1 Samuel 12:19 - Biblia Mixe de Quetzaltepec

¹⁹ Tä t'ënëmaaytyë ja Samuel: Samuel tun yë mëyajtën mënu'kxta'ak yë mWintsën mëët ëëtsëty këtiipës n'ooktëty. Jä'ä ko janty poky jëtu'un ëëtsëty të ntuntës koos të n'amëtoowpëtë tu'uk yë yajkutujkpë.

Biblia Dc en Mixe de Quetzaltepec

¹⁹ Tä t'ënëmaaytyë ja Samuel: Samuel tun yë mëyajtën mënu'kxta'ak yë mWintsën mëët ëëtsëty këtiipës n'ooktëty. Jä'ä ko janty poky jëtu'un ëëtsëty të ntuntës koos të n'amëtoowpëtë tu'uk yë yajkutujkpë.

1 Samuel 12:19 ပူးပေါင်းရင်းမြစ်များ

Éxodo 9:28

Mëk ëëts yë ënääw wëtsuk ets tëtsn tuu të nyajnaxtë, paaty tyam ka'ap yam miits n'ëk'ëtukanëtë. Mëpëjktsowtë yë Tios mëët ëëtsëty ets jëtu'un yam n'ëxmatstëty.

1 Juan 5:16

Ko pën ja myëku'uk t'ixëty ko tam pyokytyuny ets jä'ä ja poky mëti'ipë ka'ap yaj'ookyën, tuknija'amyätsëtë ja Tios ets ja Tios yajjuuky'atëtëty, ënät jëtu'un pën jä'ä ja poky mëti'ipë ka'ap yaj'ookyën. Jä'ä ko tää poky mëti'ipë yaj'o'kpën, ko pën tääpë jëtu'unpë poky tuny, ka'ap tjëkyepy ja Tios yajtuknija'amyätsëty.

1 Samuel 12:23

E ëjts mëti'ipës xypyatpën, yë'ë ko tyam nkënu'kxta'aka'antë janaam jatsojk. Ntukni''ixëja'antë wi'ix mëpaat mjuuky'atën oy tsuj ets wi'ix mëpaat oy winë xytyuntën.

Éxodo 10:17

Tyam miitsëty n'amëtow npëjktsowtë ets yä'ätyë jëtu'unë etsës xypyokymyä'kxtëty ets xymyënu'kxta'aktëty yë mWintsënëty, wä'än tjëpëky ya'atë ëyo'on jotmay ma ëëtsëtyën.

Santiago 5:15

Ko ëmuumtu'uk ja Tios tja'amyätstëty, tso'okaanp ja pa'amja'ay, yajmëkpëkëtëp ja Wintsën; ets pën tëë pyokytyuny, yajpokmyä'kxaanp jä'ä.

Hechos 8:24

Tääts ja Simón y'ëtsooy: Tuknija'amyäjtsëtëkës ja Wintsën etsës ka'ap jëtu'un njatëty ijxtëm mijts të m'ëna'antën.

Malaquías 1:9

Miitsëty jyëkyejpy xy'amëtowtëty yë Tios yë pa'ëyo'owën najts'ëyo'owën. Je'eyëp tëy ko jëtu'unpë wintsë'kën xymyo'ojantëpëty ka'ap nëjkx tkupëky ets ka'ap nëjkx myaj'ëxajëtë oy. Yë Wintsën mëti'ipë maaytyääyëpën winë, jëtu'un y'ënä'äny:

Jeremias 15:1

Jëtu'unës yë Wintsën të xy'ënëëmë: Oyxyëp yë Moisés ets Samuel yë'ë yaa xyjyatimnyimiintëpës, ëjts ka'apës tääpë kajpn npa'ëyowa'any. Ënëëmë wä'än xywyinwa'ktu'utës, wä'än tnëjkxtë.

Isaías 26:16

Paatykyëjxm jëtu'un të jyäty të kyëpety, jä'ä ko ënäty ëëts nyajpaatë mon tuk.

Job 42:8

Tyam yë'ë mënëjkxtë yë tsajpkaa, wëxtujk xymyënëjkxtëty ets wëxtujk yë kupixyny ayääkë jam ma Job yajpaatyën ets jam xyaktëty nino'oky nixämy tä tu'uk wintsë'kënën mëti'ipë mnatyukunaxëtëpën. Yë ntuunpës Job yë'ë mkënu'kxta'akanëtëp, nmëtoow'itäämpyës tä ënäty y'ënä'änyën ets ka'ap wi'ix ntuntëty; oy jëtää ka'ap mjanitëkëtë myajpokmyä'kxtëty jä'ä ko miitsëty ka'apës mëtëy të xynyimëtya'aktë, jëtu'un tä yë ntuunpënës Job.

1 Samuel 7:8

Tä ja Samuel t'ënëmaaytyë: Këtii m'ëmony, mënu'kxta'ak yë Wintsën mëti'ipës nTios'ajtëpën ets wä'än xykyuwa'antës ets wä'än xyajtso'oktës ma tääpë filistejë ja'ayëtyën.

