1 Samuel 12:25 - Biblia Mixe de Quetzaltepec

²⁵ E jää tëynyë ko ënäty miitsëty je'eyë ja ëxëëkpë xypyanëjkxtëjkënëtë, nëjkxëp ja mkutëkooynyëtë, näjyëtu'un ja myajkutujkpëty.

Biblia Dc en Mixe de Quetzaltepec

²⁵ E jää tëynyë ko ënety miitsëty je'eyë ja ëxëëkpë xypyanëjkxtëjkënëtë, nëjkxëp ja mkutëkooynyëtë, näjyëtu'un ja myajkutujkpëty.

1 Samuel 12:25 ပူးပေါင်းရင်းမြစ်များ

Josue 24:20

Paaty miitsëty yam n'ënëëmëtë pën mpuwa'ktutëp yë'ë ets wiink tios xypyanëjkxtëjkënëtëty, yë Wintsën Tios nëjkxëp mpuwa'ktu'utëtë ets myajkutëkoyëtë, oy ënäty oy winë të tuny të tkäjpxy mëët miitskyëjxmëty.

Oseas 10:3

Ets ya'atë kajpn y'ëna'ana'any: Ka'ap nmëët'ajtëm yajkutujkpë jä'ä ko ka'ap të nwinkutsë'këmë yë Wintsën. E ¿tii jëtää tu'uk yajkutujkpë tyimtuumpy?

Isaías 3:11

Janty mon janty tuk yajpaaty ja ëxëëk ja'ay, jä'ä ko ëxëëk jyata'any. Jëtu'un nëjkx ja Wintsën tyukumëtoyë tä ënäty ja nyëë pyoky kyëjääjëtyën.

Deuteronomio 28:36

Yë Wintsën yë'ë nëjkx t'ëwa'atsy ets mijts tu'ukyë mëët myajkutujkpë myajmënëjkxnëtëty wiink naax wiink kajpn, ma ënäty ka'ap nijëna'a të xy'ixy'ätyën ets ni m'ap m'ok ënäty të tka'ixy'atë. Jam wiinkë'ëy wiink kajpn kwanë ko nëjkx ja wiink wintsën xy'ëwtajnë ets jä'ä xymyëmëtoownëty, mëti'ipë mëët y'oytyunyëtyën yë tsaa ets kepy.

1 Samuel 13:1

Ko yë Saúl ojts tyuuntso'ontä'äky jam ma Israel kajpnën mëj ëna'k ënätynyë, tëë ënäty ëka'any tyuny ma yajkutujkpë'atyën,

Isaías 1:20

e ko miitsëty je'eyëm nkäjpxykyumëtoownaxtëty, tsipjoty nëjkx m'ooktë, ets ka'ap mtso'oka'antë. Yë Wintsën jëtu'un kë'ëm të y'ënä'äny.

Deuteronomio 8:19

E pën mja'atyëkooynyëtëp ja mWintsënëty ets ja wiink wintsën xypyanëjkxnëtëty ets jä'ä xy'ëwtajnëtëty, tyam miits yajxon n'ënëëmëtë, ko nëjkxëp mkutëkooytya'atë.

Josue 23:16

Pën ka'ap xypyatuntë ja Wintsën ja kyäjpxytyu'unën. Ko miitsëty wiink tios xy'ëwtajnëtëty ets xywyinkoxtënaaynyëtëty, yë Wintsën mëj këjää nëjkx mtukjoot'anpëkëtë ets ka'ap mnimä'kxëtëty; wa'ats myajkutëkooytya'ajëtëty koonëm mkëxtëty yaa naaxwiiny naaxkëjxy ma ya'atë it naaxwiinyëtë të mo'ojëtën.

Job 36:12

E ko yë'ëjëty ka'ap jyä'äkyukëtëty ookantëp yë'ë ets ka'ap nëjkx tnijawëtë wi'ix ënäty të jyuuky'atën.