1 Samuel 17:46 - Biblia Mixe de Quetzaltepec

⁴⁶ E tyam yë'ëts yë Wintsën mkë'ëyakanëp ëjts nkë'ë'amjotmës, tyam nyaj'ookäämpy yam ets nëëpuxa'anyës yë mkëpajk. E tëkokyë yë jyot nyini'kxëty yë tsiptuunpëtëjkëty mëti'ipë filistejë ja'ayëtyën, ooykyës yam ntuk'ajëpijpëtya'aja'antë yë joon jëyujk, jëyujk ëwa'anëtypë mëti'ipë jëtijtëpën aayjoty ujtsjoty. Jëtu'unts nijawëtëty tëkokyë yë ja'ayëty naaxwiinyëtë apëtsëmy ko tää tu'uk yë Tios yajpaaty ma Israel ja'ayëtyën.

Biblia Dc en Mixe de Quetzaltepec

⁴⁶ E tyam yë'ëts yë Wintsën mkë'ëyakanëp ëjts nkë'ë'amjotmës, tyam nyaj'ookäämpy yam ets nëëpuxa'anyës yë mkëpajk. E tëkokyë yë jyot nyini'kxëty yë tsiptuunpëtëjkëty mëti'ipë filistejë ja'ayëtyën, ooykyës yam ntuk'ajëpijpëtya'aja'antë yë joon jëyujk, jëyujk ëwa'anëtypë mëti'ipë jëtijtëpën aayjoty ujtsjoty. Jëtu'unts nijawëtëty tëkokyë yë ja'ayëty naaxwiinyëtë apëtsëmy ko tää tu'uk yë Dios yajpaaty ma Israel ja'ayëtyën.

1 Samuel 17:46 ပူးပေါင်းရင်းမြစ်များ

Isaías 52:10

Tëë ja naax kajpn tnija'awëtya'atë wi'ix ja Wintsën ja myëj'ajtën të tyaj'ixyën. Jëkämpaat ets naaxwiinyëtë apëtsëmy yajnijawë ko ja Wintsën të xyajnitsokëmë.

Josue 4:24

Jëtu'un nëjkx tëkokyë ja naax kajpn tnijawëtë naaxwiinyëtë apëtsëmy ko yë Wintsën mëj ets jaanty yë'ë. Miitsëty yë'ë xëmë m'ëwtatëp ets xymyëjjaw xy'oyjyawëtëty, tääpë Wintsën mëti'ipë miits mTiosajtëpën.

2 Reyes 19:19

E tyam mijts myaj'amëtoy myajpëjktsoy Wintsën, ma mijts myaj'ëwtatyën, koos xynyiwaantu'utëty ets ëwaatsëtuuy xyajwë'ëmtëtyës këtiipës tääpë ja'ayëty ëxëëk xytyuntëty, jëtu'un tëkokyë ja naax kajpn tnijawëtëty ko mijts tu'uk mWintsën, mëti'ipë mëpaat yë naaxwiinyëtë ja'ay t'ëwtatyën.

1 Reyes 8:43

Mëtoow'ijtëp ja y'aaw y'ayukëty jam tsajpjotm ma myajpaatyën ets mo'ojëp mëti'ipë ënäty m'amëtoow mpëjktsoowëpën. Jëtu'un tu'kë'ëyë ja naax kajpn tnijawëtëty ja mxëëw ko myëkëty ets mwinkutsë'ëkëtëty jëtu'un tä Israel naax kajpn mwinkutsë'ëkëtën ets nëjkx tnijawëtë ko yaa ja mxëëw yajmëjjawë, ma ya'atë tsajptëjkën, mëti'ipë yam të yajkojyën.

Deuteronomio 28:26

Lutëty ets witsnëty yë'ë tsyu'utstëp wyëtstëp ja mjot mnini'kx ets oyxyëp jeexyë pën jyam'aty pën y'ëtsë'këpën.

