1 Samuel 15:19 - Biblia Mixe de Quetzaltepec

¹⁹ ¿E wi'ixts ko ënät ja y'ënä'ämën të xykyumëtoownaxy? ¿Wi'ix ko të xyjyä'äpëjkpë mëti'ipë ja mëtsip të xypyëjkën ets ënät winë tëkatsy xytyuny Wintsën wintuuy?

Biblia Dc en Mixe de Quetzaltepec

¹⁹ ¿E wi'ixts ko ënät ja y'ënä'ämën të xykyumëtoownaxy? ¿Wi'ix ko të xyjyä'äpëjkpë mëti'ipë ja mëtsip të xypyëjkën ets ënät winë tëkatsy xytyuny Wintsën wintuuy?

1 Samuel 15:19 ပူးပေါင်းရင်းမြစ်များ

1 Samuel 14:32

paatykyëjxm ojts ka'ap t'ëkmëmëtaknëtë ja yuu ets tniwa'këtyë amëjaawtony ja mëti'ipë ënäty ja myëtsip të tukyajni'o'ktu'utën, ojts tyaj'ooktë ja tsajpkaa kupixyny ets jëtu'unyë tsu'tstë tsuxk mëët ja nyine'pny

Jeremias 7:11

¿Jëtu'un xyjyëjp'ixtë ko ya'atë ntsajptëjkës ma ëjts nyaj'ëwtatyën, mä'tsëntëjk yë'ëjë? Ëjts wa'atsës nijawë tiijaty mtuuntëpën. Ëjts Wintsën, ëjts ënaanp.

Proverbios 15:27

Mëti'ipë ja'ay ëxëëk y'atsokyën, yë'ëpaat jyëën tyëjk tyajtëkoy; e mëti'ipë ja'ay ka'ap tii t'ixk'atyën, nikë jotkujk jyuuky'äty.

2 Crónicas 36:12

Je'eyëp ko yë'ë ka'ap ojts oy winë tuny ma Wintsënën, ka'ap ja jyot wyinma'any tyaj'o'oyëy ma ja Tiosmëtuunkën, Jeremías kanaak'ok jya'ënëmaayë.

2 Crónicas 33:6

Tä tyaj'o'ky ja y'u'unk y'ëna'k ets nino'ky nixämy mëti'ipë tyukwintsë'këyën ja Ben-hinom; ojts tyajmëjnajxnë ja näpyatoy näpyanaxë, ja najtsja'awën, ja toonkajpk ets ja kaxpojkën. Tim tëkatsy ojts winë tuunë, aakjä'ä mëti'ipë ja Wintsën y'ëxëëk'ijxypyën.

2 Crónicas 33:2

Je'eyëp ko yë'ë ka'ap ojts winë oy tuny ma Wintsënën, ojts t'ëwtaty ja tsaapotsy, ja awinax ets oynatii ka'apë Tiosëtyën; näjyëtu'un ojts winë tuny tä ja naax kajpnëtyën mëti'ipë ka'ap ja Wintsën t'ëwtatën, ja naax kajpn mëti'ipë ja Wintsën wyojpëtsëëmën ko jam jyajtë ma ja Israel ja'ayëtyën:

2 Timoteo 4:10

Ja Demas, tëëjës ja xynyikäknë, mëti'ipë yi'iyë tsyojkën'ajtypyën yaapë naaxwiinyën, tëë ja tsyo'onë ets të nyëjkxnë jam Tesalónica. Yë Crescente jam të nyijkx Galacia y'itjotm, e yë Tito të nyijkx jam Dalmacia y'itjotm.

1 Samuel 15:20

Ënät ja Saúl y'ëtsooy: Ëjts tëëjës yam ntuny mëti'ipës yë Wintsën të xytyuk'ëne'emyën, tëëjës ntsumy nmatsy yë Agag jampë y'ëne'emyën ma Amalec kajpnën ets tëë tëkokyë nyaj'o'kta'ayës yë Amalec ja'ayëty.

Números 14:41

Ënät ja Moisés y'ënëmaayëtë: ¿Tii ko xykyäjpxy kumëtoownaxtë yë Tios yë y'ënä'ämën tyiyajtën? Tääpë xytyuknipëjktaakëtën ka'ap oy wyimpëtsëma'any.

2 Samuel 12:9

¿E mijts wi'ix ko ënät ja n'ayukës të xykyumëtoownaxy ets të xytyuny ja ka'apë tyuunëtyën? Mijts të xyaj'ooky yë Urías, ja Hit ja'ay, je'eyë të xytyukniwoy ja Amón ja'ayëty ets yë'ë tyaj'ooktëty ets të xypyëjkë ja tyo'oxytyëjk.