1 Samuel 16:5 - Biblia Mixe de Quetzaltepec

⁵ Jëtu'un, oypyës yë jot winma'any nmëmiinpy nyajmiinpy, jëtu'un y'ëtsooy yë Samuel. Yë Wintsën Tios yë'ë wyintsë'kën nmo'ojäämpyës. Paaty tyam näkyajpxkëxë'ëkëtë wa'ats ma Tiosën etsës xyjyämyëët'atëty maas ja wintsë'kën nyajka'anyën. Ënät ja Samuel ojts tkajpxkëxë'ëky ma Tiosën wa'ats ja Jesé, mëët ja y'u'unk y'ëna'k ets twoowtaay, tääts mëët ja wintsë'kën tyaka'any.

Biblia Dc en Mixe de Quetzaltepec

⁵ Jëtu'un, oypyës yë jot winma'any nmëmiinpy nyajmiinpy, jëtu'un y'ëtsooy yë Samuel. Yë Wintsën Dios yë'ë wyintsë'kën nmo'ojäämpyës. Paaty tyam näkyajpxkëxë'ëkëtë wa'ats ma Tiosën etsës xyjyämyëët'atëty maas ja wintsë'kën nyajka'anyën. Ënet ja Samuel ojts tkajpxkëxë'ëky ma Tiosën wa'ats ja Jesé, mëët ja y'u'unk y'ëna'k ets twoowtaay, tääts mëët ja wintsë'kën tyaka'any.

1 Samuel 16:5 ပူးပေါင်းရင်းမြစ်များ

Génesis 35:2

Ënät ja Jacob ja y'u'unk y'ëna'k t'ënëmaay ets tu'kë'ëyë jënu'un ënäty mëët tsyëënën jyuuky'ätyën: Yajpëtsëmtë tu'kë'ëyë jënu'un xytyijtën Tios ets ka'apë tiosëtyën, tsi'iwtë xëtstë ets jääntëkatstë yë mwitëty mtujkxyëty.

1 Reyes 2:13

Ënät ojts ja Adonías, yë Haguit yë myaank, tëkok tninëjkxy ja Betsabé, yë Salomón yë tyaak ets ja Betsabé tyajtëëy ja Adonías: ¿Oy ja jot winma'any xymyëminyë? Jëtu'un, oy; jëtu'un y'ëtsooy ja Adonías.

1 Crónicas 12:18

Ënät ja Amasai, mëti'ipë nyiwintsën'ajtypyën ja nimajkpë ja ja'ayëty mëti'ipë nyiwintsën'ajtëpën ja tsiptuunpëja'aytyëjk, ojts mëk ja aaw ayuk tnajtsmatsë, ja Wintsën ja myëk'ajtën y'oyajtën ojts tyukja'tyë ets y'ënäny: Jotkujkajtën yam ntuknikejxyp mijts David, Jesé yë myaank. Ntuknikäjpxy ja jotkujk'ajtën ets xëmë yajpaatëty ma mijtsën. Xëmë yajpaatëty ja jotkujk'ajtën ma mijtsën ets ma ja mjëëky mëku'ukën mëti'ipë mëët mye'eyën mnaxyën, jä'ä ko mijts tii xytyuny oy, ja Tios xëmë mputëkëtëp. Ojts ja David tyuunkmo'ojëtë ma ja tsiptuunpë wintsënëtyën.

Job 1:5

Ko xyëëwtuunta'atë, tääts ja Job tmëkajpxmuky yë y'u'unk y'ëna'k, jopyëp pyëtë'kojy ets tmo'oy yë Tios yë wyintsë'kën nino'oky nixämpyë, tyajwa'atsy ja y'u'unk y'ëna'k ma ja nyëë pyokyëtyën. Yë Job xëmë ijty jëtu'un tuny, jä'ä ko yë'ë myëmääpy myëtäjpy ko muum yë y'u'unk y'ëna'k tmëkajpxtëkoytyë yë Tios ëkë muum tëkatsy myäytyë tyajtë.

Éxodo 19:10

ets ojts ja Tios y'ënë'ëmxëty: Nëjkx ënëëmë yë naax kajpn, wä'än tyam ets jopy nänyipëjktaakëtë etsës ëjts xytyukxoonta'aktëty ets xymyëjjawëtëtyës. Yajxon yë wyit tyujkxëty tpujtëty tjä'ätstëty,

Joel 2:16

yajmuktë yë Wintsën yë nyaax kyajpn ets yajwa'atstë yë mjuukyajtënëty; winwoowmuktë yë mëjja'aytyëjk, yë pi'k ëna'ktëjkëty ets mëxu'unktëjkëty mëti'ipë tsi'tspnëmën. Yë'ëpaat yë mëti'ipë naanpëkëtyën wä'än jap tpëtsëmtë ma tyëjkëtyën ma jap mya'atë pyo'kxtën.

Sofonías 1:7

Amonyë m'itëty Wintsën wyintum, jä'ä ko tää ja Wintsën ja xyëëw wyinkony. Yë Wintsën tëë tuknipëjktaakë tu'uk yë wintsë'kën ets tëë tkënu'kxta'ay mëti'ipë të twoy të twitsyën.

Números 11:8

Jëtu'un jyawë, tä tsajpmok kääkyën mëti'ipë ontë'ëtsën. Ja ja'ayëty jopyëp ijty tyajmujkojtë ets tmä'ätë ëkë twaytyë tyajkë'ëwtë jëtu'un tä tsajpkääkyën.

1 Corintios 11:28

Paaty, jëyëjp xy'ixtëty xytyuntëty ja mjuukyajtënëty wi'ix myajpaatën naamka'anëm ënäty xykyäytyë xy'uuktë ya'atë a'ux.

Josue 3:5

Tä yë Josué y'ënëmaayëtë: Näyajwa'atsëtë Tios wintuuy ets tjëkyäpëty wi'ix xy'ixtëtyën yë Wintsën yë myëj'ajtën mëti'ipë jëpom yaj'ixanëpën.

Josue 7:13

Pëtë'ëk ets yajtu'ukmuk yë naax kajpn. Ënëëmë wä'än tnäynyipëjktaakëtë etsës jopy xywyinkuwa'akëtëty, ëjts ënaanp, yë Wintsën mëti'ipë Tios'ajtpën ma Israel ja'ayëtyën: Mijts Israel kajpn, tëë xytyony ja mëti'ipë të yajtuknipëjktaakën kyutëkoyëty. Pën kä'äpyëm xyajkutëkoy ja mëti'ipë të xytyonyën ets xyajjëwä'äky ma mijtsën, ka'ap tjëkyepy xywyinkuwa'akëty yë mëtsip.

1 Samuel 20:26

Jä'ä xëëw yë Saúl ka'ap ojts niwi'ix y'ënä'äny. Jä'ä ko tyaa ënäty myäy tyäjy ko yë David wä'änxyëp ënäty tii të jyäty të kyëpetyë mëti'ipë të y'ëxëëktunyën, paatykyëjxm ka'ap të myiny