Daniel 2:47

Ok t'ënëmaay yë Daniel: Tëy jaanty yë'ë mijts yë mTios, ni'ik myëjëty këtiinëm jyëtu'unëty yë wiinkëtypë tios; yë'ë nyiwintsën'ajtääpy yë yajkutujkpëtëjk ets yë'ë yäjkpy yë nija'awën ma tsipëtypë ets yu'utsypë winma'any, paaty mijts të xynyijawë wi'ix nyiwija'anyën ya'atë nkuma'ayës.

Éxodo 9:16

E ëjts tëëjës nyajkutuky ets mjuuky'atëty ets xy'ixëty wi'ix'äämpy ëjts yë mëk'ajtën nmëëtëtyën ets jëtu'un akäjpxy n'itëtyës oy tyimmaajëty.

Mateo 24:28

Ma ënäty jam tii të y'ookyën, jam ja majkwejkxy myuka'antë.

Daniel 3:29

Tyam yë'ëjës yam nikäjpxyp ko pën ëxëëk tnikäjpxy tnimëtya'akëty yë Tios mëti'ipë tyaapë ëna'këty y'ëwtajtëpën nëjkxëp yaj'atsuk yajtuktsukë ets nëjkx ja jyëën tyëjk tsaanipiy y'awinpity oy ënäty myaakajpnëty tsyoony ets wä'än myëti'ipë y'ayukëty tkäjpxy, jä'ä ko ka'ap maa tios mëti'ipë jëtu'un yajtsokpën tä yë'ëjëty yë Tyiosëtyën.

Isaías 37:20

E tyam, yajtsoktëk ëëtsëty ma yë'ëjëtyën, Wintsën, mëti'ipës nTios'ajtëpën ets tëkokyë ja naax kajpn nijawëtëty ko mijts tu'ukyë mWintsën'ajtp ets mTios'ajtp.

Salmos 46:10

Näkyë'ëyakëtë. Ijxkajptëkës koos ëjts nTiosëty. Ëjts mëj'äämpy ijtp ma mëjëtypë naax kajpnën, Mëj'äämpyës n'ity ma naaxwiinyëtë y'ëwtityën.

1 Samuel 17:44

Ëpëky t'ënëmaay: Nimiinkës yaa winkon, wä'änës yë mxixy yë'ë nmo'oy yë joon jëyujk ets nyätyuk'ix nyätyukmëyatëtëty, ëkë jëyujk mëti'ipë ëwa'anëtyën, aayjotypë ujtsjotypë jyëtitën.

Deuteronomio 7:23

Yë Tios tëë tuknipëjktaakë, ko miits mkë'ëmo'oja'anëtë ya'atë naax kajpn, yë'ë nyija'ap jëna'a tyajkutëkooytya'aja'any mëti'ipë jam yajpatëpën.

Deuteronomio 7:2

Ko yë mWintsënëty ënäty të tkë'ëyajkta'ay ya'atë ja naax kajpn ma miitsëtyën ets ko ënäty tëë xyajkutëkooytya'atë, wa'ats nëjkx oytyiijëty xyajkutëkooytya'atë ets nitii aaw nitii ayuk nëjkx mëët xykyamëët'atë; nëjkxëp xyajkutëkooytya'atë, ninu'un xykyapa'ëyowtëty.

Isaías 56:9

Miinta'atë ëwa'anjëyujkëty; yukjotypë mtsëënëtën, mëti'ipë tsyu'tstëpën ja tsajppax ets kupixyny,

Salmos 31:8

Ka'apës të xykyë'ëyäky maas ja nmëtsiptëjkën; jamës të xyajnaaxwä'äky maas jotkujk ntänëtyën.

Josue 10:8

ets ja Wintsën y'ënëmaayë: Këtii ninu'un mtimtsyë'ëkëty, ëjts tëëjës yë nkë'ëyäky tääpë ja'ayëty ma mijtsën ets ni pën tkajëkyepy ënät ëxëëk m'ëk tuunënëtëty.

