1 Samuel 17:43 - Biblia Mixe de Quetzaltepec

⁴³ je'eyë t'ënëmaay: ¿TI wi'ixës xy'ixy, ukënë, paatyës xynyiminy mëët yë kepyë? Ets ojts tpoky ja David mëët ja kyë'ëmtios xyëëwkëjxm.

Biblia Dc en Mixe de Quetzaltepec

⁴³ je'eyë t'ënëmaay: ¿TI wi'ixës xy'ixy, ukënë, paatyës xynyiminy mëët yë kepyë? Ets ojts tpoky ja David mëët ja kyë'ëmtios xyëëwkëjxm.

1 Samuel 17:43 ပူးပေါင်းရင်းမြစ်များ

2 Samuel 9:8

E ja Mefi-bóset, ojts wyintä'äky nyaaxkoy jëyëjp ets y'ënäny: ¿Ëjts ka'apës nijawë, tii ko jëtu'un yë ënä'ämpë xy'ënëëmës? Yë ënä'ämpë wa'ats tnijawë ko ka'apës nitii xymyäy ets ntunëtyës, jëtu'unës ëjts tä tu'uk yë uk ookyën.

2 Samuel 3:8

Ko ja Abner jëtu'un tmëtooy ja Is-boset tyuk'ojyë ja to'oxytyëjk, je'eyë ojts y'ëxëëkjoot'anpëky ets t'ëtsooy: ¿Wi'ix ko jëtu'un m'ëna'any, tii kajtsës ëjts yam ntimy'uk'ajtnë etsës jëtu'un njëtitëty ma Judá nyaax kyajpnën. Ëjts oyës yë njot nwinma'any xëmë të nyaj'ixyë ma Saulën ets ma jyëën tyëjkën, mijts yë mteety. Paatykyëjxm mijts ka'ap të n'ëxmatsy ets David myaj'ook myajtëkoyëtëty. E tyam ix tii poky ënät xytyuknipëjkpës, koos ma'any tääpë to'oxytyëjk të ntimmyëët'ajnë?

1 Samuel 24:14

E yë'ëtsës ënät nkanija'ap ¿wi'ix ko yë yajkutujkpë xypyajëtityës? ¿Wi'ixës ko xyaj'ooka'any xyajtëkoyä'äny? Pën ëjts ka'apës maa nmëtëkoy, jëtu'unës ëjts tä tu'uk yë ukën ëkë tä tu'uk yë pixkën.

Proverbios 26:2

Jëtu'un tä tu'uk yë tsi'k kyääkjëtityën ets tä yë patutkën ka'apë tmëëtëtyën yë pyä'än, jëtu'un ja näpyokë ka'ap jyäty ma ja'ayën mëti'ipë nanëkoo pën të pyokyën ets ka'ap tii tuuntëko'oyën tmëëtëty.

2 Reyes 8:13

Tä ja Hazael y'ëtsooy: Ëjts jëtu'unës tä tu'uk yë ukën, ka'apë nitii tkëjxmëtyën. ¿Wi'ixës ko jëtu'unpë ja winma'any n'ëkpatpëty? Ets ja Elisejë y'ëtsooy: Yë Wintsën yë'ëjës të xytyuk'ëwaanë ko mijts nëjkx myajkutuky jëna'a jam ma Siria ja'ayëtyën.

2 Samuel 16:9

Ënät ja Abisai, yë Sarvia myaank t'ënëmaay ja yajkutujkpë: ¿Tim pën jëtää tyaapë ja'aynyë ets jëtu'un ëxaty t'ënëëmëty ja yajkutujkpë? tyamës yaa nëpujxëty yë kyëpajk.

Génesis 27:29

May ja ja'ay mëtunëtëty ets mwinkoxtänëtëty ja naax ja kajpn mijts mwintuuy. Mijts mniwintsën'atëp ja mjëëky mmëku'uk, ets näjyëtu'un mwinkoxtänëtëty. Pën mpojkëp, poky näjyëtu'un wyë'ëmëty; e pën mkënu'kxëp, kënu'kxy näjyëtu'un wyë'ëmëty.

Números 22:6

Paaty yam npëjktsoyës ets minëty poj'am, tääts ya'atë kajpn xypyokëty. Jä'ä ko jëtu'unës n'ixy njawë, ka'apës yowë xyajmëta'akëty. E ko xypyokëty wä'änës ëjts nmëta'akëty etsës n'ixwojpta'atëty maas n'itjotmën. Ëjts wa'atsës nijawë, ko pën xykyënu'kxy ets ko pën xypyoky atëëp.

Jueces 9:27

Ënät ojts tsyoontë tsatsym tyujkpë ets ja tsatym nyëë tyaj'o'oyëtyë, mëj tnixëëwtuuntyë ets y'uktë myukëtë; kyääytyë pyëjktë ma ja Baal ja tsyajptëjkën ets tpojktë ja Abimélec.

1 Samuel 14:12

Tääts ja Jonatán mëët ja tyuunpë yajyaxëtyë: Yam ku'të, tyam tu'uk yë ayuk nmo'oja'antë. Tä ja Jonatán t'ënëmaay ja tyuunpë: Pamiinkës jä'ä ko yë Wintsën tëë kyë'ëyakëtë ma Israel ja'ayëtyën.

2 Samuel 16:5

Ko yë David jyä'äjty ma jam ma Bahurim kopkën, jam nyipëtsëëmë tu'uk yë ja'ay jä'ä xyëëwajtyp Simí, yë'ë yë Saúl yë jyä'äy. Yë'ë ja myaank ja Guerá ets wiinkjaty jyänty ënë'ëmxëty, jyänty pyokyë,

1 Reyes 20:10

ja Ben-adad ojts jatëkok tnikäjpxykyäxë ja Ahab ets t'ënëmaay: Yë tiosës xytyiytyunëp, pën wë'ëmp jam yë naaxway Samaria mëti'ipës jeexyë nmoopyën këëk tu'knuuky ja ntuunpëtëjkës.

1 Samuel 24:15

Paaty tyam wä'än yë Tios yë'ë tkëwentëpëky pën pokymyëët ma ëëtsajtëmën nimäjtsk. Wä'än yë'ë kë'ëm xykyuwa'anyës ets wä'än yë'ë kë'ëm tpaye'ey pën tiijës të ntuuntëkoy, mëët koos yë yajkutujkpë xy'ixjëtity xypyajëtity.