1 Samuel 11:1 - Biblia Mixe de Quetzaltepec

¹ Nahas mëti'ipë jam yajkutujkpën Amón, ojts nyijkxy jam Jabés ma ja Galaad itjotmën ets tyajtu'ukmujky ja tsyiptuunpëtëjk, tä tnitëkëja'any ja naax kajpn. E ja ja'ayëty jampë tsyëënëtën Jabés tyaa t'ëtsoowtë ja myëtsipëty: Tsojk ntu'unëm tu'uk yë käjpxtyu'unën ets tyam miits nmëtuntëty.

Biblia Dc en Mixe de Quetzaltepec

¹ Nahas mëti'ipë jam yajkutujkpën Amón, ojts nyijkxy jam Jabés ma ja Galaad itjotmën ets tyajtu'ukmujky ja tsyiptuunpëtëjk, tä tnitëkëja'any ja naax kajpn. E ja ja'ayëty jampë tsyëënëtën Jabés tyaa t'ëtsoowtë ja myëtsipëty: Tsojk ntu'unëm tu'uk yë käjpxtyu'unën ets tyam miits nmëtuntëty.

1 Samuel 11:1 ပူးပေါင်းရင်းမြစ်များ

1 Samuel 12:12

E miitsëty ko xy'ijxtë ja Nahas mnipëtë'ëka'anëtë, mëti'ipë yë Amón ja'ayëty yajkutujkpë'ajtëpën, ënätyë ojts tu'uk yë yajkutujkpë xy'amëtowtës mëti'ipë m'ënä'ämëtëpën ets wa'ats xynyijawëtë ko yë Wintsën yë'ë myajkutujkpë'ajtëp.

Ezequiel 17:13

Ënät ojts tuny tu'uk ja käjpxytyu'unën mëët tu'uk ja myaank ja Judá yajkutujkpë ets tukupëjky ja winma'any ets oy yajkutukëty ets myëët'atëp ja näwyinkutsë'ëkë ma ja Babilonyë yajkutujkpën ets tyajnëjkxtaay tsumy matsy ja ja'ay mëj'äämpyë,

1 Reyes 20:34

Tä ja Ben-adad y'ënëmaayë: Tyam jatëkok nmooytya'ajëty ja kajpn mëti'ipë ja nteetyës pyëjkëyën ja mteety; mijts oy jam mjuyëty mkëpätëty ëkë mtookëty myajkëty Damaskë, jëtu'un tä ja nteetyës jamën Samaria. Ëjts nän tyamës mijts n'ëxmatsëty, jëtu'un y'ëtsooy ja Ahab. Jëtu'un'äämpy ja Ahab tuuny ja käjpxytyu'unën mëët ja Ben-adad ets t'ëxmajtsy ets nyëjkxnë.

Jueces 21:8

¿Yaa ma ëëtsajtëmën jää jëtää pën mëti'ipë ka'ap të y'otsyën jam Mizpá Tioswintuuyë? Ënät ojts tja'amyätstë ko ja ja'ayëty mëti'ipë tsënaaytyëpën jam Jabés ma tnitänën yë Galaad, ka'ap y'ojtstë jam Mizpá ma ja nätyu'ukmukë y'ijtyën.

Génesis 26:28

Ënät y'ëtsoowtë yë'ëjëty: Ëëtsëty n'ijxtëpës jëtu'un, ko yë Tios oy tsuj mëët'atyë, paaty ëëtsëty njamay njatajtë ets jeexyë tu'uk yë käjpxytyu'unën ntu'unëmë. E ya'atë jëtu'un käjpxy tyu'unën'atëp.

Job 41:4

¿Ëkë m'ënë'ëmxëtëty ko jyëkyejpy mmëtunëtëty kë'ëyxyëëw kë'ëyjyëmëjt oy ka'ap xymyëjuyëty mapaat jyuuky'atyënë?

Éxodo 23:32

Nitiiwinma'any mëët yë'ëjëty xykyamëët'atëty ets ni yë tyiosëty.

Isaías 36:16

këtii xymyëpëktëty. Yë yajkutujkpë, Asiria ja'ay, jëtu'un m'ënë'ëmxëtë ets mëët ja tsip xykyajpx'oyëtëty ets tu'k'utëyë je'eyë mtimnyäkyë'ëyakëtëty, jëtu'unts xyjyë'kxtëty xypyëktëty ja mkë'ëmtsatym mëti'ipë të xynyiyu'ujëtën ets ja xe'enky tsya'am xyjyë'kxtëty mëti'ipë mkamjotm myaj'itëpën ets akujk jotkujk xy'uuktëty xypyëktëty ja nëë mëti'ipë të xynyipotsëtën.

