1 Samuel 13:14 - Biblia Mixe de Quetzaltepec

¹⁴ E tyam ënät yë mkutujkën jëjptukaanp yë'ë. Yë Wintsën yë'ë ënät kë'ëm y'ixta'ajëp pën tsyojkpy ets ënät tpëjkta'akëty ënä'ämpë ma kyajpnën, mëët jä'äkyëjxm ko mijts ka'ap të xytyuny tä ënäty të mja'ënëmxëtyën.

Biblia Dc en Mixe de Quetzaltepec

¹⁴ E tyam ënät yë mkutujkën jëjptukaanp yë'ë. Yë Wintsën yë'ë ënät kë'ëm y'ixta'ajëp pën tsyojkpy ets ënät tpëjkta'akëty ënä'ämpë ma kyajpnën, mëët jä'äkyëjxm ko mijts ka'ap të xytyuny tä ënety të mja'ënëmxëtyën.

1 Samuel 13:14 ပူးပေါင်းရင်းမြစ်များ

Hechos 13:22

Ënät ja Tios ojts pyëjkëty ja kyutujkën ets tpëjktäky ja David yajkutujkpë, mëti'ipë nyikajpxën: Tëës npaaty ja David, Jesé y'u'unk, mëti'ipës ntukjotkëtäkpyën. Yë'ë ënät tyunëp mëti'ipës ntsojkpyën.

1 Samuel 15:28

Ënät ja Samuel t'ënëmaay ja Saúl: Timjëtu'un tääjës yam yë nwit të xykyë'tsën, jëtu'un yë Wintsën tkëëtsy yë mkutujkën ma Israel kajpn. Ets të tmo'oy tu'uk yë mmëkukajpn mëti'ipë jaak'oy yë jot winma'anymyëët'ajtypyën këtiinëm mijts.

Salmos 78:70

Ojts näjyëtu'un twin'ixy yë tyuunpë David, mëti'ipë ënäty yë'ë tyuunk'ajtypyën yë kupixyny këwent'ajtk.

1 Samuel 16:1

Ënät ja Wintsën t'ënëmaay ja Samuel: ¿Mapaatën mon tuk m'ita'any mëëtkyëjxm yë Saúl? Ëjts ka'apës n'ëktsojknë ets yë'ë y'ënä'ämëty ma Israel kajpnën. Yaj'uts yë mxuty mëët yë on ets mnëjkxëty jam Belén ma Jesé tsyëënën, jä'ä ko tëëjës tu'uk yë myaank nwin'ijxë ets yë'ë y'ënä'ämëty ma Israel kajpnën.

Hechos 7:46

Ja David ojts ja Tios y'oyjyawëty, paaty t'amëtooy ets tyuk'ëwaanëtëty maa nëjkx jyuuky'atën ja Jacob ja y'u'unk y'ëna'k;

1 Samuel 16:12

Ënät ja Jesé ojts tnikäxë ja myaank, tääpë mëxy'u'unk janty'oy ënäty y'ixëty. Janty tsapts ja wyiin jyëjp ets janty'oy kyëxë'ëky. Ënät ja Wintsën t'ënëmaay ja Samuel: Ya'atë jëtu'un të nwin'ixyës, paaty kënu'kx ets yë'ë y'ënä'ämëty ma Israel kajpnën.

2 Reyes 20:5

Wimpit ets ënëëmë yë Ezequías, mëti'ipë nyiwintsën'ajtypyën yë nnaaxës nkajpnës: Yë Wintsën, mëti'ipë m'apteety David y'ëwtajtën, jëtu'un y'ënä'äny: Tëës nmëtoow'ity ja mjëëytyak mnu'kxtakën ets mjë'ëyën myaxën. Oy'atëp, tyam nyajtso'okëty, ko jyatëkëëk xëëw'atëty jyëkyäpëp mnëjkxëty ma tsajptëjkën.

2 Samuel 5:2

e tä të y'ityën, oyën ja Saúl ënäty jä'ä jya'ënä'ämpë, mijtsyëm ijty mtu'uwinye'eypy ja naax kajpn ko muum tsyippaaty. Tëë kë'ëm ja Wintsën y'ënä'äny ko mijts jëtu'un mwinye'epy ja Israel kajpn ets xy'ënä'ämëty.