1 Samuel 14:6

Ets ja Jonatán t'ënëmaay ja tyuunpë: Jotëkoy ja'amtë jamtsow awinm ma yajpaatën tääpë ja'ayëty ka'apë tnijawëtën pën y'ëwtatëpën. Kooxyëp yë Wintsën xynyaputëjkëmëty. Jä'äxë ko mëët yë'ë ka'ap jyatsipëty ko xyajmëta'aka'amëty oy yë ja'ay nyimayëty ëkë nyiwäänëty.

2 Samuel 18:28

Ko ja Ahimaas jam jyä'äjty ma ja yajkutujkpën, ënät wyintäky nyaaxkooy, tyajnikëxë'ëky jëtu'un ja näwyinkutsë'ëkë ets t'ënëmaay: Kënu'kxy nyaxëty yë Wintsën yë myëjxëëw, mëti'ipë mijts yajkutujkpë m'ëwtajtypyën, jä'ä ko tëë tjëpëky tjëtuny ja mëti'ipë m'ixjëtijt mpajëtijtëpën.

2 Samuel 21:10

Ënät ja Rizpa o'ktëy nyäxyojxë, ja Aiá nyëëx; yë'ë pyëjktak yë tukwit mëti'ipë tëë ëxëëk jyajtaaynyën mëët ja monyëtukyë mëti'ipë ënäty myënajxyp yajnajxypyën, jamts tsaakëjxm nyäjyëpijptakë. Jam jëtu'un ja xëëw jëmëjt tyajnajxy tyimtso'ontäky ma ja pëjktä'äky cebadë ënäty myëjaawë'ëkyën koonëm ja ja'ay tpëjkmujktaay tuunmujktaaytyë ja pyëjktä'äkyëty ets pyotmtëjkëy, ka'ap tuktsu'ty ja lut majkwejkxy ja o'kpë.

1 Reyes 8:60

jëtu'un ja wiinkëtypë ja naax kajpn nijawëtëty ko yë'ë tu'ukyë Wintsënajtp ets ka'ap maa wiinkpë.

2 Reyes 5:15

Ënät ja Naamán ets ja jyä'äy ojts ninëjkxtë ja Elisejë. Ko jam jyä'äjty ma ja Elisejë yajpaatyën, ënät ja Naamán t'ënëmaay: Ëjts tëëjës ënät yajxon nijawë ko ka'ap maa wiinkpë Wintsën jaakmëjpë jëtu'unpë tä mëti'ipë yajpatpën ma Israel nyaax kyajpnën. E tyam mijts npëjktsoy ets xytyunëty yë mëyajtën xykyupëkëty ya'atë näynyamo'ojë mëti'ipë të ntukniminyën.

Jeremias 34:20

Paatyës të ntuknipëjktaakë ets jam kya'atëty ma myëtsipëtyën kutsë'ëkëpë ets nyini'kxëty nëjkx tsyu'tsxëtë lut majkwejkxy ets kaa jëyujk,

Génesis 40:19

kom tëkëëk xëëw yë mëj yajkutujkpë tnipaye'eyä'äny yë mpoky ets myajyo'ktëyä'äny ma tu'uk yë kepyën, yë joon jëyujk yë'ë mnini'kx nëjkx tsyu'utsyë.

Jeremias 19:7

Ma ya'atë it naaxwiinyëtën nyajma'ta'ajäämpyës tëkokyë mëti'ipë yë Judá ja'ayëty ets Jerusalén ja'ayëty tyuknipëjktakëtëpën. Ëjts nyajkutukäämpy ets myëtsip ëxëëk tyunëtëty, yaj'ookëtëty, yë jyot nyini'kxëty yë'ë nëjkx lut majkwejkxy ets kaa tsyu'tsëtë.