1 Samuel 15:7 - Biblia Mixe de Quetzaltepec

⁷ Ënät ja Saúl tyëjkëy tsiptuunpë mëët ja Amalec ja'ayëty, jam tyajtso'ontaktë ma txëëwatyën Havilá ets tyimja'ty jam Shur, ma ja tsyëpa'an nyaxtën mëët ja Egiptë ja'ayëty. Saúl ka'ap tyajmëtäky ja myëtsip.

Biblia Dc en Mixe de Quetzaltepec

⁷ Ënet ja Saúl tyëjkëy tsiptuunpë mëët ja Amalec ja'ayëty, jam tyajtso'ontaktë ma txëëwatyën Havilá ets tyimja'ty jam Shur, ma ja tsyëpa'an nyaxtën mëët ja Egiptë ja'ayëty. Saúl ka'ap tyajmëtäky ja myëtsip.

1 Samuel 15:7 ပူးပေါင်းရင်းမြစ်များ

Génesis 16:7

Tëë ënäty yë Agar yë të'ëts'it tpëjknë ko ojts tu'uk yë Tios tsyajpjotmëtë kukäjpxy myëkäjpxyë, jam winkon ma tu'uk nëëwookyën, jä'ä xyëëwajtyp Shur,

Génesis 2:11

Mëtu'ukpë jä'ä txëëwaty Pisón, mëti'ipë nya'ëwtijtypyën ja Havilá y'itjot. May ënäty yë pu'ts pujxn jam yajpaaty.

Génesis 25:18

Ja y'u'unk y'okëty jam ojts tsyënaaytyaknpëktë ma ja naaxwiinyëtën mëti'ipë itkujky wë'ëmpën ma ja it naaxwiinyëtën txëëwatën Havilá ets Shur, näywyinku'ijxëyëp mëët yë Egiptë kajpn ets Asiria ja'ayëty oy ënäty jam nyaxtë tyëkëtë. Jam ojts tsyënaaytyaknpëktë oy ja jyiikytyëjkëty myëku'uktëjkëty ënäty ka'ap të t'a'ixëtë.

1 Crónicas 1:23

Ofir, Havilá ets Jobab. Tëkokyë ya'atë ja'ayëty aakyë'ë ojts t'u'unk'aty t'ëna'k'aty yë Joctán.

1 Crónicas 4:43

mëti'ipë yajkutëkooytyën ja Amalec ja'ayëty. Jëtu'un ojts jam yë'ë wyë'ëmnëtë tsënääpyë, tyaampaat yë'ë jam tsënaaytyëp.

Job 21:30

mëti'ipë ënantëpën ko yë Tios jyoot'anpëky, kyejxyp yë ëyo'on ets ëxëëkja'aytyëjk ka'ap wi'ix jyatë kyëpätë?

Éxodo 15:22

Ënät ja Moisés twoowtso'ontaay ja Israel ja'ayëty jam ma mëjmejyën mëti'ipë xyëëwajtypyën Tsaptsmejy, jam ojts nyëjkxtë ma të'ëts'it të'ëtsnaax txëëwatyën Shur, tëkëëk xëëw tyu'uye'eytyë, nimaa ja nëë tkapatë.

Eclesiastés 8:13

e yë ja'ay mëti'ipë ëxëëk juukyajtpën, ëxëëk jyatë kyëpätë mëët ko të tkamëët'atë näywyinkutsë'kën ma Tiosën.

1 Samuel 14:48

Ënät tyajmujky nimay yë tsiptuunpëtëjk, ets tsyiptuuny mëët yë Amalec ja'ayëty, ka'ap tyajmëtäky. Jëtu'un'äämpy ojts tyajtso'oky yë Israel kajpn ma ënäty ëxëëk tyunëtën yë toonpë mä'tspë.

1 Samuel 27:8

Xëmë ijty winjëpom tsyoontë ets nëjkx jam myäätstë Guesur, Guézer ets jam Amalec, jam tääpë ja'ay tsyëënëtë ma tsyo'ontä'äkyën Telaim nyaaxjotmën ets nyijkxy Shur ets jëtu'un tyimja'ty Egiptë.

1 Samuel 30:1

Kom tëkëëk xëëw yë David jam jyajtë Siclag, ënät tuk'ijxpäjtë ko ja Amalec ja'ayëty tëëtëm ja Négueb kajpn tniwa'kta'atë ets ja Siclag tëë tnitëkëtë ets të tno'oktë.