1 Samuel 13:9 - Biblia Mixe de Quetzaltepec

⁹ Ënät ja Saúl ni'ënä'ämëy: Yajmintë yë tsajpkaa mëti'ipë wintsë'kën'ajtpën ets ja nay'ëëw'oy näykyajpx'oyë yajtunëty. Ets ojts yë'ë kë'ëm tnino'oky ja wintsë'kën.

Biblia Dc en Mixe de Quetzaltepec

⁹ Ënet ja Saúl ni'ënä'ämëy: Yajmintë yë tsajpkaa mëti'ipë wintsë'kën'ajtpën ets ja nay'ëëw'oy näykyajpx'oyë yajtunëty. Ets ojts yë'ë kë'ëm tnino'oky ja wintsë'kën.

1 Samuel 13:9 ပူးပေါင်းရင်းမြစ်များ

1 Reyes 3:4

jëna'ajëty ijty nyijkxy jam Gabaón ets ja wyintsë'kën jam tyäky, jä'ä ko wäänë këjxm ënäty tääpë kopk ets yë'ë ni'ik mëj'äämpy pyëjktaktëp; jä'ä ijty ja wintsë'kën tyäky tu'uk mil aakyë'ë mëti'ipë nitoopyën.

Deuteronomio 12:6

Jam nëjkx yë Wintsën xytyukwintsë'ëkëtë yë jëyujk. Nëjkxëp yë Wintsën jam xymyo'otë yë tu'kpëkpyë yajjëpëkyën ma ja mmajkpëkpyën ets tii ënäty miitsëty mo'ojantëpën. Yë'ë nëjkx xykyë'ëmo'otë ja mjëyujk mtsajpkaajëty, mëti'ipë më''ëka'any të myinyën naaxwiiny.

Isaías 66:3

E tää yë ja'ay mëti'ipë tu'uk yë tsajpkaa yaj'o'kpyën, ets tu'uk näjyëtu'un ja'ay tyaj'ooky; ko tyaj'ooky tu'uk kupixyny, tu'uk uk tyo'kwiity; ko tyäky yë ujtspajk, näjyëtu'un tyäky yë ëtsëm ne'pny; nyo'ktëp xyaamtëp yë poom ets y'ëwtajtëp awinax. Mëti'ipë ja'ay jëtu'un ëtëtstëpën, oy nyäyjyawëtë ko jëtu'un y'ëtë'ëtstë.

Proverbios 21:27

Tios ëxëëk t'ixy ko ëxëëkja'aytyëjk tii tyoxtë. Jä'ä ko ka'ap tii ëmuumtu'ukjot tyaktë.

Proverbios 21:3

Tun ja nipaye'eyën oypyë ets mëtëypyë, yë'ë jëtu'un yë Tios ni'ik tyukjotkëtäkpy këtiinëm yë wintsë'kën.

Proverbios 20:22

Nijëna'a mka'ëna'anëty ets tii ëxëëk xytyuunwinpita'anëty, nikë yë'ë tuk'ijxpät yë Wintsën, ets yë'ë mputëkëtëty ma tii xymyëmay xymyëtajyën.

Proverbios 15:8

Yë Tios ka'ap nijënu'un t'oy'ixy ko yë ëxëëk ja'ay tyäky yë wintsë'kën, e ko yë wa'ats ja'ay aaw ayuk myo'oyë kyupëjkpy yë'ë.

Salmos 37:7

Ko myajpaatëty Wintsën wintuuy amonyë m'itëty; je'eyë ëwxit mä'kxtuk, xy'a'ix xyjyëjp'ixëty jëna'a mputëkëty. Këtii xy'ëxëëkjawëty ko yë ja'ay nyämyëmëta'akëtëty ma jyuuky'ajtënën, ets ko pën ëxëëk winë tuknipëjktaakëty.

2 Samuel 24:25

jamts ojts tu'uk ja wintsë'këntyakn tjantyyajpëtë'ëky, ma ja Wintsën ja wyintsë'kën tmooyën ets mëët tuuny ja nay'ëëw'oy näykyajpx'oyë. Jëtu'un ja Wintsën ojts tpa'ëyoy ja naax kajpn ets tjëpëjky ja pa'am ëyo'on ma ja Israel kajpnën.

1 Samuel 14:18

E jä'ä xëëw tam ënäty tmëët'ajtëpë ja Tios ja kyejky yä'äp mëti'ipë mëët winë tuknijawëtën. Paatykyëjxm ja Saúl t'ënëmaay ja Ahías: Yajmin yë kejky yä'äp mëti'ipë yë Tios jyä'ä'ajtypyën.

Deuteronomio 12:5

Ma miits yë mja'ayëtyën, yë Wintsën nëjkxëp twin'ixy tu'uk yë it naaxwiinyëtë ma nëjkx yaj'ëwtatyën, e miitsëty jam nëjkx mnëjkxtë.