1 Samuel 14:49 - Biblia Mixe de Quetzaltepec

⁴⁹ Yë y'u'unk y'ëna'k yë Saúl jä'ä xyëëwajtë: Jonatán, Isví ets Malquisúa. Ëpëky nimäjtsk ja nyëëx mëti'ipë xyëëwajtëpën: Merab ja mëjpë ets ja mutskpë mëti'ipë yajtijpën Mical.

Biblia Dc en Mixe de Quetzaltepec

⁴⁹ Yë y'u'unk y'ëna'k yë Saúl jä'ä xyëëwajtë: Jonatán, Isví ets Malquisúa. Ëpëky nimäjtsk ja nyëëx mëti'ipë xyëëwajtëpën: Merab ja mëjpë ets ja mutskpë mëti'ipë yajtijpën Mical.

1 Samuel 14:49 ပူးပေါင်းရင်းမြစ်များ

1 Crónicas 8:33

Ner yë'ë teety'ajtë Quis, Quis yë'ë teety'ajtë Saúl, e Saúl yë'ë teety'ajtë Jonatán, Malquisúa, Abinadab ets Es-baal.

1 Samuel 31:2

Tä ja Saúl mëët ja myaank ojts jyakäknëtë, je'eyëp ko ënätyë ojts yajnajtspaatëtë, tääts ja filistejë ja'ayëty tyaj'o'ktë ja Jonatán, ja Abinadab ets ja Malquisúa.

1 Crónicas 9:39

Ner yë'ë teety'ajtë Quis, Quis yë'ë teety'ajtë Saúl, e yë Saúl yë'ë teety'ajtë Jonatán, Malquisúa, Abinadab ets Es-baal.

1 Samuel 25:44

Yë Saúl tëë ënäty ja nyëëx Mical tkë'ëyäky ma Palti ets yë'ë to'oxytyëjk'atëty, yë Palti yë'ë myaank yë Lais jampë kyukajpnëtyën Galím.

1 Samuel 18:27

Ko ja David tsyo'ony mëët ja tsyiptuunpëtëjk, jä'ä ojts tyaj'ooky nimäjtsk mëko'px ja filistejë ja'ayëty, tä ojts tnëtsujktaayë ja ye'etyëjk'ajtënëty. Jëtu'un'äämpy ja Saúl ojts tyajknë ja nyëëx mëti'ipë xyëëwajtypyën Mical ets tmooynyë ja David ets to'oxytyëjk'atëty.

1 Samuel 19:12

Ënät ja Mical tkutëëynyäjxy ja David tejpxymyëët japtsow tëjkjëxkë'p ets jëtu'un ja David kyeky.

1 Crónicas 10:2

Saúl mëët ja myaank'ëna'k ojts jyakäknëtë, filistejë ja'ayëty ënätyë pyatso'onëtë, tääts tyaj'oktë ja Jonatán, Abinadab ets ja Malquisúa, nitëkëëk aakyë'ë Saúl y'ëna'k.