1 Samuel 15:31 - Biblia Mixe de Quetzaltepec

³¹ Ënät yë Samuel ojts wyimpity mëët yë Saúl ets ja Wintsën t'ëwtajty.

Biblia Dc en Mixe de Quetzaltepec

³¹ Ënet yë Samuel ojts wyimpity mëët yë Saúl ets ja Wintsën t'ëwtajty.

1 Samuel 15:31 ပူးပေါင်းရင်းမြစ်များ

2 Samuel 12:20

Ënät ja David wyä'ätsë'ky ets tsyiiy xyijtsy, nyäy'oon nyäpyëjkë ets ja wyit tjääntëkajtsy, tääts jap tyëjkëy tsajptëkoty ets ja Wintsën t'ëwtata'any; jam tsyo'ony tääts ojts nyijkxy ma tyëjkën t'amëtooy ja kääky uuky ets kyääy pyijky.

1 Samuel 15:26

Ka'ap yam mpawinpita'any, jëtu'un y'ëtsooy yë Samuel. Jä'ä ko mijts ka'ap yë Wintsën yë tyiyajtën të xypyatuunë, paaty tyam ka'ap näjyëtu'un m'ëkmëj'ijxënë ma myajkutukyën.

1 Samuel 15:30

Tä ja Saúl jatëkok y'ënäny: Pokyës të ntuny; e tyamts npëjktsoy, nmënu'kxtä'äky ets je'eyëm xywyintsë'ëkëtyës maas nyajkutukyën. E paaty yam n'ënëëmë ko tun yë mëyajtën winpit jatëkok mëët ëjts. Wä'än yë mWintsën tu'knax n'ëwtajtëmë.

1 Samuel 15:32

Tä ja Samuel y'ënäny: Yajmintë yaa Agag mëti'ipë jam të y'ëne'emyën ma Amalec ja'ayëtyën. Tääts yë Agag jam myiiny ma Samuelën akujk jotkujk, jëtu'un myäy tyäjy ko tëë jotmay tuknaxy ets ja o'kën ëxëëkpë tsaatsypë ka'ap y'ëktukja'tanënë.