Jueces 10:7

Paatykyëjxm yë Wintsën ojts tyukjot'anpëkëtë ets y'ëxmajtsëtë ma filistejë ja'ayëty ets ma Amón ja'ayëtyën.

Deuteronomio 23:3

Yë Amón ja'ayëty ets Moab ja'ayëty nijëna'a kyayajkupëktëty ma ja Wintsën ja nyaax kyajpnën, oy jyä'äjëty ja y'u'unk y'okëty mëti'ipë ënäty të nyajtsmin të nyaskä'äxëtën majk'oknipëtë'ëkë.

1 Samuel 14:47

Jëtu'un'äämpy ja Saúl jatëkok tpaty ja kyutujktakn ma ja Israel kajpnën ets janaam jatsojk ojts tsyippaaty mëët ja myëtsiptëjk: ja Moab ja'ayëty, ja Amón ja'ayëty, ja Edom ja'ayëty, ja mëjkutujkpë mëti'ipë jam ënä'ämpën Sobá ets ja filistejë ja'ayëty. Oy ma tyimtsippaty xëmë ijty myëtä'äky.

2 Samuel 10:1

Ko ja xëëw jëmëjt nyäjxy, tää ojts ja Nahas y'o'knë, mëti'ipë ënäty jam ënä'ämpën ma ja Amón ja'ayëtyën, yë kutëjkëyë ja myaank mëti'ipë xyëëwajtypyën Hanún.

2 Samuel 10:2

Ënät ja David ojts myäy tyäjy, ko näjyëtu'un t'oyjyawëja'any ja Hanún tä ja tyeety ojts y'oyjyawëtyën; paaty ja David tkejxy ja tyuunpëtëjk ets nëjkx tnijë'ë tniya'axtë ja Hanún ja tyeety ko ënäty të y'ooky; e jääts ko ja David ja tyuunpëtëjk jam jyajtë ma ja Amón ja'ayëty ja kyajpnëtyën,

2 Samuel 17:27

Ko yë David jam jyä'äjty Mahanaim, kanaak ja'ay myiintë mëti'ipë jëjpye'eytsyoowëtën ets y'ëxajëtë; miin yë Sobi, Nahas yë myaank mëti'ipë jam tso'onpën Rabá ma Amón y'itjotmën; miin näjyëtu'un yë Maquir, myaank yë Amiel, jampë kyukajpnëty Lodebar ets miin yë Barzilai mëti'ipë kukajpn'ajtpë jam Roguelim, Galaad y'itjotm.

Jeremias 40:11

Näyjyëtu'un yë jutiiyë ja'ayëty mëti'ipë jam yajpatëpën Moab, Amón, Edom ets ma wiinkëtypë kajpnën, ojts tnijawëtë ko ënäty yë yajkutujkpë të tpëjktä'äky yë Guedalías jam ënä'ämpë.

Jeremias 40:14

ets t'ënëmaaytyë: ¿Ti këtiijën xynyijawë ko yë Baalís yajkutujkpë mëti'ipë jam ënä'ämpën Amón, tëë tkexy yë Ismael ets myaj'ooka'anyë? E yë Guedalías ka'ap ojts tmëpëky.

Jueces 11:4

Nëjkxëp ojts tëkok ja Amón ja'ayëty tnitëkëtë yë Israel kajpn,

2 Samuel 2:5

Paaty ja David ojts tu'uk ja ayuk tkexy ma tääpë ja'ayëtyën ets t'ënëmaay: Yë Wintsën yë'ë mkënu'kxëtëp mëët ko ja oyjyot oywyinma'any të xyajkëxë'ëktë, ko xyajnaaxtëjkëtyë ja Saúl ja nyini'kx mëti'ipë tu'uwinwoowën.

1 Crónicas 10:11

Ko ja Jabés ja'ayëty mëti'ipë jam tsënaaytyëpën Galaad tnija'awëtyë wi'ix ënäty ja filistejë ja'ayëty ja Saúl të tuntën,

1 Crónicas 10:12

ënät ojts aakyë'ë nyäkyajpxëtë ja ja'ayëty mëti'ipë jotmëkëtyën, tääts jam tmëkäktë ja Saúl ja nyini'kx ets ja y'u'unk y'ëna'k ja jyä'äjëty ets tmënëjkxtë jam Jabés. Jamts tyajnaaxtëjkëtyë ma jam tu'uk ja xoj kepy tyänën. Ko tyajnaaxtëjkëtyääytyë, wëxtujk xëëw y'ayuu'ajtë.