1 Samuel 14:33 - Biblia Mixe de Quetzaltepec

³³ E kajts ojts tyëkoy'äty ja ja'ay mëti'ipë ojts tnikäjpxyën ma ja Saulën. Tam ja ja'ay pyokytyuntë jä'ä ko tam ja tsu'utsy tsu'tsnëtë mëët ja nyine'pny. Paaty yë Saúl y'ënäny: Miitsëty ninu'un ja oypyë xykyatsoktë. Paaty, yajmëjkëpiptë yaa tu'uk yë mëjtsaa.

Biblia Dc en Mixe de Quetzaltepec

³³ E kajts ojts tyëkoy'äty ja ja'ay mëti'ipë ojts tnikäjpxyën ma ja Saulën. Tam ja ja'ay pyokytyuntë jä'ä ko tam ja tsu'utsy tsu'tsnëtë mëët ja nyine'pny. Paaty yë Saúl y'ënäny: Miitsëty ninu'un ja oypyë xykyatsoktë. Paaty, yajmëjkëpiptë yaa tu'uk yë mëjtsaa.

1 Samuel 14:33 ပူးပေါင်းရင်းမြစ်များ

Romanos 2:1

Paaty mijts ka'ap xymyëët'aty ja pokymyä'kxën, oy mijts mpënëty. Ko ja wiink ja'ay xypyaye'eyë ja nyëë pyoky kë'ëm mnäyajnitukëty; jä'ä ko mijts näjyëtu'un m'ëtë'ëtsy ijxtëm yë'ë y'ëtë'ëtstën.

Mateo 7:5

Winma'anytyuk. Jëyëjp ja mëj kepy juut ma mwiinën, täänëm ja mmëku'uk ja pyu'uxm xyjyu'tëty jap wyiinjoty.

Hechos 15:20

Nikë oy ko ja noky nkäjxmëty ets ntuk'ëwa'anëmëty ko yi'iyë ka'ap ja jëyujk tsu'utstëty mëti'ipë ëxëëkën, mëti'ipë ja tsaamëxan të yajtukwintsë'ëkën; ets näjyëtu'un ka'ap tkupëktëty ja pëjkën ukën ka'apë myëtëyëtyën, ets ko ka'ap tsu'utstëty ja jëyujk najts'ookëpë, ëkë ja yo'kpenypë, ëkë ja mëti'ipë kë'ëm o'kpën ets ja ne'pnymyëëtpë.

Levitico 7:26

Oy tyimmaatsowëty ma ënäty mijts myajpaatën, këtii yë nye'pny xyjyë'kxëtëty yë joon ets jëyujk.

Levitico 7:27

Pën jyi'kxyp oy tii ne'pny, kwanë ko nëjkx yajjo'otsy ma nyaax kyajpnën.

Levitico 17:10

Ëjts ëxëëkës n'ixa'any ko tu'uk yë Israel ja'ay ëkë jaaypyo'kxyjyä'äy, mëti'ipë tsënääpyën ma miitsëtyën, tjë'kxëty yë ne'pny, wä'än twi'ixtsowëty. Yë'ë kopkpëkyës ko nyaj'ookëty ma ja nyaax kyajpnën.

Levitico 19:26

Këtii nitii xytsyu'utsëty mëti'ipë ne'pnymyëëtën. Këtii xytyuunk'atëty yë nasja'awën, ëkë ma ja'ay tii t'akäjpxyën tii tunan jatanëp.

Deuteronomio 12:16

Yë tëy yë nye'pny këtii xyjyë'kxëtëty, mnitajtëp naaxkëjxy.

Deuteronomio 12:23

Yë'ë tëy yë nye'pyny këtii xyjyë'kxëtëty, jä'ä ko yë'ë juukyajtën'ajtp. Paatykyëjxm ka'ap mëpaat yë ne'pyny mëti'ipë juukyajtën'ajtpën xy'ajë'kxmuktë mëët yë nyitsu'utsy.

Deuteronomio 15:23

Yë'ë tëy yë nye'pny këtii yë xyjyë'kxëty, je'eyë xynyaaxnitajëty ëkë xy'ixtämëty tä nëëjën.

1 Samuel 14:34

Ets xy'ënëmaaytya'atëty yë ja'ayëty wä'än këëktu'uk tmëmintë yë jyëyujk tsyajpkaajëty, tsyajpaxëty, kyupixynyëty ets tyaj'ooktëty ets tsu'utstëty. Këtiipë yë Wintsën xymyëtëkoytyëty ets miits xytsyu'tstëpëty yë tsu'utsy mëët yë ne'pny. Jä'ä tsu'um yë ja'ayëty këëktu'uk ojts tmënëjkxtë yë tsyajpkaajëty ets tyaj'o'ktë.

Génesis 9:4

Yë'ë tëy ka'ap xyjyë'kxtëty yë ne'pny, tsu'utsy mëti'ipë ne'pnytyuk'ookën këtii yë xyjyë'kxtëty. Jä'ä ko yë ne'pny, yë'ë juukyajtën'ajtp.