1 Samuel 14:19 - Biblia Mixe de Quetzaltepec

¹⁹ E ma ënäty jam jëtu'un kyäjpxy myëtyä'äkyën yë Saúl mëët ja teety, ja filistejë ja'ayëty ni'ikyë ojts kyujo'pta'atë. Tä ja Saúl jatëkok t'ënëmaay ja teety: Këtii xynyëmiinëpë yë kejky yä'äp.

Biblia Dc en Mixe de Quetzaltepec

¹⁹ E ma ënety jam jëtu'un kyäjpxy myëtyä'äkyën yë Saúl mëët ja teety, ja filistejë ja'ayëty ni'ikyë ojts kyujo'pta'atë. Tä ja Saúl jatëkok t'ënëmaay ja teety: Këtii xynyëmiinëpë yë kejky yä'äp.

1 Samuel 14:19 ပူးပေါင်းရင်းမြစ်များ

1 Samuel 14:24

E yë'ë tëy yë Israel ja'ayëty yajxon ënäty të y'ënu'kxëtyääynyëtë, jä'ä ko ka'ap ënäty ni pën të kyäy, jä'äkyëjxm ko ënäty yë Saúl të y'ënä'äny: Poky yë ja'ay wyë'ëmëty mëti'ipë kääpyën ma ka'anëm yë xëëw kyëtä'äkynyëmën, maas ënäty ka'ap të n'ijxnajxta'aynyën yë nmëtsipës.

Números 27:21

Yë Josué nëjkxëp kë'ëm nyäwya'këxë'ëkyë ma teety Eleazarën. E yë Eleazar yë'ë kyajpxkëxë'ëkëp maas ëjtsën mëët yë Urim. Josué yë'ë nëjkx tni'ënä'ämë tii mëpaat tuntën yë Israel ja'ayëty.

Isaías 28:16

Paaty ja Wintsën y'ënä'äny: Ëjts npëjkta'akäämpyës yam tu'uk yë tsaa jam Sión, tu'uk yë mëjtsaa, oytsyaa ets tsoowpaatypë, mëti'ipë mëj'äämpy itëpën, ets yë'ë potsy ëjx'atëp. Pën ënäty tyukjotkujk'ajtypyën, nëjkxëp jam tpaaty ja po'kxtakn.

Salmos 106:13

E ka'ap nëkooyë pyoxy tääts ets jatëkok tja'atyëkooytyë mëti'ipë ja Tios ënäty të tjakäjpxyën, ka'ap ojts t'ëwxitë ets jeexyë tnijawëtë mëti'ipë ënäty ja Tios tyuknipëjktakëpën.

1 Samuel 13:11

E ja Samuel tyaa y'ënëmaayë: ¿Wi'ix ko jëtu'un të m'ëtë'ëtsy? Ets ja Saúl y'ëtsooy: Koos të n'ixy mijts ka'ap m'ëkmiinë tä të xyjyanikäjpxyën ets koos të n'ixy ni'ikyë yë filistejë ja'ayëty myiin'ëtë'ëtstë jam Micmás,

Josue 9:14

Ja Israel ja'ayëty ojts tjanty y'ixtë ja jyi'kxy pyikyëty ja Gabaón ja'ayëty mëti'ipë myëmiintën ko janty jëtu'un ënäty tä y'ëna'antën, ja Wintsën ka'ap ojts jëyëjp tyajtëwtë.

1 Samuel 14:20

Tä ja Saúl mëët ja tsyiptuunpëtëjk tnipëtë'ktë ja filistejë ja'ayëty, tyamts ja filistejë ja'ayëty ni'ikyë nyäy'ijxmajts'taayënëtë ets aakyë'ë nyäyaj'o'kënëtë.

1 Samuel 30:7

Tä t'ënëmaay ja teety Abiatar, ja myaank ja Ahimélec: Tun yë mëyajtën yajminy ja efod. Ko ja Abiatar jam tmëmiiny ja efod ma ja Davidjën,