1 Samuel 17:53 - Biblia Mixe de Quetzaltepec

⁵³ Ko tpapooytyääytyë ja filistejë ja'ayëty, ënät ja Israel ja'ayëty wyimpijtë jam ma ënäty të y'itën ja filistejë ja'ayëty ets winë tpëjktaaytyë mëti'ipë ënäty jëtu'unyë të tnikäkta'atën.

Biblia Dc en Mixe de Quetzaltepec

⁵³ Ko tpapooytyääytyë ja filistejë ja'ayëty, ënät ja Israel ja'ayëty wyimpijtë jam ma ënety të y'itën ja filistejë ja'ayëty ets winë tpëjktaaytyë mëti'ipë ënety jëtu'unyë të tnikäkta'atën.

1 Samuel 17:53 ပူးပေါင်းရင်းမြစ်များ

Jeremias 30:16

Je'eyëp tëy ko pën ëxaty mtunëtëty, ëxëëk jyata'any, tëkokyë yë mmëtsiptëjk nëjkxta'ajantëp tsumy matsy wiink naax wiink kajpn, yajpëjkëtya'ajantëp mëti'ipë të mpëjkëtyën ets yajmä'tsta'ajantë mëti'ipë të mmäätsëtën.

Jeremias 4:20

Aakyë'ë yajmëtoop ëyo'on jotmay tyunyë jyätyë; xit ko'ow ja naax kajpn yajpaaty. Ajotkumonë të mya'ta'ay ja ijtakn ma ja ntsiptuunpëtëjkës y'itën, ja ijtakn mëti'ipë witnikojyën.

1 Samuel 17:52

Ënät ja tsiptuunpëtëjkëty mëti'ipë Israel ja'ayëtyën ets mëti'ipë Judá tso'ontëpën tyëjkëtyë yaxpë jojkpë ets tni'ënä'ämëtë ja tsip, tpatso'ontaaytyë ja myëtsip, tpaja'ajtë jampaat ma ja Gad ja y'itjot yajtuktëkën ets ma yajnitëkën ja kajpn mëti'ipë yajtijpën Ecrón. Tu'ktu'u aakyë'ë filistejë ja'ayëty yaj'ijxnëtë kujy jëpipy jëtu'un Saaraim ets yjä'ty Gad ets Ecrón.

1 Samuel 17:54

Ja David jam ojts tmënëjkxy Jerusalén ja Goliat ja kyëpajk, e ja yenypyujxn tyi'pxn ets ja kyu'umën jam ojts tyajwë'ëmy ma ja wyittëjkën.

1 Samuel 19:5

Ix wa'ats xynyijawë ko ka'ap yë jyuukyajtën tpa'ëyooy ma tyaj'o'kyën ja filistejë ja'ay, e mëët yë'ëkëjxm yë Israel ja'ayëty ojts tpaatë ja nitsokën. Mijts yajkutujkpë wa'ats xy'ijxy ets wa'ats xynyijawë. ¿E wi'ix ko ënät nëkoo xyaj'ooka'any tu'uk yë ja'ay mëti'ipë ka'ap tii poky tmëëtëtyën, ma xytyuknipëjktaakën xyaj'ooka'any ja David?

2 Samuel 23:10

E yë'ë tu'ukyë ojts ja wyinma'any tpëjktä'äky, yajxon may ja filistejë ja'ay tyaj'o'ky jä'ä xëëw, koonëm ja kyë'ë ojts jëtu'unyë jyu'unë jam yenypyujxnkëjxm. Yë Wintsën yë'ë ojts yajmëta'akëtë jä'ä xëëw. Ko jëtu'un t'ijxtë yë Israel ja'ayëty ënät tëkokyë tpuwa'këtyääytyë ja Eleazar ets tpëjkmujktaaytyë winë mëti'ipë ënäty ja myëtsipëty jëtu'unyë të tnipëyë'ktu'utën.