1 Samuel 18:14 - Biblia Mixe de Quetzaltepec

¹⁴ E komë yë Wintsën yë'ë ënäty xëmë pyutëjkëp yë David, paaty yë David aak'oy ijty winë wyimpëtsë'ëmxëty mëti'ipë tyuunpyën.

Biblia Dc en Mixe de Quetzaltepec

¹⁴ E komë yë Wintsën yë'ë ënety xëmë pyutëjkëp yë David, paaty yë David aak'oy ijty winë wyimpëtsë'ëmxëty mëti'ipë tyuunpyën.

1 Samuel 18:14 ပူးပေါင်းရင်းမြစ်များ

Génesis 39:23

ja pujxntëjk ja nyiwintsën ka'ap ënäty jyäty tyimkopkpëkyëty t'ixëty pën tëë ja José winë oy tuny. Jä'ä ko ja Wyintsën Tios yë'ë ënäty mëët'ajtëp ets José aak'oy winë wyimpëtsë'ëm jyëjpëtsë'ëmxëtëty.

Mateo 28:20

ets xytyuk'ijxpëktëty wi'ix tpatuntëtyën tu'kë'ëyë mëti'ipë miitsëty të ntuk'ënä'ämtën. E ëjts jëtu'unës n'ëna'any ko yajpaataanpës xëmë ma miitsëtyën mapaat yë naaxwiinyëtë jyää'atyën.

1 Samuel 16:18

Tääts tu'uk y'ënäny: Tëkokës ojts n'ixy jam ma Jesé yë tyëjkën ko tam tu'uk yë myaank mëti'ipë janty'oy koowpën, jampë tsyëënën Belén, tyukjajtyp kyowëty jotmëk näjyëtu'un, nikääkë kyäjpxy myëtyä'äky, wijy kujk ets oy y'ixëty.

Josue 6:27

Yë Josué mëj këjää ojts Wintsën pyutëkëty ets mëj'äämpy muum yajnikäjpxy.

Hechos 18:10

Tyaajës nyajpaaty mëët mijts, ka'ap pën wi'ix mtunëtëty. Mëj ja nkajpnës jää yaa yajpaaty ma ya'atë kajpnën.

Mateo 1:23

U'unkpaataanp tu'uk ja to'oxy'ëna'k, ets Emanuel ja y'U'unk txëëwatëty. Mëti'ipë tyijpy: Tios ëëts mëët n'ijtëm.

1 Samuel 10:7

Ko jëtu'un tyunëtëty jyatëtëty ma mijtsën mëti'ipës yam n'akäjpxypën, mijts kë'ëm m'ixëp tii ënäty mtunäämpy, yë Wintsën yë'ë mputëkëjanëp.

1 Samuel 18:15

Paatykyëjxm ja Saúl ënäty tsë'ëkë, jä'ä ko ja David xëmë myëtä'äky.

2 Reyes 18:7

Paaty ja Wintsën ojts mëj këjää pyutëkëty, oytyiijëty timtyuuny, aak'oy ojts wyimpëtsë'ëmxëty. Yë Ezequías ka'ap ojts tkupëky ets Asiria yajkutujkpë jam y'ënä'ämëty ma ja Israel ja'ayëtyën.

Salmos 101:2

Ëjts tëy tëtä'äkyës njuuky'ata'any. ¿Jëna'ajës xynyimina'any? Oy winë ntuna'any nkajpxa'anyës maas nyajkutukyën.

Jueces 1:19

E oy ënäty ja Judá ja'ayëty jyayajpaatë mëët ja Wintsën ets oy ënaty tjajëkyepy jeexyë tniwa'aktë ja kopkjot ets ja joyjyot ka'ap ojts y'ëkmaayënëtë; jä'ä ko ja ja'ayëty ja jampë ënäty tsyëënëtën myëët'ajtëp pyujxnwintëkäämpë mëti'ipë myëtsiptuuntëpën.

1 Samuel 3:19

Samuel ojts oy tsuj yeeky pyety ets xëmë ojts oy winë tuny tä ënäty ja Tios tsokyën, ets jëtu'un tä ënäty të twaantä'äkyën winë.

1 Samuel 19:8

Ënät jatëkok ja tsip tsyontäky ets ja David ojts nyijkxy tsiptuunpë. Yë'ë ojts myëtä'äky, may ja filistejë ja'ay tyaj'o'ky ets may tyajkeky.

2 Samuel 5:10

Ja David ja kyutujkën ni'ikyë ojts myëjë kyëjääjë ets ja Wintsën mëti'ipë maaytyääyëpën winë ojts ja putëjkën myo'oyë oy tyimmaajëty.

1 Crónicas 18:6

Ojts ja David jam ja tsyiptuunpëtëjk tyajwë'ëmy Damaskë, ja Siria ja'ayëty ojts tmëtuntë ja Israel ja'ayëty ets ojts yajtukupëktë ets kyëpätëty. Jëtu'un ijty ja David xëmë Wintsën pyutëkëty oy maa tyimnëjkxy.

1 Crónicas 18:13

David ojts jam jyä'äy t'ëxmatsy mëti'ipë tsiptuuntëpën ma ja Edom y'itjotmën, tëkokyë Edom ja'ayëty aakyë'ë David ojts y'ënä'ämta'ajëtë; David yajxon ënäty Wintsën pyutëkëty oy matsow tyimnëjkxy.

2 Crónicas 17:3

Yë Josafat ojts Wintsën pyutëkëty jä'ä ko oy winë tuuny jëtu'un tä ijty ja David winë tunyën, mëti'ipë y'ap'ajt y'ok'ajtën; oy ojts tyuunk tyajtso'ontä'äky. Yë'ë ka'ap nëkoo tii t'ëwtajty ets ka'ap twinkoxtënaay awinax mëti'ipë Baal jyä'ä'ajtypyën,