1 Samuel 12:8 - Biblia Mixe de Quetzaltepec

⁸ Ko yë Jacob ojts mëët yë y'u'unk y'ëna'k jap nyëjkxtë Egiptë ets ëxëëk tyuunëtë yë Egiptë ja'ayëty, ja m'ap m'okëty ka'ap tmëmëta'akantën ja nätsyäätyunë. Paaty ojts ja Wintsën tmëkajpxtë ets tkejxy ja Moisés ets ja Aarón mëti'ipë yajpëtsëëmtën jap Egiptë ja m'ap m'okëty ets yaa tyajmiiny ma tyam yaa mtsëënëtën.

Biblia Dc en Mixe de Quetzaltepec

⁸ Ko yë Jacob ojts mëët yë y'u'unk y'ëna'k jap nyëjkxtë Egiptë ets ëxëëk tyuunëtë yë Egiptë ja'ayëty, ja m'ap m'okëty ka'ap tmëmëta'akantën ja nätsyäätyunë. Paaty ojts ja Wintsën tmëkajpxtë ets tkejxy ja Moisés ets ja Aarón mëti'ipë yajpëtsëëmtën jap Egiptë ja m'ap m'okëty ets yaa tyajmiiny ma tyam yaa mtsëënëtën.

1 Samuel 12:8 ပူးပေါင်းရင်းမြစ်များ

Salmos 105:44

ets myooyëtë ja naaxwiinyëtë mëti'ipë wiink kajpn jyä'ä'ajtypyën, ets ja jë'kxy pëky mëti'ipë wiink ja'ay nyitu'unëyën,

Éxodo 12:51

Jä'ä xëëw ojts ja Wintsën jap tju'tnë Egiptë ja nyaax kyajpn.

Éxodo 6:26

E ya'atë ojts y'itë Aarón ets Moisés, mëti'ipë ja Tios ënëmaayëtën ets tyajpëtsëmtëty ja Israel ja'ayëty jap Egiptë, jëtu'un tä yë maytsyiptuunpë muum nimay tsyoontën waatswitsy.

Números 20:15

Yë n'ap n'okëtyës jap ojts Egiptë nyëjkxtë ets jap jeky tsyënaaytyë. E yë Egiptë ja'ayëty mëk ëëts të xyaj'ëyowtë, tä näjyëtu'un tuuntën ja n'ap n'okëtyës.

Hechos 7:15

Jëtu'un ja Jacob ojts nyëjkxtë Egiptë mëët ja myëku'uktëjk. Jamts y'o'ky ja nteety'ajt n'ap'ajtëmë.

Josue 1:6

Jotkujk ets jotmëk mtimnyäyjyawëtëty, jä'ä ko mijts nëjkx xyajwä'kxy ja it naaxwiinyëtë ma ya'atë naax kajpnën, yë'ëjës ntukwinwa'anëy ja m'ap m'okëty koos n'ënëmaaytyë ko ja kyuma'ayën nmo'oja'antës.

Josue 21:43

Jëtu'un'äämpy ojts ja Wintsën tkuuytyuny ja y'aaw y'ayuk ko tmooytyääy ja Israel ja'ayëty ja nyaax kyam, jëtu'un tä ënäty të tukwinwanën ja y'ap y'okëty. E ma tääpë ja it naaxwiinyëtën jam ojts tu'ukyë tsyënaaytyaknpëjknëtë.

1 Samuel 10:18

Jamts t'ënëmaay: Yë Wintsën, mëti'ipë Tios'ajtpën ma Israel ja'ayëtyën jëtu'un y'ënä'äny: Ëjts jëtu'un miits të njuutë ja Egiptë, miitsëty Israel ja'ayëty, ojts nyaj'ëwaatsë pëtsëmtë ma ënäty yë Egiptë ja'ayëty o'ktëy mtunëtën ets jam wiink naax wiink kajpn ma ënäty ëxëëk mjatën mkëpätën.

1 Samuel 12:6

Ojts ja Samuel näjyëtu'un ja naax kajpn t'ënëëmë: Yë Wintsën yë'ë jëtu'un ojts tyajtuny yë Moisés ets Aarón ko tyajpëtsëëmtë jap Egiptë yë m'ap m'okëty.