1 Samuel 17:37 - Biblia Mixe de Quetzaltepec

³⁷ Yë Wintsën mëti'ipës xëmë xyajtsokpën ma kaajën ets ma jëyujkën ëwa'anëtypë, nän yë'ëjës xyajtso'okaanp ma tääpë yë filistejë ja'ayën. Ënät ja Saúl y'ënëmaayë: Nëjkxts ets yë'ë Wintsën mputëkëtëp.

Biblia Dc en Mixe de Quetzaltepec

³⁷ Yë Wintsën mëti'ipës xëmë xyajtsokpën ma kaajën ets ma jëyujkën ëwa'anëtypë, nän yë'ëjës xyajtso'okaanp ma tääpë yë filistejë ja'ayën. Ënet ja Saúl y'ënëmaayë: Nëjkxts ets yë'ë Wintsën mputëkëtëp.

1 Samuel 17:37 ပူးပေါင်းရင်းမြစ်များ

Salmos 63:7

jä'ä ko mijts xypyutëjkëpës. Jotkujkës nnäjyawëty mkäknpa'tkë'p.

1 Crónicas 22:11

E tyam ënät n'ënëëmë u'unk maay ets Wintsën mputëkëtëty ets xykyojëty ja mWintsën ja tsyajptëjk, jëtu'un ijxtëm yë'ë të y'ënä'änyën ko mijts xykyojëty.

1 Samuel 20:13

e pën nijawë'ajtypës ko mjantyyaj'ookanëp. Yë Tios yë'ëjës mëk xytyiytyunëp pën ka'ap n'ëwaanë ets pën ka'ap yajxon mputëkë ets tjëkyäpëty mkä'äkëty. Yë Tios yë'ë mëj këjää mputëkëjanëp jëtu'un tääjës ja nteety të tputëkën.

1 Samuel 7:12

Tä ja Samuel tkoonë'ky tu'uk yë tsaa ets tpëjktäky ma mëët nyäpyaatëtën yë Mizpá ets Sen. Tä txëëwmooy jampë it naaxwiinyëtë Eben-ézer, jä'ä ko tyaa y'ënäny: tyampaat yë Wintsën të xypyutëjkëmë.

Salmos 138:3

Ko të nmëkäjpxy, tëës xy'ëtsoy ets tëës yë njot nmëjaaw xyajmëj xyajkëjääjë.

2 Samuel 10:12

Këtii mtimtsyë'ëkëty, amëk jotmëk tim it, tsojk nkuwa'anëm yë nnaax'ajt nkajpn'ajtëm ets tsojk nitsiptu'unëmë yë Wintsën yë nyaax kyajpn. Wä'än yë Wintsën t'ix wi'ix të tuknipëjktaakë.

Salmos 77:11

Tyam je'eyës njaakja'amyätsa'any wi'ix ojts yë Wintsën winë mëj këjää tunyën tkäjpxyën;

1 Samuel 26:25

Tä ja Saúl mëk yujk'ënany: Tios mkënu'kxëtëp David, u'unk maay. Mijts mëj këjää nëjkx winë xytyuny ets oy winë mwinpëtsë'ëm njëjpëtsë'ëmxëtëty. Tä ojts ja Saúl wyimpijnë ma tyëjkën ets ja David ja tyu'u jatëkok tpëjky.

1 Samuel 24:19

Tëë yajnijawë ko yë ja'ay yë myëtsip tpaaty ka'ap oy mëk tyajwinpity. Paaty yam n'ënëëmë ets Wintsën yë'ë mkuju'uyxyëtëty mëti'ipë tyam të xytyunyën mëët ëjts.

Salmos 11:1

Ëjts jamës n'ixta'ay yë kuwa'anën ma Wintsënën. Oyës pën xyjya'ënëëmë: Kä'äk, nëjkx jam kopkëjxm tä joonën.

1 Samuel 17:36

E wä'än tmëti'ipë jëyujkëty, tä yë kaajën ëkë osë ëjts poj'amës ijty nyaj'ooky. E nän tim jëtu'untsën ënät jyatëty kyëpätëty tääpë yë filistejë ja'ay mëti'ipë ka'ap nijawën pën y'ëwtatëpën mëti'ipë nëkoo yajoot'anpëjkpyën, ja Wintsën ja tsyiptuunpëtëjk.

1 Samuel 17:38

Ënät ja Saúl ojts tni'ënä'ämë ets ja David tuknijäntëty ja wit nän jëtu'unpë tä ja Saúl ja jyä'äjën ets tu'uk ja pujxn kujup tukujuptëty ets tuk'ëtuktëty ja nyini'kx mëët tu'uk ja pujxn nijän.

Daniel 3:17

Ëëts ja nTiosëty, mëti'ipë n'ëwtajtëpënës, yë'ëjës xyajtso'oktëp jap jëënjoty ets muum ëxëëktum ma ënäty ja yajkutujkpë ëëts xypyëjkta'aka'antën, yë Wintsën yë'ë ëëts xyajtso'okantëp.

Josue 1:17

Tyam ëëts ntuntëty mëti'ipë mijts mni'ënä'ämëpën jëtu'un tä të nmëmëtowtënës yë Moisés. Yi'iyë tëy ntsojktëpës ets mWintsën näjyëtu'un xëmë mputëkëtëty tä ojts yë Moisés tputëkën.

Rut 2:4

Tam ënäty tyuntë ja ja'ayëty ko ja Booz jyä'äjty ets tkajpxpo'kxtaay ja tyuunpëtëjk. Wi'ix jyäty kyëpety mëku'uktëjkëty, Tios mkënu'kxëtëp. Näyjyëtu'un mijts, Tios mkënu'kxëtëp. Jëtu'un y'ëtsoowtë ja tuunpëtëjkëty.

Salmos 118:6

Yë Wintsën yë'ëjës xymyëët'ajtp, paatyës ka'ap ntsë'ëkë njawë. ¿Wi'ixës yë naaxwiinyëtë ja'ay xynyatunëty?