1 Samuel 15:12 - Biblia Mixe de Quetzaltepec

¹² Komjëpom, janty tsojk ojts pyëtë'kojy ets nyäpyaata'anyë mëët ja Saúl. Tä yajtuk'ëwa'anëy ko ja Saúl ka'ap ënäty jam yajpaaty, ko jam ënäty të nyijkxy Carmel, ma tu'uk ja mëjpotsyën të tyajpëtë'ëkyën mëti'ipë jam ëwtijtpën ets jyä'ty Guilgal.

Biblia Dc en Mixe de Quetzaltepec

¹² Komjëpom, janty tsojk ojts pyëtë'kojy ets nyäpyaata'anyë mëët ja Saúl. Tä yajtuk'ëwa'anëy ko ja Saúl ka'ap ënety jam yajpaaty, ko jam ënety të nyijkxy Carmel, ma tu'uk ja mëjpotsyën të tyajpëtë'ëkyën mëti'ipë jam ëwtijtpën ets jyä'ty Guilgal.

1 Samuel 15:12 ပူးပေါင်းရင်းမြစ်များ

Génesis 21:14

Komjëpom, ënät yë Abraham tni''ijxëy yë tsajpkääky ets ka'ayën ukën ets tukë'ëtëjkëy yë Agar ets nyëjkxnëty ets näjyëtu'un tmooy yë y'u'unk Ismael, ënät ojts tsyo'onë yë Agar jam ma Abraham yë tyëjkën, ni yë'ë tkanijawë mëti'ipë tu'u nyijkxyp jam ma ja të'ëts'itjot txëëwatyën Beerseba.

2 Samuel 18:18

Ko ënäty ja Absalón jyuuky'ätynyëm, ojts tu'uk tni'ënä'ämë ets yaj'oytyunëty yë tsaapotsy, tam ja yajpaaty ma ja joyjyotën mëti'ipë yë yajkutujkpë jyä'ä'ajtypyën ets jëtu'un txëëwmooy tä yë'ë txëëwatyën, jä'ä ko ja Absalón ka'ap ijty yë y'u'unk tii, e tyampaat tääpë itjot jä'ä yajtijy Absalón tsyaapotsy.

2 Samuel 23:35

Hesrai, jampë kyukajpnëtyën Carmel; Paarai, ja Arbad ja'ay;

1 Reyes 18:42

Ja Ahab ojts ja nyijkxy ma jyëën tyëjkën kääpyë ukpë. E ja Elías jam ojts nyijkxy tunkëjxm ma kyëpäjta'ayën ja kopk mëti'ipë yajtijpën Carmel, jamts nyäkyoxtënaaytyakë ëmuumtu'ukjot,

2 Crónicas 26:10

Ojts näjyëtu'un potsy tyajkojy jam të'ëts'itjotm, ojts may nëëjut tyaj'ëwa'atsy, jä'ä ko yë'ë may ijty jëyujk tsajpkaa tmëëtëty; jam joyjotm ets jam kopkëjxm. Tam ijty näjyëtu'un tmëëtëty may tuunpë ma kyam tyu'ujën jam tunjotm ets maajaty y'ääy y'ujts tyaj'ityën, yë'ë oy ijty tsojkën'aty naax tuunk.

Josue 15:55

Ja kajpnëty mëti'ipë yajtijtëpën Maón, Carmel, Zif, Jutá,

1 Samuel 13:12

ënätës të nmay të ntajy ko ntij yaa Guilgal xy'ëknikëta'akanëtës ets ka'anëm nätyukë'ëtëkëtyës ja Wintsën. E jëtu'un'äämpts kë'ëm ya'atë tsajpkaa të nyaj'ookyës etsës ja wintsë'kën të nyäky.

1 Samuel 13:15

Ënät ja Samuel ojts jam tsyo'onkojnë Guilgal ets ojts nyijkxy. E ja maytsyiptuunpëtëjk jä'ä ojts tpanëjkxtë ja Saúl ets tsyiptuna'antë. Jam tsyo'ontë Guilgal ets jyajtë jam Guibeá ma ja Benjamín tnitänën. Jam yë Saúl tmëtyooy yë tsyiptuunpëtëjk, jä'ä nyiwinë'ajtë nitëtujk mëko'px.

1 Samuel 17:20

Komjëpom ja David ojts tsojk pyëtë'kojy ets ja tsyajppax kyupixynyëty wiink ja'ay tuknipëjky, tääts jotkujk tsyo'ony ets ojts tmënëjkxy winë mëti'ipë ja tyeety të tyukë'ëtëkëtyën. Ko jam jyä'äjty ma ja tsiptuunpë y'ijta'aktën, tam ënäty tyimtsoontë ja tsiptuunpëtëjk, janty jëtu'un yaxnëtë jyojknëtë.

1 Samuel 25:2

Jam Maón jam ijty tu'uk yë kumeenyjyä'äy tsyëënë, jä'ä yë kupixyny tmëëtëty tëkëëk mil ets tsyajppax tu'uk mil; jam tyooky yäky mëj kajpnjotm ma txëëwatyën Carmel. Jam ma xëmë tnikeepy tniwixyën ja kyupixyny.

1 Samuel 7:12

Tä ja Samuel tkoonë'ky tu'uk yë tsaa ets tpëjktäky ma mëët nyäpyaatëtën yë Mizpá ets Sen. Tä txëëwmooy jampë it naaxwiinyëtë Eben-ézer, jä'ä ko tyaa y'ënäny: tyampaat yë Wintsën të xypyutëjkëmë.