1 Samuel 17:22 - Biblia Mixe de Quetzaltepec

²² E tëkokyë mëti'ipë ënäty ja David myënëjkxypyën, jä'ä ojts poj'am tukkë'ëtëjkëtyä'äy ja ja'ay mëti'ipë kyëwent'ajtypyën ja ku'umën, yenypyujxn ets ti'px, tëkokyë mëti'ipë ja ja'ay myëtsiptuuntëpën ets ojts nyijkxy pëyi'ikyë ma ënäty ja y'äjty yajpaatën ets t'ixa'any wi'ix jam jyatë kyëpätën.

Biblia Dc en Mixe de Quetzaltepec

²² E tëkokyë mëti'ipë ënety ja David myënëjkxypyën, jä'ä ojts poj'am tukkë'ëtëjkëtyä'äy ja ja'ay mëti'ipë kyëwent'ajtypyën ja ku'umën, yenypyujxn ets ti'px, tëkokyë mëti'ipë ja ja'ay myëtsiptuuntëpën ets ojts nyijkxy pëyi'ikyë ma ënety ja y'äjty yajpaatën ets t'ixa'any wi'ix jam jyatë kyëpätën.

1 Samuel 17:22 ပူးပေါင်းရင်းမြစ်များ

Génesis 37:14

Oy mnëjkxëty, jëtu'un y'ënäny yë Israel. Nëjkx ix wi'ix yajpaatë jam ja mmëkä'äxtëjk ets näjyëtu'un ja jëyujk tsajpkaa, tsajppax ets kupixyny, e ko mwinpitëty täätsës xytyukmëmëtya'akëty wi'ix ënäty jam të xy'ixy të xykyoyën. Ënät yë Israel tkejxy yë José, jam ojts tsyoony Hebrón ets jyä'äjty Siquem. Tam ënäty tyimja'tanë

2 Samuel 11:7

Ko ja Urías jam nyäwya'këxë'kë ma ja Davidjën, ënät y'ënëmaayë: ¿Wi'ix ja Joab jam, e wi'ix xy'ixy ja tsip?

Éxodo 18:7

Ënät ja Moisés jap pyëtsiimy tyëkoty ets ojts tjëjpye'eyi'iky ja myë't. Tä nyaaxkooy tyajnikëxë'ëky jëtu'un ja näwyinkutsë'ëkë ets ojts tsu'kxy. Ko nyäkyajpxpo'kxtaayëtë, ënät jap tyëjkëtyë tëkoty ma ja wit tëjkën.

Isaías 10:28

Jam jyä'ty Aíat, Migrón nyäxy, jam Micmás ja tsyimy kyi'iy tyajwë'ëmy,

Jueces 18:15

Tä ja ja'ayëty tpuwa'ktutë ja myëku'ukëty, ja nimëkoxpë mëti'ipë ënäty ojts të y'ixtë tyuntën ets nyëjkxtë jam ma ja Leví ja'ay y'ityën, jam ma ja Micaías ja tyëjkën ets ojts tkajpxpo'kxtë.

Jueces 18:21

Tä twoowtso'ontaaytyë ja y'u'unk y'ëna'këty y'u'unk tyo'oxytyëjkëty ets ja jyëyujk tsyajpkaajëty, tsyajpaxëty kyupixynyëty.

1 Samuel 17:21

Tä yë Israel ja'ayëty ets näjyëtu'un yë filistejë ja'ayëty poj'am nyäwya'ptaayëtë ets mäjtskpëky nyäwyinkuwa'këtyë.

1 Samuel 30:21

Ko ja David jyä'äjty jam ma ja nimäjtskmëko'pxpë ja jyä'äy të wyë'ëmtën mëti'ipë ënäty të y'ënu'kxëtën ets ka'ap ojts jyämyëët'atëtë, ënät nyipëtsëëmëtë ets ojts jyëjpye'eyë'ëkëtë. Ko ja David jëtu'un t'ijxy tääts ojts tkajpxpo'kxta'ay.