1 Samuel 14:25 - Biblia Mixe de Quetzaltepec

²⁵ Ënät yë tsiptuunpëtëjk jyajtë yukjotm ma jyätyën yë uuxpa'ak naaxkëjxy.

Biblia Dc en Mixe de Quetzaltepec

²⁵ Ënet yë tsiptuunpëtëjk jyajtë yukjotm ma jyätyën yë uuxpa'ak naaxkëjxy.

1 Samuel 14:25 ပူးပေါင်းရင်းမြစ်များ

Deuteronomio 9:28

Këtiipë käjpxy jam y'ëna'anëty ma ojts xyajpëtsëmyën: Yë Wintsën ka'ap të myäyë ets tääpë naax kajpn jam tyajja'tëty ma ja it naaxwiinyëtën, mëti'ipë tyukwinwa'anëyën, e jä'ä ko wyiink'ijxypytyëm jëtu'un, je'eyë ojts yaa twoowtsoony ets jam të'ëts'itjotm t'ëxmajtsy ets y'o'kta'atëty.

Números 13:27

Ënät ja Moisés t'ënëmaaytyë: Tëës jam n'otstë maas ojts xykyäxtën. Jam janty ka'ap yë jë'kxy pëky y'ëmaaytyä'äky, yë jë'kxy pëky jëtu'un jam n'ijxmëty ka'ap y'ëmaaytyä'äky tä yë nëë pyëyi'ikyën. Ets tyaajës wäänë të nmëmintë, mëti'ipës jam të npaatën.

Éxodo 3:8

Paatyës yaa naaxwiiny të nkëtä'äky etsës nyajtso'oka'antë ma Egiptë ja'ayëtyën, nyajpëtsëmantëpës yam ma tääpë kajpnën etsës nyajnëjkxa'antë ma ja oypyë ja it naaxwiinyëtë, ma myëjwiin y'ëwaatsëtyën ets ma ja jë'kxy pëky ka'ap ninu'un y'ëmaaytyä'äkyën; jam jëtu'un ma tsyëënëtën yë Canaán ja'ayëty, Hit ja'ayëty, Amor ja'ayëty, Ferez ja'ayëty, Heve ja'ayëty ets Jebús ja'ayëty.

1 Samuel 14:24

E yë'ë tëy yë Israel ja'ayëty yajxon ënäty të y'ënu'kxëtyääynyëtë, jä'ä ko ka'ap ënäty ni pën të kyäy, jä'äkyëjxm ko ënäty yë Saúl të y'ënä'äny: Poky yë ja'ay wyë'ëmëty mëti'ipë kääpyën ma ka'anëm yë xëëw kyëtä'äkynyëmën, maas ënäty ka'ap të n'ijxnajxta'aynyën yë nmëtsipës.

1 Samuel 14:26

Ko t'ijxpatë ko janty jëtu'un kyiiynyääynyë ja uuxpa'ak tä yë nëëjën, ni pën ojts tkajë'kxy jä'ä ko yë'ë tsyë'këtyëp ijxtëm ënäty të tkäjpxy'atën.

Proverbios 25:16

Ko uuxpa'ak xypyaatëty këtii xyjyë'kxni'ikëty, këtiipë myaj'ëëtsëtëty ko nëkooyë xyjyë'kxëty.

Jueces 14:9

Tääts tnikuxajëy ets tu'uk mëjkë'ëy tkëëypyëtsiimy ja uuxpa'ak, tää jatëkok ja tyu'u tpëjky ets tu'ktu'u tjanty jyi'kxy ja uuxpa'ak. Ko ja tyeety tyaak tpaty ënät ojts ja uuxpa'ak tmo'oy ets tjë'kxtë, yë Sansón ka'ap ojts ja tyeety tyaak tuk'ëwaanë ma ënäty ja uuxpa'ak të tyajpëtsëmyën.