1 Samuel 7:5

Ets ja Samuel ni'ënä'ämëy ets ja ja'ay ye'eymyuktëty jam Mispá, jëtu'un y'ënäny: tyamës yë Wintsën nmënu'kxta'akëty ets npa'ëyow mnajts'ëyowëtëty.

Génesis 20:7

E tyam yajwinpijtë ënät yë tyo'oxytyëjk tääpë ye'etyëjk, jä'ä ko käjpxynyajxpë yë'ë, yë'ëjës xymyënu'kxta'akaanp ets mijts mjuuky'atëty. E pën ka'ap xyajwinpijtë yë tyo'oxytyëjk, tyam yajxon ntim'ënëëmë ko o'kta'ajantëp niwinë ja'ay mëti'ipë mmëët'ajtypyën.

Números 21:7

Tä ja Moisés ojts ënätyë tninëjkxtë ets t'ënëmaaytyë: Poky ëëts të ntuntë, ko yë Tios ets mijts wiinkjaty myajnikäjpxy myajnimëtya'aktë. Paaty ënëëmë Tios wä'än tyajjëwä'äky yë tsa'any. Ënät yë Moisés ojts tmënu'kxtä'äky yë Tios ets tpokmyä'kxëty yë Israel ja'ayëty.

1 Samuel 12:13

E tyaa ënät ja myajkutujkpëty mëti'ipë të xytsyojkën'atën. Tyaa ënät ja Wintsën mo'ojëtë ja myajkutujkpëty mëti'ipë të xy'amëtowtën.

1 Samuel 12:17

E tyam miitsëty wa'ats xy'ixtë xynyijawëtë ko ka'ap tyu'uy pyojy ma jeexyë ja tsajpmok yajni'ipyën ¿Këtiijë?. E tyamtsës yë Wintsën nmëkajpxa'any ets nmëpëjktsowa'anyës wä'än tyajtu'uy ets jëtu'un xynyijawëtëty ets xyjyä'äkyukëtëty, ko mëti'ipë të xytyuntën yë Wintsën ka'ap yë'ë të t'oyjyawë ko miitsëty xy'amëtoopëtë tu'uk yë yajkutujkpë.

1 Samuel 12:20

Tä ja Samuel y'ëtsooy: Këtii mtsë'ëkëtë. Tëy ko tëë mpokytyuntë e këtii mmaytyë mtajtë, tyam yi'iyë yë Wintsën tsyojkpy ets këtii xynyawa'ktu'utëty ets xy'ëxmatstëty, tu'ukyë yë'ë timy'ëwtatë winë'aaw winëjot.

Job 37:13

Tëkokyë mëti'ipë tuunëpën jajtëpën aakyë'ë Tios tyuunpy ets tëytyuna'any ja naaxwiinyëtë ëkë ets tsoka'any tjawëja'any.

Jeremias 27:18

Pën janty tëy ko miitsëty mkäjpxynyajxpë'atë, ëjts yajtëëwtëk; ëjts Wintsën mëti'ipë maaytyääyëpën winë, wä'änës ka'ap nyajkutukëty ets jam Babilonyë yajmënëjkxta'ajëty ja apëjk atu'unën mëti'ipë jap ijtpën tsajptëkoty, mëti'ipë jamën ma kutujkëntëjkën ets mëti'ipë jamën maajaty yë Jerusalén kajpnën.

Jeremias 42:2

ets tnimiintë ja Jeremías käjpxynyajxpë ets t'ënëmaaytyë: Mëyajtën ëëts n'amëtowantëp ma mijtsën, niwaantso'ow nipëjktso'owëtëkës ma mWintsën Tiosën, këtii m'ëna'anëty ko ka'ap, maas niwäänë të nwë'ëmtën. Nimay ijty ëëtsëty tëëyëp, tyam niwäänë njaakyajpaatës, jëtu'un tä xy'ixyën.

Éxodo 32:30

Ënät komjëpom ja Moisés t'ënëmaay ja mayjyä'äy. Miitsëty mëj këjää ja poky mëti'ipë të xytyuntën. E ëjts tyamtsës jatëkok nëjkxa'an ma ja kopkën ma Tios jam yajpaatyën etsës nnijawëja'any pën n'ëkyajjotujkpyës yë Tios ets jeexyë myajpokmyä'kxtë.

1 Samuel 8:6

Samuel ka'ap ojts t'oyjyawë ko jëtu'un ja Israel ja'ayëty y'ëna'antë, ko t'amëtowtë ja yajkutujkpë, paaty ojts ja Wintsën t'ëwaanë,

Jeremias 37:3

Ojts yë Sedequías tkexy yë Jucal, yë Selemías yë myaank ets ja teety Sofonías, yë Maaseías yë myaank ets nëjkx t'ixtë ja Jeremías ets t'ënëëmëtëty: Kukajpxtaktëkës ma Wintsënën mëti'ipës nTios'ajtëpën.