1 Samuel 17:12 - Biblia Mixe de Quetzaltepec

¹² Jä'ä jëmëjt ma ja Saúl y'ëne'emyën, jam Belén, tam ijty tu'uk yë ja'ay tsyëënë, jä'ä xyëëwajtyp Jesé, tëë ënäty myëjja'ayënë. Nituktujk ijty ja myaank: tu'uk David xyëëwajtyp.

Biblia Dc en Mixe de Quetzaltepec

¹² Jä'ä jëmëjt ma ja Saúl y'ëne'emyën, jam Belén, tam ijty tu'uk yë ja'ay tsyëënë, jä'ä xyëëwajtyp Jesé, tëë ënety myëjja'ayënë. Nituktujk ijty ja myaank: tu'uk David xyëëwajtyp.

1 Samuel 17:12 ပူးပေါင်းရင်းမြစ်များ

Génesis 35:19

Jëtu'un ojts yë Raquel y'ooky tyëkoy ets jam nyaaxtëjkëy tu'u'am, ma ja Efrata y'itjotmën, mëti'ipë tyam txëëwajtnëpën Belén.

2 Samuel 23:1

Ya'atë ja aaw ayuk ojts tjaakäjpxy ja David: Yë David, myaank yë Jesé, tu'uk ja ye'etyëjk mëti'ipë ojts ja Wintsën mëj yajnaxyën, mëti'ipë ja Wintsën kë'ëm timwin'ijxën ets yajkutukëty; mëti'ipë oyëty ja ëy myä'kxën, ets oyëty ja aaw ayuk ojts tkäjpxy:

Salmos 132:6

Jam Efrata ojts yajnikäjpxy y'ity ja kaaxë mëti'ipë ja käjpxytyu'unën myë'ijtypyën, ets tyam jam yajpaaty winwa'atstum ma ja Jaar y'itjotmën.

Miqueas 5:2

E mijts Belén, mëti'ipë näjyëtu'un yajtijpën Efrata, mutskpë kyajpn'atyën ma Judá kyajpnën, jam tu'uk ënä'ämpë pyëtsëma'any mëti'ipë nëjkx yajkutukyën Israel, yë'ë jyä'äy yë tëëyëpë jyuuky'atën.

Mateo 1:6

Yë Jesé yë'ë teety'ajtë David. Yë yajkutujkpë David yë'ë teety'ajtë Salomón, yë Salomón yë'ë tyaak'ajt yë Urías yë tyo'oxytyëjk.

Mateo 2:1

Belén ja Jesús ojts myiny kye'exy, Judea y'itjotm. Herodes ënäty jam yajkutujkp. Tääts jam Jerusalén jyajtë ja matsa'a ixtääpyë mëti'ipë tso'ontëpën xëëwpëtsëmtsyow.

Mateo 2:6

Mijts Belénkëtë kajpn, Judea y'itjotmëtë, ka'ap mijts mnanëkookajpnëty ma tääpë naaxën, jä'ä ko jam tu'uk ja yajkutujkpë pyëtsëma'any mëti'ipë tyu'u wyinye'eyäämpyën yë n'Israel kajpnës.

Rut 4:17

Jëtu'un ja myëjëën myëtëjk y'ënantë ko t'ijxtë: Yë Noemi tëë tu'uk yë u'unk maay tyajminy tyaja'ty naaxwiinyëtë. Ets tyajxëëwpäjtë Obed, mëti'ipë tyeety'ajtën yë Jesé, yë tyatwelë yë David.

Rut 4:22

Obed xyëëwajt yë tyeety yë Jesé, Jesé xyëëwajt yë tyeety yë David.

1 Samuel 1:1

Jam ma tu'uk yë it naaxwiinyëtën ma ja kopkjotmën mëti'ipë Efraín ja'ay nyitënaaytyëpën, jam Ramá, jam ijty tu'uk yë ja'ay tsyëënë, yë'ë Suf yë myëku'uk, Elcana xyëëwajtyp. Yë'ë myaank yë Jeroham ets y'ok'u'unk yë Elihú. Yë y'apteety jä'ä ijty xyëëwajtyp Tohu, yë'ë myaank yë Zuf, yë'ë jyä'äy yë Efraín.

1 Samuel 16:1

Ënät ja Wintsën t'ënëmaay ja Samuel: ¿Mapaatën mon tuk m'ita'any mëëtkyëjxm yë Saúl? Ëjts ka'apës n'ëktsojknë ets yë'ë y'ënä'ämëty ma Israel kajpnën. Yaj'uts yë mxuty mëët yë on ets mnëjkxëty jam Belén ma Jesé tsyëënën, jä'ä ko tëëjës tu'uk yë myaank nwin'ijxë ets yë'ë y'ënä'ämëty ma Israel kajpnën.

1 Samuel 16:18

Tääts tu'uk y'ënäny: Tëkokës ojts n'ixy jam ma Jesé yë tyëjkën ko tam tu'uk yë myaank mëti'ipë janty'oy koowpën, jampë tsyëënën Belén, tyukjajtyp kyowëty jotmëk näjyëtu'un, nikääkë kyäjpxy myëtyä'äky, wijy kujk ets oy y'ixëty.

1 Samuel 17:11

Ko ja Saúl ets ja Israel ja'ayëty jëtu'un tmëtoowtë y'ënä'äny ja filistejë ja'ay, ojts ja jotmay tyuktëjkëtya'ajëtë ets ja tsë'ëkë näjyëtu'un.

1 Samuel 17:58

Tä ja Saúl tyajtëëy ja David: Tuk'ëwa'anëkës u'unk maay ¿Pën mteety'äjtyp? Tä ja David y'ëtsooy: Yë nteetyës jä'ä txëëwaty Jesé, jam tsyëënë Belén mëti'ipë mijts mtuunpë'ajtypyën.