë Jerusalén kyukajpnëtyënë? ¿Këtii yë'ëjëty yaa të tniminy ets tmajtsmujkta'aja'any mëti'ipë ja Jesús ja xyëëw yajmëjnajxëtëpën ets tkë'ëtsuma'any tekytsyuma'any tääts tkë'ëyaka'any ma ja teety wintsëntëjkëtyënë?

2 Samuel 6:14

David yë'ë nätyukxojxë tu'uk yë nijän, linë wit, amëjaaw jyänty y'ejtsy jyänty pyujty mëët yë xoontakën.

Números 24:4

Ko tu'ukyë yë jyot wyinma'any jam tpëjktä'äky ma Tiosën, wa'ats winë tnijawë, myëtoopy ja aaw ayuk, ets yajxon timy y'ixy wi'ix winë tyuna'any jyata'anyë. Yë'ë mëti'ipë yë Tios yaj'ijxëpën, mëti'ipë winë maaytyääyëpën.

1 Samuel 10:6

Ënät yë Wintsën yë myëk'ajtën y'oyajtën mtuktëkëja'anyë ets näjyëtu'un myaj'ixa'any mukëp yowë, tëkatsyjyä'äy mkawinpita'any.

1 Samuel 15:35

E ja Samuel ka'ap ojts nijëna'a t'ëk'ijxnë ja Saúl, je'eyë ojts ok tjaaknimony tjaaknituky, mëët ko ënäty ja Tios ok tu wyinmaaytyëkatsy ko ojts tpëjktä'äky ja Saúl ets yë'ë y'ënä'ämëty ma ja Israel kajpnën.

1 Samuel 18:10

Komjëpom ja Saúl ojts tyukëtä'äkyë ja ëxëëk poj mëti'ipë yë Tios kyejxypyën ets jëtu'un y'awinpijty tä tu'uk yë ja'aykyulokën. Yë David koop ënäty jam tä xëmë kyoyën. E ja Saúl tam ja kyu'umën tkë'ëkap'aty,