1 Samuel 15:6 - Biblia Mixe de Quetzaltepec

⁶ Ets t'ënëmaay ja quenitëja'ayëty: Näjyëpëkëtë miitsëty. Pëtsëmtë jam ma Amalec ja'ayëtyën, këtiipë mëët tu'ukyë m'a'okmuktëty. Jä'ä ko miitsëty oy ojts yë mjot mwinma'any xyajkëxë'ëktë mëët yë Israel ja'ayëty ko jap tsyo'ontë Egiptë. Jëtu'un yë quenitëja'ayëty jyänty tsyo'ontaaytyë jam ma Amalec ja'ayëtyën.

Biblia Dc en Mixe de Quetzaltepec

⁶ Ets t'ënëmaay ja quenitëja'ayëty: Näjyëpëkëtë miitsëty. Pëtsëmtë jam ma Amalec ja'ayëtyën, këtiipë mëët tu'ukyë m'a'okmuktëty. Jä'ä ko miitsëty oy ojts yë mjot mwinma'any xyajkëxë'ëktë mëët yë Israel ja'ayëty ko jap tsyo'ontë Egiptë. Jëtu'un yë quenitëja'ayëty jyänty tsyo'ontaaytyë jam ma Amalec ja'ayëtyën.

1 Samuel 15:6 ပူးပေါင်းရင်းမြစ်များ

Génesis 15:19

Yë'ë mëti'ipë nyaax'ajtëpën yë Quenehe ja'ayëty ets Catmón ja'ayëty.

Génesis 18:25

Ka'ap yowë myëtëyëty ets xyaj'ookëty mëti'ipë ka'ap tii tuuntëkoyën mëët tu'ukyë ja mëti'ipë pokymyëëtën, jëtu'un tä jeexyë tu'knax të pyokytyuntën. Këtii jëtu'unpë xytyuny. Mijts yajkutujkpë yë'ë naaxwiinyëtë apëtsëmy. ¿Këtii xynyipaye'eyä'änyë?

1 Crónicas 2:55

ets ja jyä'äy ja soferitë ja'ayëty mëti'ipë ijty jam tsënääpyën Jabés, jä'ä jëtu'unëty mëti'ipë yajtijtëpën tiratejë ja'ayëty, simatejë ja'ayëty ets sucatejë ja'ayëty. Yë'ë ya'atë ojts yajtijtë quenitas ma tsyoontën yë Hamat, mëti'ipë tyeety'ajtën Bet-recab.

Éxodo 18:19

Paaty mëtoow'it yajxon wi'ix yam ja ëëwijën kajpxwijën nmo'oja'anyën ets Tios yë'ë mputëkëtëp. Mijts yë'ë mpatëp ets xykyutänëty yë naax kajpn ma Tiosën, jëtu'un ijxtëm jeexyë yë'ë kë'ëm tyimmintën Tios wyintuuy. E mijts yë'ë mpatëp ets ja Tios xytyuk'ëwaanëty mëti'ipë yë'ëj jyotmay'ajtëpën.

Proverbios 9:6

Këtii xëmë tsuu myajpaatë, oy mjuuky'atëty: jëtu'un mnaxtëty mtëkëtëty tä ja'ayën mëti'ipë niwijy nikujk yajpatpën.

Números 16:34

Ko tmëtoowtë ja ja'ay yujkya'axtë, ënät ja Israel ja'ayëty pëyi'ikyë pyëtsëëmtaaytyë ma ja tsyënaaytyaknëtyën, mëti'ipë ënäty jam winkon yajpatëpën ets y'ënantë: Ijxkëm tëy yë naaxwiinyëtë näjyëtu'un xy'ëkjë'ënta'ayënë.

Hechos 2:40

Jeky ja Pedro ojts ja ja'ay tmëëtmëtyä'äky kanaakpëky, ets tjakajpxwijy: Ixmatstë ja m'ëxëëk winma'anyëty ets këtii mëët mnämyäyëtë yë ja'ay mëti'ipë näyaj'ijtëtëpën pokyjotm.

2 Corintios 6:17

Paaty näjyëtu'un ja Wintsën y'ënä'äny: Puye'eytyu'utë yë'ëjëty, ets näjyëpëkëtë, ka'ap xytyontëty ja ëxëëkpë, ets miits nkupëktëty.

2 Timoteo 1:16

Wä'än ja Tios tpa'ëyoy ja Onesíforo ja y'u'unk y'ëna'k, y'u'unk tyo'oxytyëjk, jä'ä ko kanaak okës të xynyiminy ets të xyajjotkujktä'äkyës ets yë'ë ka'apës të xytyuktsëtyuny oyës yap tsumy n'ity.

Apocalipsis 18:14

Ënät ja ajuuy ato'kpë tnëëmëja'antë ja kajpn: Tëë wyintëkooytyä'äy tu'kë'ëyë mëti'ipë ijty ni'ik mtsojkpyën. Tëë tyëkooytyä'äy ja mtsuj'ajtën ets ja mkumeenyajtën, nijëna'a jatëkok xykya'ëkpatnëty jëtu'unpë.

Jueces 1:16

Yë Hobab yë y'u'unk y'ok, ja Quenat ja'ay, yë'ë myë't yë Moisés; ojts jam tsyoontë ma ja kajpn txëëwatyën Palmeras mëët ja jyä'äy ja Judá ets ojts nyëjkxtë jam të'ëts'itjotm ma ja Judá ja jyä'äy tnitänën ëpa'tkë'ëmtsow ma Arad yajpaatyën, jamts ojts tsyënaaytyaknpëktë mëët ja ja'ayëty jampë yajpaatën näjyëtu'un.

Jueces 4:11

Winkon ma yajpaatyën yë Quedes, najamtëkë ma xojjot txëëwatyën Saanaim, jam ënäty ja Héber ja Quenat ja'ay, tëë ënäty ja myëkukajpn tpuwa'ktu'uty, ja Quenat ja'ayëty, yë'ë ja y'ok'u'unk ja Hobab, ja Moisés ja myë't.

Jueces 5:24

Kënu'kxy ets jotkujk y'itëty yë Jael ma to'oxytyëjktëjkëtyën, yë tyo'oxytyëjk yë Éber ja quenitëja'ay. Kënu'kxy nëjkx y'ity ma tsyënaaytyaknën yë Israel ja'ayëty.

1 Samuel 15:5

Ënät ja Saúl mëët ja jyä'äy jam tsyo'ontë ets ojts tniwa'aktë ja kajpn mëti'ipë txëëwajtpën Amalec, jam ojts nyäpyëjkta'akëtë winkon ma jam tu'uk ja wokën.

1 Samuel 27:10

Tääts ijty ja Aquis yajtëyë: ¿Mëti'ipë kajpn ojts tyam të xymyeetsy? Tä ja David y'ëtsoy: Jam ëpa'tkë'ëmtsow ma Judá y'itjotmën ets näjyëtu'un jam ëpa'tkë'ëmtsow ma Jerahmeel tnitänën, näjyëtu'un jam ëpa'tkë'ëmtsow ma quenitëja'ay yajpaatën.

1 Samuel 30:29

jam Racal, näjyëtu'un ma ja myëku'uktëjkëtyën mëti'ipë jam ijtëpën ma ja naax kajpn yajtijtën Jerahmeel, ma ja quenitëja'ay tsyëënëtën,