1 Samuel 15:17 - Biblia Mixe de Quetzaltepec

¹⁷ Tä ja Samuel y'ënëmaayë: ¿Ti këtiijën ënäty mnätyijyë ko mijts ka'ap tii xykyëjxmëtyë? tyam ënä'ämpë myajpatnë ma Israel ja'ayëtyën, ko ja Wintsën mpëjktakë ets myajkutukëty.

Biblia Dc en Mixe de Quetzaltepec

¹⁷ Tä ja Samuel y'ënëmaayë: ¿Ti këtiijën ënety mnätyijyë ko mijts ka'ap tii xykyëjxmëtyë? tyam ënä'ämpë myajpatnë ma Israel ja'ayëtyën, ko ja Wintsën mpëjktakë ets myajkutukëty.

1 Samuel 15:17 ပူးပေါင်းရင်းမြစ်များ

1 Samuel 9:21

Tä ja Saúl y'ëtsooy: Wi'ix koo, ëjts Benjamínkës n'ap'ajtyp, ka'apë nëkooyë yë jyä'äy nyimayëtyën. Ëjts yë nteety ntaakës ëyoowtëp yë'ë, ets aakjëtu'un yë Benjamín yë jyä'äy. ¿Wi'ix koos jëtu'un xy'ënëëmë?

1 Samuel 10:22

Tä ojts ja Wintsën tmëkajpxtë ets tnijawëja'antë pën ja Saúl jam yajpaaty. Ënät Ja Wintsën y'ëtsoowinpijty ko ja Saúl tam ja ënäty yajpaaty je'eyëp ko tëë ënäty nyäyu'utsyë ma ja xyuumy tyaj'itën ja mayjyä'äyëty.

1 Samuel 10:1

Ënät yë Samuel ojts tpëjkë'ëky tu'k'apëjkën yë on ets tukuja'axy yë Saúl, tä t'ënëmaay: Yë Wintsën yë'ë tyam mtuknipëjkëp ets mijts xy'ënä'ämëty yë Israel kajpn ma mijts mkukajpnëtyën. Mijts jëtu'un mtsiptunëp ets xyajtso'okëty ma myëtsiptëjkën. E ya'atë mtuk'ixëp ets xymyëpëkëty ko mijts jëtu'un tyam myajtukmëkënu'kxëp ets xy'ënä'ämëty yë nyaax kyajpn.

Mateo 18:4

Pën yujy naxym näpyëjktakëp ijxtëm yë pi'k ëna'kën, yë'ë mëj'äämpy naxaanp ma ja tsajpjotmëpë kutujktaknën.

Oseas 13:1

Ko ijty kyäjpxy yë Efraín, yë Israel ja'ayëty je'eyë wyinta'ak nyaaxkowtë; e yë Efraín jää ojts y'o'knë ma ënäty të t'ëwtatyën yë Baal.

Jueces 6:15

Ënät ja Gedeón y'ëtsowkojnëpë: Wintsën mëpaat xy'ëknamä'kxëty, oy yam winë nyajtëwa'any. ¿Wi'ixës n'ëknijawëty ko ëjts nyajtso'okäämpy yë Israel ja'ayëty? Ma yë Manasés yë jyä'äyën, ëjts ni'ik yajpatp ëyoopëja'ay ets niwäänë ëëts ntu'kjëën'at ntu'ktëjk'atë ets maas yë njëën ntëjkën ëjts ni'ik timmutsk.

1 Samuel 15:16

Amonyë it, tyam yajxon ntuk'ëwaanëty wi'ixës yë Wintsën tsu'uy të xy'ënëëmën. Jëtu'un ja Samuel y'ëtsooy: Nikajpx tyamës n'amëtoow'ity.