1 Samuel 9:16

Jëpom ntuknikäxa'any tu'uk yë ja'ay, jam tsyoony ma Benjamín yë y'itjotmën, mëti'ipë mkënu'kxëpën ets yë'ë y'ënä'ämëty maas yë nnaax nkajpnën, yë Israel kajpn. Yë'ë nëjkx tyaj'ëwaatsëpëtsëmy yë Israel kajpn ma ëxëëk jyatën kyëpätën, mëët yë filistejë ja'ayëty, jä'ä ko npa'ëyoowtëpës ko ka'ap jyotkujk'atë.

1 Samuel 2:30

E paaty tyam y'ënanë, ja Wintsën mëti'ipë jëyëjp të y'ënä'änyën ko miits jëtu'un kë'ëyxyëëw kë'ëyjyëmëjt mëtuntëp ja Tios, jëtu'un tyam y'ënä'äny: Ëjts ka'apës jëtu'un n'ëkkupëkanë. Yë'ëjës n'oyjawëjäämpy ja ja'ay mëti'ipës xy'oyjya'apën, e mëti'ipës xy'ixtijpën o'ktëy nëjkx jyäty. Ëjts Wintsën, ëjts ënaanp.

Hebreos 2:10

Tu'kë'ëyë mëti'ipë jää'ajtpën aak Tios jyä'ä'ajtääpy ets yaj'ijtääpy, jä'ä ko tsyojkpy ets ja y'u'unk y'ëna'k näjyëtu'un tpaatëty ja myëj'ajtën y'oyajtën; Tios ojts tyaj'awinpity ja Jesukristë wa'ats ko y'ëyooy, mëti'ipë të yajnitso'okëtën.

1 Samuel 15:23

Mëti'ipë ka'ap tkäjpxymyëtoyën yë Wintsën, näjyëtu'un yë pyokytyuny tä najtsja'apën, ets tä yë mëti'ipë yë wiink tios y'ëwtajtypyën, mëti'ipë käjpxykyutëjpën. E komë mijts tëë xy'ijxtijë ja y'aaw y'ayuk, näjyëtu'unts ënät tyam m'ixtijyë ma m'ëne'emyën.

1 Samuel 15:26

Ka'ap yam mpawinpita'any, jëtu'un y'ëtsooy yë Samuel. Jä'ä ko mijts ka'ap yë Wintsën yë tyiyajtën të xypyatuunë, paaty tyam ka'ap näjyëtu'un m'ëkmëj'ijxënë ma myajkutukyën.

1 Samuel 24:20

Tyamës yajxon nijawë ko mijts jëtu'un nëjkx jëna'a myajkutujkpë'aty ets Israel yë nyaax kyajpn nëjkxëp jëna'a yeeky pyety.

1 Samuel 25:30

Paaty ko ënäty jyänty y'atëy tä ja Wintsën të t'akäjpxyën ko mijts winë xytyuna'any ma Israel kajpnën ets ënäty të mnajxnë ënä'ämpë ma ja Israel kajpnën.

2 Samuel 6:21

Tä ja David y'ëtsooy: Tëyajtën yë'ë; tëëjës njanty'etsy njantypyuty, je'eyëp ko Wintsën wyintumës të n'ety të mputy mëti'ipës të xywin'ixyën ijxtëm jeexyë ja mteetyën, ëkë pën mëku'ukën, etsës n'ënä'ämëty ja nyaax kyajpn, yë Israel kajpn. E paatykyëjxmës n'ety akujk jotkujk.

1 Crónicas 10:13

Jëtu'un ojts ja Saúl y'ooky tyëkoy, mëët ko ënäty ka'ap oy winë të tuny, jä'ä ko myëtëjkëy ja poky, mëët ko tkamëmëtooy ja Wintsën ja y'ënä'ämën tyiyajtën ets mëët ko ojts ja najtsja'apë winë tyajtëëwnë

Isaías 39:5

Tä ja Jeséas t'ënëmaay ja Ezequías: Mëtoow'it ya'atë aaw ayuk mëti'ipë yë Wintsën kyäjpxypën, mëti'ipë maaytyääyëpën winë:

Proverbios 27:24

Jä'ä ko wit meeny ka'ap xëmëkyëjxm nmëët'ajtmëty, ets ni yë'ë xëmëkyëjxm kyayajmëët'aty yë ënä'ämën kutujkën.