1 Samuel 19:23 - Biblia Mixe de Quetzaltepec

²³ Ets ojts ja Saúl jam nyijkxy, e ënäts tu'uk ja Tios ja myëk'ajtën y'oyajtën tyukëtakë ets näjyëtu'un tyëjkëy ëtëtspë ënaanpë tä ja käjpxynyajxpëtëjkëtyën. Jëtu'un ojts tyu'uye'ey koonëm jyä'äjty jam Naiot ma ja Ramá y'itjotmën.

Biblia Dc en Mixe de Quetzaltepec

²³ Ets ojts ja Saúl jam nyijkxy, e ënäts tu'uk ja Dios ja myëk'ajtën y'oyajtën tyukëtakë ets näjyëtu'un tyëjkëy ëtëtspë ënaanpë tä ja käjpxynyajxpëtëjkëtyën. Jëtu'un ojts tyu'uye'ey koonëm jyä'äjty jam Naiot ma ja Ramá y'itjotmën.

1 Samuel 19:23 ပူးပေါင်းရင်းမြစ်များ

Proverbios 16:9

Yë naaxwiinyëtë ja'ay yë'ë jëtu'un patëp winë tuknipëjktaakëty, e ma winë tyu'uwitsanën, yë Tios jää patënëp.

1 Samuel 10:10

Ko yë Saúl mëët ja tyuunpë jam jyä'äjty Guibeá, ënätyë ojts nyipëtsëmëtë ja käjpxynyajxpëtëjkëty mëti'ipë ënäty jëtu'un këxë'ktëpën ëmu'ukyë ja'ayën. E ja Saúl nän ënätyë ja Tios ojts ja myëk'ajtën tyuktëkëty ets y'awinpijty ijxtëm ëmu'ukyë ja'ayën.

1 Samuel 19:20

Ënät tkejxy jam ja jyä'äy ets ja David tmatstëty. Ko jam jyajtë, ënät ja Saúl ja jyä'äy t'ijxtë ja mayjyä'äy mëti'ipë winë y'akajpxtëpën jëwyiin jëyëjp mëti'ipë Tios tyunäämpyën. Jyänty y'ëtë'ëts jyänty y'ëna'antë tä ja'ay myu'ukyën mëti'ipë yë Samuel tyu'uwinwoopyën. Ajotkumonë ojts yë Wintsën yë myëk'ajtën y'oyajtën tyukëta'akëtë ja Saúl ja jyä'äyëty ets näjyëtu'un y'ëtëtstak y'ënaantaktë tä ënäty ja käjpxynyajxpëtëjkëtyën.

Números 24:2

Ko yë Balaam t'ijxy, ko yë Israel ja'ayëty jä'ä ënäty të tsyënaaytyaknpëktë tu'kja'ayjyätyëty, jëtu'un tä tyu'kmëku'uk'atën. Ënät ja Tios ja myëk'ajtën y'oyajtën tyuktëjkëyë.

1 Corintios 13:2

Oyës ja Tios ja y'aaw y'ayuk njanikajpxë ëkë oyës njaja'akyujkëtyä'äy mëti'ipë ja ja'ay nyija'awëtëp kyanija'awëtëpën, ets oyës mëk njamëët'aty ja mëpëjkën ets ja kopk nyajnëjkxëtyës wiinktsow ets pën ka'apës ja nmëku'uk ntsoky njawë, nitiijës nkakëjxmëty.

Juan 11:51

Ka'ap ja Caifás ojts kyë'ëm winma'anyëty tkäjpxy, jä'ä ko yë'ë ënäty teety wintsën'ajtp tääpë jëmëjt, Tios ojts jëtu'un yajkäjpxyë ko ja Jesús tku'ookëty ja jutiis ja'ayëty;

Mateo 7:22

Ko ja ja'ay yajpaye'etyëty, may nëjkx y'ëna'antë: Wintsën, Wintsën, mijts mxëëwkyëjxmës të nkajpxwa'kxtë ja Tios ja y'aaw y'ayuk, mijts mxëëwkyëjxmës ja ku'oypyë të n'ixkäxtë ets mijts mxëëwkyëjxmës may ja Tios ja myëj'ajtën të nyaj'ijxëtë.

Proverbios 21:1

Yë jyot wyinma'any yë yajkutujkpë, jëtu'un tyu'uye'ey tä tu'uk yë mëjnëëjën, jä'ä ko Wintsën kë'ëm yajtu'uye'epy ijxtëm tsokyën.

Números 23:5

Ënät ja Wintsën tuk'ëwa'anëtyääy ja Balaam tii mëpaat tkäjpxyën ets t'ënëmaay: Wimpit ma jam yajpaatyën yë Balac ets xytyuk'ëwaanëty tä yam të n'ënëëmën.

1 Samuel 10:6

Ënät yë Wintsën yë myëk'ajtën y'oyajtën mtuktëkëja'anyë ets näjyëtu'un myaj'ixa'any mukëp yowë, tëkatsyjyä'äy mkawinpita'any.

1 Samuel 10:12

Ënät tu'uk y'ënäny: ¿Pën yë'ëjëty tyeety'ajtëp? Jam tu'uk yë ayuk tsyoony mëti'ipë ënaanpën: ¿Yë Saúl käjpxynyajxpën näjyëtu'un të y'awinpijnë?

1 Samuel 18:10

Komjëpom ja Saúl ojts tyukëtä'äkyë ja ëxëëk poj mëti'ipë yë Tios kyejxypyën ets jëtu'un y'awinpijty tä tu'uk yë ja'aykyulokën. Yë David koop ënäty jam tä xëmë kyoyën. E ja Saúl tam ja kyu'umën tkë'ëkap'aty,

1 Samuel 19:18

Jëtu'un'äämpy ojts ja David kye'eky. Jam ojts nyijkxy Ramá ma jam ja Samuel ënäty yajpaatyën ets tukmëmëtyaktaay wi'ix ënäty ja Saúl të jyayaj'ooka'anyën. Jamts tsyo'ontë yë David mëët yë Samuel ets ojts nyëjkxtë jam Naiot tsënääpyë.

1 Samuel 19:22

Ënät ojts ja Saúl jam kë'ëm tyimnëjkxy Ramá, e ko jam jyä'äjty ma jam tu'uk yë nëë'apojtsë'ëkyën ma txëëwatyën Secu, tä jam tyajtëëy pën jam ënäty yajpaatë ja Samuel ets David. Ka'ap ojts tyëkoy'äty, pën ojts nikajpxkojyën ko jam ënäty yajpaatë Naiot ma ja Ramá y'itjotmën.