1 Samuel 15:18 - Biblia Mixe de Quetzaltepec

¹⁸ Yë'ë të mtuk'ëne'emyë ets xyajkutëkoyëty tääpë pokyjä'äytyëjk, yë Amalec ja'ayëty ets xynyitëkëty koonëm xy'ijxnajxta'ajëty.

Biblia Dc en Mixe de Quetzaltepec

¹⁸ Yë'ë të mtuk'ëne'emyë ets xyajkutëkoyëty tääpë pokyjä'äytyëjk, yë Amalec ja'ayëty ets xynyitëkëty koonëm xy'ijxnajxta'ajëty.

1 Samuel 15:18 ပူးပေါင်းရင်းမြစ်များ

Génesis 13:13

Ja ja'ayëty ja jampë tsyëënëtën Sodomë ëxëëk ënäty jyä'äy'atë. Ets aakjä'ä ënäty ja pokytyuuntëp, mëti'ipë Tios ka'ap ninu'un tsokyën.

Génesis 14:7

Ko ojts wyimpijnë ja Quedorlaomer mëët ja mayjyä'äy jënu'un ënäty të jyämyëët'atyën, ënät jyajtë jam En-mispat, mëti'ipë näjyëtu'un yajtijpën Cadés ets tyajma'taaytyë, tyajkutëkooytyääytyë jënu'un winë tpatën ma ja Amalec ja'ayëty ja nyaax kyajpnëtyën. Näyjyëtu'un ojts jam y'ëtë'ëtstë ma ja Amor ja'ayëtyën, mëti'ipë jam tsënaaytyëpën ma tu'uk ja it naaxwiinyëtë mëti'ipë yajtijyën Hazezón-tamar.

Génesis 15:16

Koonëm ënäty të myintë naaxwiiny ja m'u'unk m'ëna'k, taxk'oknipety täänëm jatëkok wyimpitëty ma ya'atë it naaxwiinyëtën. Jä'ä ko ka'anëm ënäty kyukëxënëm ma ja Amor ja'ayëty ja ëxëëkpë tuntën tkajpxtën.

Job 31:3

¿Ti këtiijën yë'ëjëty ja ëxëëkja'aytyëjk ets ja pokyjyä'äytyëjk pyaat'atëtë ja ëyo'on jotmayë?

Proverbios 10:29

Tios kyuwäämpy yë ja'ay mëti'ipë winë oy tyuuntëpën; ets yajkutëkoopy mëti'ipë wiinkjaty winë tyuuntëpën.

Proverbios 13:21

Yë pokyjyä'äytyëjkëty jëtu'un yë ëxëëkpë tyimpajëtitëtë. E yë wa'ats ja'aytyëjk yë'ë kyuma'ayën'atantëp yë oyajtën.

Números 16:38

Tääpë ja'ayëty yë jyëëntsijtkëty, mëti'ipë të y'ooktën, wa'ats yë'ë. Jä'ä ko yë poom mëti'ipë të tno'oktën, ëjts të xytyukwino'oktës. Paaty yam n'ëna'anyës ets xyaj'awinpitëty tä yë pujxnwojptëypyën ets yë'ë wintsë'këntyakn xytyukwinwopëtëty, yë'ëts yë Israel ja'ayëty ijxpäjtën wya'antëp.

Gálatas 2:15

Jutiiyë ja'ay ëëts'ajtëmë, jëtu'un të nmëxu'unk'ajtëmë, ka'ap nyajtijëm pokyjyä'äy ijxtëm ja mëti'ipë ka'ap jyutiisëty.

1 Samuel 15:3

Paaty tyam n'ënëëmë ninëjkx ets yaj'o'kta'a, wä'än tmëjëty tmutskëty, ye'etyëjk to'oxytyëjkëty, jëyujk tsajpkaa, tsajppax ets kupixyny.