1 Samuel 12:5 - Biblia Mixe de Quetzaltepec

⁵ Jëtu'un ja Samuel ojts tnikäjpxy ja ayuk: Yë Wintsën ets ya'atë yajkutujkpë yë'ë jëtu'un wë'ëmtëp ijxpë nija'apë ko miitsëty ka'ap tii tëko'oyën të xypyaatë ma ëjtsën. Tääts y'ëtsoowtë ja Israel ja'ayëty: Tëyajtën jëtu'un.

Biblia Dc en Mixe de Quetzaltepec

⁵ Jëtu'un ja Samuel ojts tnikäjpxy ja ayuk: Yë Wintsën ets ya'atë yajkutujkpë yë'ë jëtu'un wë'ëmtëp ijxpë nija'apë ko miitsëty ka'ap tii tëko'oyën të xypyaatë ma ëjtsën. Tääts y'ëtsoowtë ja Israel ja'ayëty: Tëyajtën jëtu'un.

1 Samuel 12:5 ပူးပေါင်းရင်းမြစ်များ

Génesis 31:50

Pën ëxëëk xytyuny ja n'u'unkës nnëëxës ets pën mpëjkpy m'ukpy wiinkpë ja to'oxytyëjk, oy ënäty pën tka'ixy tkanijawë, Tios yë kë'ëm kyëwentëpëkëp.

Job 16:19

Oy tyimtu'ukënëty jyam'atëty tsajpjotm mëti'ipës mëpaat xypyukajpxën,

Job 42:7

Ko yë Tios jëtu'un tmëkajpxtaay yë Job, ojts t'ënëëmë yë Elifaz: Tëës mijts xyajjoot'anpëky, tëëjës ntukjoot'anpëjkta'ay yë mëku'uktëjk mëti'ipë mëët oy mnämyäyën, jä'ä ko ka'ap tii tëy të xynyimëtya'aktë tääjës yë ntuunpën Job.

Salmos 17:3

Mijts mnija'ap wi'ixës nmay ntajyën; oy kyootsëty wa'atsës xy'ixy, jëtu'unës mijts xyajtooywyä'ätsy tä ja'ay pu'ts pujxn tyajtooywyä'ätsyën ets ka'ap tii ëxëëkpë të xypyääty ma ëjtsën. Ka'apës nijëna'a tii të nikäjpxy mëti'ipë ka'ap nyimëtyaknëtyën.

Éxodo 22:4

E pën jam ja jyëyujk tmëëtëty ma tyëjkën ets juuky jam tyajtänë, jä'ä nëjkx tkëpäjnë kujkwä'kxy tyajni'ikënëty, oy ënäty yë'ëjëty yë tsajpkaa ëkë krukts ëkë kupixyny.

Juan 18:38

Ets ja Pilato y'ënëmaayë: ¿Tii tëy'ajtën'ajtp? Ko ja Pilato jëtu'un y'ënaantaay ënät pyëtsiimy jatëkok ets ojts tmëkäjpxy ja jutiis ja'ayëty: Ka'apës tii poky npaaty ma tääpë ja'ayën.

Hechos 23:9

Ni'ëmukë mëk yujk'ënantë; näjyëtu'un ja fariseë ja'ayëty, ojts wya'kukëtë ets mëk y'ënantë: Ya'atë ja'ay ka'ap tii poky tuuntëkoy tkajpxtëkoy. Wä'änxyëp yë anklësëty të myëkäjpxyë.

Hechos 24:16

Paatyës jëtu'un ntuny etsës ja Tios oy mëët nyajpaatëty, näjyëtu'un mëët ja naaxwiinyëtë ja'ay.

Hechos 24:20

Ëkë wä'än ya'atë ja'ay tnikajpxtë mëti'ipë tyam yaajëtyën tii pokyës jëtu'un të ntuny koos ojts nyajpaye'ey ma ja tsajptëkotyëtë yajjuntë'ajtpën.

1 Corintios 4:4

koos kë'ëm n'ëna'any ko ka'apës tii poky nmëëtëty, ka'ap yë'ëkyëjxmëty koos ka'ap tii ntuuntëkoy. Yë Wintsën yë'ëjës xypyaye'eyaanp.

2 Corintios 1:12

Nmëët'ajtëpës ja mëk'ajtën ets mëj këjxm näyajnaxëtëtyës, yë'ë ko näjya'awëtëpës koos oy njuuky'atë yaa naaxwiiny ets oyës ja jot winma'any të nyajkëxë'ëktë ma miitsëtyën. Ka'apës yë'ëjëty yë naaxwiinyëtë wijyajtën të nyajtuntë, Tios yë mëyajtën të tuny etsës oy njuuky'atëty.

1 Samuel 12:4

Tä ja Israel ja'ayëty y'ëtsoowtë: Ka'ap pën nijëna'a të xyaj'ëyoy ets ka'ap pën nijëna'a ëxëëk të xytyuny të xy'ënëëmë ets ka'ap nijëna'a të xynyimeenypyiky ja tëko'oyën.

1 Samuel 26:9

E ja David tyaa y'ëtsooy: Ka'ap, këtii xyaj'ookëty, jä'ä ko pën kyë'ënixäjpy ja mëj'ënä'ämpë mëti'ipë yë Wintsën kë'ëm të twin'ixyën, ka'ap yë'ë jëtu'unyë nyäyajna'ixëty.