1 Samuel 11:7 - Biblia Mixe de Quetzaltepec

⁷ Tääts mäjtsk yë tsajpkaa tyaj'o'ky ets tukpujxëtyääy, ojts tkäjxwä'kxy ma tëkokyë ja it naaxwiinyëtë tnitänën ja Israel kajpn. Ets ja kukäjpxyëty y'ëna'antë: Jëtu'un yajtunëty ja jyëyujk tsyajpkaa ja ja'ay mëti'ipë ka'ap tpuwa'akën ja Saúl ets ja Samuel. E komë ja ja'ayëty ojts ja tsë'ëkë tyuktëjkëtya'ajëtë, poj'am myujktaaytyë ets tpuwa'këtyë ja Saúl ets ja Samuel.

Biblia Dc en Mixe de Quetzaltepec

⁷ Tääts mäjtsk yë tsajpkaa tyaj'o'ky ets tukpujxëtyääy, ojts tkäjxwä'kxy ma tëkokyë ja it naaxwiinyëtë tnitänën ja Israel kajpn. Ets ja kukäjpxyëty y'ëna'antë: Jëtu'un yajtunëty ja jyëyujk tsyajpkaa ja ja'ay mëti'ipë ka'ap tpuwa'akën ja Saúl ets ja Samuel. E komë ja ja'ayëty ojts ja tsë'ëkë tyuktëjkëtya'ajëtë, poj'am myujktaaytyë ets tpuwa'këtyë ja Saúl ets ja Samuel.

1 Samuel 11:7 ပူးပေါင်းရင်းမြစ်များ

Génesis 35:5

Ko yë Jacob tsyo'ontë jam ma kajpnën mëët tu'kë'ëyë y'u'unk y'ëna'k y'u'unk tyo'oxytyëjk ets tu'kë'ëyë jënu'un ënäty winë tmëët'atyën, ënät ja ja'ayëty tsyë'këtyaktë, mëti'ipë jam kukajpnajtëpën, paaty ojts ka'ap twinmaytyë tpaatsoontëty ja Jacob ets mëët tu'kë'ëyë ja jyä'äy.

2 Crónicas 14:14

Tä ëpëky tnitëjkëtyë ja kajpn mutskëtypë mëti'ipë jam Guerar winkon yajpatëpën; ja ja'ayëty jampë tsyëënëtën ojts ja tsë'ëkë tyuktëjkëtya'ajëtë Wintsën wyintuuy. Ja Judá ja'ayëty wa'ats tmajtstaaytyë tääpë kajpn, may jam tpatë wit meeny.

2 Crónicas 17:10

E tyamts ja wiinkëtypë ja kutujkën mëti'ipë myëwinkon'ajtëpën ja Judá kajpn tsyë'këtyëp ja Wintsën, paaty ka'ap nëkoo tmëmayëtë ja Josafat.

2 Crónicas 19:7

Ets t'ënëmaay: Mwinkutsë'ëkëtëp yë Wintsën ets mëk xytyim'ixtëty wi'ix winë oy xytyuntëtyën, jä'ä ko Wintsën ka'ap jëtu'unyë tnani''ijxnaxa'any ja ka'apë myëtëyëtyën ja tu'unën kajpxën, ka'apë pën tii oy tnipaye'eyën, ëkë mëti'ipë ëxëëktu'un ëxëëkajpxën nyimeenypyijkpyën.

Isaías 8:13

Yë Wintsën mëti'ipë maaytyääyëpën winë yë'ë mëpaat yajtsë'ëkë, jä'ä ko wa'ats yë'ë ets yë'ë wyintuuy mëpaat'ajtp yajwintsë'ëkëty.

Jueces 19:29

Ko jyä'äjty ma ja tyëjkën, ënät ojts ja o'kpë tsujktä'äky, majkmäjtsk tsuky ets ojts tyajwä'kxy ets tkäjxwa'kxtaay maajaty ja Israel kajpn yajpaatyën.

Jueces 20:1

Ënät ja Israel ja'ayëty tëkokyë tyu'ukmujktaaytyë mëti'ipë tso'ontëpën Dan, Beerseba ets Galaad, jëtu'un nyämyujkëtë tu'kja'aypyën jam Mizpá, Wintsën wyintuuy.