1 Samuel 17:10 - Biblia Mixe de Quetzaltepec

¹⁰ Ya'atë xëëw yam miitsëty nkajpx'aanpëktë, miitsëty tsiptuunpëtëjkëty mëti'ipë Israel ja'ayëtyën: Mooytyëkës tu'uk ja'ay wä'änës mëët n'ëktsiptuny.

Biblia Dc en Mixe de Quetzaltepec

¹⁰ Ya'atë xëëw yam miitsëty nkajpx'aanpëktë, miitsëty tsiptuunpëtëjkëty mëti'ipë Israel ja'ayëtyën: Mooytyëkës tu'uk ja'ay wä'änës mëët n'ëktsiptuny.

1 Samuel 17:10 ပူးပေါင်းရင်းမြစ်များ

2 Samuel 21:21

e yë'ë ojts ja Israel ja'ay tmëmayë ko mëët tsyiptuna'any; yë Jonatán, Israel ja'ay, yë'ë yaj'o'kë, yë myaank yë Simea, yë David yë myëkä'äx.

2 Samuel 23:9

Ok pyaminyë yë Eleazar, yë myaank yë Dodó, ahohitë ja'ay, nän yë'ë mëët ja nitëkëëkpë jotmëkjatyëtypë yajmëtyoy. Yë'ë ojts mëët yë David tu'ukyë yajpaaty ko ja tsip y'ijty jam Pasdamim mëët ja filistejë ja'ayëty, ma ja Israel ja'ayëty ojts kyä'äktën.

2 Reyes 19:4

Jääpëk yë mWintsën jeexyë të tmëtoy, wi'ixjaty të y'ënä'änyën yë Asiria ja'ay, tsiptuunpë wintsën, mëti'ipë je'eyë të myinyën ets ëxëëkjaty të tijy ja Wintsën juukpyë ets tkumëtowëty mëti'ipë yë Wintsën kë'ëm të tmëtoyën. E tyamts myajpëjktsoy ets xymyëkajpxëty ja Wintsën ets xykyukajpxta'akëty ja ja'ay mëti'ipë të jyaakwë'ëmtën juuky.

Nehemías 2:19

E ko tnija'awëtyë yë Sambalat jampë kyukajpnëtyën Horón, Tobías, mëti'ipë Amón ja'ayën ets ja Guésem mëti'ipë árabe ja'ayën, je'eyës ojts xynyëxi'ik xytyukxi'iktë ets ni'ikyënëmës ojts wiinkjaty xy'ënëëmëtë: ¿Tiitën miitsëty mtunantëp? ¿Ti wä'än jëtää mijts ja yajkutujkpë xypyuwa'ktu'uta'antë?

Proverbios 16:18

Ko yë ja'ay nyämyëjaw nyäjyääntyjyawëty, jää jëtu'un tyu'utëkoy; ko yë ja'ay mëj këjxm jyä'äy'äty, jää kyujënäky.

Jeremias 9:23

Jëtu'un yë Wintsën y'ënä'äny: Ka'ap tjëkyepy yë wijyjyä'äy nyätyukmëjjawëtëty ko wyijyëty, näjyëtu'un yë yajkutujkpë ko tmëët'aty ja mëk'ajtën ets kumeenyjyä'äy ko kyuwit kyumeenyëty.

Daniel 4:37

E tyamts ënät, ëjts Nabucodonosor, nmëjja'aw njaantyjya'apës ets ntukxoontäkpyës yë yajkutujkpë tsajpjotmëpë, jä'ä ko tëkokyë mëti'ipë tyuunpyën aak mëtëy yë'ë ets wa'ats ets yë'ë yajnaaxkëtäkpy yë ja'ay mëti'ipë mëj këjxm näyajnaxanëpën.

1 Samuel 17:11

Ko ja Saúl ets ja Israel ja'ayëty jëtu'un tmëtoowtë y'ënä'äny ja filistejë ja'ay, ojts ja jotmay tyuktëjkëtya'ajëtë ets ja tsë'ëkë näjyëtu'un.

1 Samuel 17:36

E wä'än tmëti'ipë jëyujkëty, tä yë kaajën ëkë osë ëjts poj'amës ijty nyaj'ooky. E nän tim jëtu'untsën ënät jyatëty kyëpätëty tääpë yë filistejë ja'ay mëti'ipë ka'ap nijawën pën y'ëwtatëpën mëti'ipë nëkoo yajoot'anpëjkpyën, ja Wintsën ja tsyiptuunpëtëjk.

1 Samuel 17:45

Ja David tyaa ojts y'ëtsoy: Mijts jä'äs xynyiminy mëët yë mpujxn, mku'umën ets tëypyujxn. E ëjts mijts ninëjkxy mëët yë Wintsën yë xyëëw mëti'ipë yë Israel tsiptuunpëty Tyios'ajtëpën, mëti'ipë mijts je'eyë xëmë nkajpxjoot'anpëjkpyën.