1 Samuel 15:20 - Biblia Mixe de Quetzaltepec

²⁰ Ënät ja Saúl y'ëtsooy: Ëjts tëëjës yam ntuny mëti'ipës yë Wintsën të xytyuk'ëne'emyën, tëëjës ntsumy nmatsy yë Agag jampë y'ëne'emyën ma Amalec kajpnën ets tëë tëkokyë nyaj'o'kta'ayës yë Amalec ja'ayëty.

Biblia Dc en Mixe de Quetzaltepec

²⁰ Ënet ja Saúl y'ëtsooy: Ëjts tëëjës yam ntuny mëti'ipës yë Wintsën të xytyuk'ëne'emyën, tëëjës ntsumy nmatsy yë Agag jampë y'ëne'emyën ma Amalec kajpnën ets tëë tëkokyë nyaj'o'kta'ayës yë Amalec ja'ayëty.

1 Samuel 15:20 ပူးပေါင်းရင်းမြစ်များ

Job 33:9

Ëjts wa'atsës, ka'apës tii poky nmëëtëty, ka'apës maa ntëkoy ets ka'apës maa npokytyuny.

Job 34:5

Yë Job jëtu'un y'ënä'äny: Ëjts ka'apës tii poky nmëëtëty, yë Tios ka'apës npoky xypyaye'eyë.

Job 40:8

¿Mnikäjpxyp ko ëjts pokymyëëtës ets ka'apës tii oy nipaye'ey ets ko mijts mwa'atsëtyë?

Mateo 19:20

Ënät ja yä'äy ëna'k y'ëtsooy: Tëës tu'kë'ëyë npatuunta'ay. ¿Tiijës njaaktunëp?

Lucas 10:29

E ja tsajptëkotyëtë yaj'ijxpëjkpë mëj nyäyajnaxa'anyë paaty tjaaktimyajtëëy ja Jesús: ¿E pën jëtu'un nmëku'uk'ajtypës?

Lucas 18:11

Ja fariseë ja'ay, tënääpy ja Tios tmëkäjpxy ets në'ix pa'at'ix, jëtu'un y'ënä'äny: Tios Teety, mijts yam nkukajpxëp ko ka'apës njëtu'unëty ijxtëm yë ja'ayëtyën, mëti'ipë mä'tstëpën, mëti'ipë ëxëëk ja'ay'ajtëpën, mëti'ipë ka'ap ja nyiye'etyëjk ëkë ja nyito'oxytyëjk twintsë'ëkën; ets ka'ap njëtu'unëtyës ijxtëm xiipë yajkukëpäjtpën.

Romanos 10:3

Jä'ä ko ka'ap tja'akyyukëtë ko Tios yë'ë ja'ay yajnajxyp wa'ats, e yë'ëjëty kë'ëm tyäty nyäyajnaxa'anëtë wa'ats, ets jëtu'un ka'ap ja Tios tmëmëtowa'antë.

1 Samuel 15:13

Tä ja Samuel jam tsyo'ony ets ojts nyijkxy, jam ma ja Saúl ënäty yajpaatyën ets y'ënëmaayë: Yë Wintsën mkënu'kxëtëp. Tëës npatuny tä ja Wintsën të tni'ënä'ämën.

1 Samuel 15:3

Paaty tyam n'ënëëmë ninëjkx ets yaj'o'kta'a, wä'än tmëjëty tmutskëty, ye'etyëjk to'oxytyëjkëty, jëyujk tsajpkaa, tsajppax ets kupixyny.

1 Samuel 15:8

Ojts tmatsy ja Agag mëti'ipë ënäty jam ënä'ämpën ets ojts tyaj'o'kta'ay ja Agag ja tsyiptuunpëtëjk.

1 Samuel 28:18

Jä'äkyëjxm ko mijts ka'ap të xypyatuny ijxtëm ja Tios të mja'ëne'emyën, ni të xykyayajkutëkoy ja Ismael ja'ayëty, tä ojts mjayaj'ënëëmën. Paatykyëjxm yë Tios tyam ka'ap m'ëtsoyë.