1 Samuel 17:47 - Biblia Mixe de Quetzaltepec

⁴⁷ Tëkokyë jënu'un tyam yaa yajpaatën nyija'awëtëp jëtu'un ko yë Wintsën ka'ap yë'ëjëty mëët yajtso'oky pujxn ku'umën, ëkë ti'pxn. Jä'ä ko ya'atë tsip Tios yë'ë kë'ëm tyimtunäämpy ets yë'ë mkë'ëyakanëp ma ëëtsëtyën.

Biblia Dc en Mixe de Quetzaltepec

⁴⁷ Tëkokyë jënu'un tyam yaa yajpaatën nyija'awëtëp jëtu'un ko yë Wintsën ka'ap yë'ëjëty mëët yajtso'oky pujxn ku'umën, ëkë ti'pxn. Jä'ä ko ya'atë tsip Dios yë'ë kë'ëm tyimtunäämpy ets yë'ë mkë'ëyakanëp ma ëëtsëtyën.

1 Samuel 17:47 ပူးပေါင်းရင်းမြစ်များ

2 Reyes 5:15

Ënät ja Naamán ets ja jyä'äy ojts ninëjkxtë ja Elisejë. Ko jam jyä'äjty ma ja Elisejë yajpaatyën, ënät ja Naamán t'ënëmaay: Ëjts tëëjës ënät yajxon nijawë ko ka'ap maa wiinkpë Wintsën jaakmëjpë jëtu'unpë tä mëti'ipë yajpatpën ma Israel nyaax kyajpnën. E tyam mijts npëjktsoy ets xytyunëty yë mëyajtën xykyupëkëty ya'atë näynyamo'ojë mëti'ipë të ntukniminyën.

2 Crónicas 14:11

Asá ojts ënätyë Wyintsën tmëkäjpxy mëti'ipë Tyios'ajtypyën ets t'ënëmaay: Mijts tu'knax ja'ay xypyutëkë oypyënëty, wä'än yë'ëjëty mëti'ipë ëmaay amutskën ets wä'än yë'ëjëty mëti'ipë amëk jotmëkën. Paaty yam mijts npëjktsoy etsës xypyutëkëtëty, ma mijts yë mxëëwën jamës mpëjkta'aktë ja njot nwinma'anyëty ets jëtu'un yam ya'atë nmëtsip ëëts nwinkuwa'akëja'antë. Mijts Wintsën, mëti'ipës nTios'ajtëpën, ka'ap mëpaat pën mjënaxyë.

Salmos 46:11

Yë Wintsën mëti'ipë maaytyääyëpën winë yaa tyam yajpaaty mëët ëëts'ajtëmë. Yë'ë ntsoktakn'ajtëm mëti'ipë yë Jacob y'ëwtajtën.

Isaías 9:7

Ets jam nyaaxwäätsa'any ma ja David ja kyutujktaknën; këjääjëjaanp ja y'ënä'ämën kyutujkën, ja jotkujk'ajtën ka'ap nëjkx nijëna'a kyixy nyäxy; ja kyutujkën ta'tspëky nëjkx yajpaaty, nëjkxëp tuny ja oypyë nipaye'eyën ets ja tëypyë jaantypë winë xëëw winë kyëjxm. Mëët ko yë Wintsën tmëët'aty yë tsojkën ja'awën, mëti'ipë maaytyääyëpën winë, paaty nëjkx jëtu'un tyunyë jyätyë.

Oseas 1:7

Yë'ë tëy yë Judá mpa'ëyowäämpyës yë'ë, ëjts Wintsën mëti'ipë Tyios'ajtëpën ëjts kë'ëm nyaj'ëwaatsëpëtsëmäämpyës. Je'eyëp ëjts ka'apës tsipkëjxm nyajtso'oka'antë, ka'apës nyajtuna'any yë ti'pxn, tëypyujxn, kwaay ets pujxnwintëkäämpë.

Zacarías 4:6

Ets y'ënäny: Jëtu'un ja Wintsën t'ënëmaay ja Zorobabel: Ka'ap yë'ëkyëjxmëty ko may jyääjëty yë tsiptuunpëtëjk ëkë ko ja'ay jyotmëkëty, yë'ë tuunp ëjts yë nmëjaaw nmëk'ajtën, jëtu'un y'ënä'äny yë Wintsën mëti'ipë maaytyääyëpën winë.

Romanos 8:31

¿Tii ënät njaaktimkyajpxmëp? Pën Tios mëët ëëtsajtëm, ni pën xykyamëmëtakmëty.

Romanos 8:37

Ko tii xyjyajtëm xykyëpäjtëm, nmëmëtakëm, jä'äkyëjxm ko ja Kristë xypyutëjkëmë, mëti'ipë ni'ik xytsojkëmën.

Josue 10:8

ets ja Wintsën y'ënëmaayë: Këtii ninu'un mtimtsyë'ëkëty, ëjts tëëjës yë nkë'ëyäky tääpë ja'ayëty ma mijtsën ets ni pën tkajëkyepy ënät ëxëëk m'ëk tuunënëtëty.

1 Samuel 14:6

Ets ja Jonatán t'ënëmaay ja tyuunpë: Jotëkoy ja'amtë jamtsow awinm ma yajpaatën tääpë ja'ayëty ka'apë tnijawëtën pën y'ëwtatëpën. Kooxyëp yë Wintsën xynyaputëjkëmëty. Jä'äxë ko mëët yë'ë ka'ap jyatsipëty ko xyajmëta'aka'amëty oy yë ja'ay nyimayëty ëkë nyiwäänëty.

1 Samuel 18:17

Ënät ojts yë Saúl tëkok t'ënëëmë yë David: Nmo'ojëp yë nnëëxës mëjpë mëti'ipë xyëëwajtypyën Merab, ets yë'ë xypyëkëty y'uukëty. Je'eyëp ko ënät, pën mijts mtsiptuunp ets pën jotmëk xëmë myajpaaty ma ja tsipën mëti'ipë yë Wintsën tsyip'ajtypyën. Ja Saúl paaty jëtu'un y'ënäny jä'ä ko tyaa ënäty myäy tyäjy ko ka'ap tyimkopkpëkyëty kë'ëm tyaj'ookëty ja David, ja filistejë ja'ayëty yë'ë jëna'a yaj'ookëtëp.