1 Samuel 10:3 - Biblia Mixe de Quetzaltepec

³ E ko wäänë mjaaktu'uye'eyëty, jam ma txëëwatyën Tabor, nitëkëëk jam yë ja'ay xypyata'any mëti'ipë pa'tëjkëtyëpën Betel ets nëjkx t'ëwtata'antë yë Tios, tu'uk tmënëjkxy tëkëëk yë tsajppax, tu'uk tëkëëk yë tsajpkääky ets tu'uk yë'ë myënëjkxyp yë tsatym nyëë po'oxuyjoty.

Biblia Dc en Mixe de Quetzaltepec

³ E ko wäänë mjaaktu'uye'eyëty, jam ma txëëwatyën Tabor, nitëkëëk jam yë ja'ay xypyata'any mëti'ipë pa'tëjkëtyëpën Betel ets nëjkx t'ëwtata'antë yë Dios, tu'uk tmënëjkxy tëkëëk yë tsajppax, tu'uk tëkëëk yë tsajpkääky ets tu'uk yë'ë myënëjkxyp yë tsatym nyëë po'oxuyjoty.

1 Samuel 10:3 ပူးပေါင်းရင်းမြစ်များ

Génesis 35:3

Jam tyam nja'amëty Betel, maas tu'uk yë wintsë'këntyakn n'oytyuna'anyën etsës yë Tios nwintsë'ëkëja'any mëti'ipës ojts xypyutëkën ma ënäty mon tuk nyajpaatyësën ets mëti'ipës xëmë të xyjyämyëët'atyën oyës maa nnaxy ntëkë.

Génesis 35:1

Ënät yë Tios t'ënëmaay yë Jacob: Pëtë'ëk ets nëjkx jam mtsëënë Betel, jam xy'oytyunëty tu'uk yë wintsë'këntyakn, mëti'ipë Tios jyä'ä'atëpën, ma ojts nyänyikëxë'ëkyën ma mijtsën ko ënäty ja m'ajty Esaú xykyuke'eky.

Génesis 28:22

Ya'atë tsaa mëti'ipës yam npëjktäkpyën ijxpäjtën yë'ë, Tios jëna'a tyëjk'atëp ets xëmës nmo'oja'any tu'kpëkyjyäty ja majkpë, mijts Tios koos tii npaatëty n'ixëty, mëti'ipës ënäty mijts xymyoopyën xykyäjxpën.

Génesis 28:19

Ma tampë ja it naaxwiinyëtën tam ënäty tu'uk yë kajpn, mëti'ipë yajtijpën Luz, yë Jacob ojts ja xyëëw tyajtëkajtsë ets ojts tijy Betel.

Salmos 89:12

Mijts ojts xyajkojy yë anëkëjxytsyowpë y'ityën ets anajnytsyowpë yajpaatyën, yë Tabor kopk ets Hermón kopk, akujk jotkujk tkuuy'ëw tkuuyya'axtë yë mxëëw.

Jueces 8:18

Tääts tyajtëëy ja Zébah ets Zalmuná: ¿Ja ja'ayëty mëti'ipë jam myaj'o'ktën Tabor wi'ix ënäty y'ixë'atë? Tääts y'ëtsoowtë: Aakjëtu'un y'ixë'atë tä mijtsën, aakjëtu'un kyëxë'ëktë tä jeexyë yë yajkutujkpë teety'atën.

Jueces 4:12

E ko ja Sísara tnija'awëy, ko ja Barac tëë jam nyäpyëjktä'äkyë ma ja kopkën mëti'ipë yajtijpën Tabor,

Jueces 4:6

Tu'kxëëw tu'kjëmëjt ojts yë Débora tmëjwoy tu'uk yë ye'etyëjk mëti'ipë Barac xyëëwajtyp, yë'ë myaank yë Abinóam, jam tsyëënë Quedes mëti'ipë Neftalí ja jyä'äy ets t'ënëmaay: Yë Wintsën, Israel ja'ay yë Tyios, yë'ë tyam m'ënëmaayëp ko mnëjkxëty jam kopkjotm ma Tabor itjotën ets xyajmukëty yë ja'ay jam nimajk mil aakyë'ë Neftalí ets Zabulón yë jyä'äy.

Josue 19:22

Ja tsëpa'an jampaat ënäty nyäxy ma ja kajpn yajtijtën: Tabor, Sahasimá ets Bet-semes ets jam jyëjpkëxy ma ja Jordán mëjnëëjën. Jä'ä nyiwinë'ajty ja kajpn majkmokx tu'uk, ëpëky ja mutsk kajpnëty.

Josue 19:12

Ya'atë tsëpa'an mëti'ipë jam tso'onpën Sarid, jamtsow nyijkxy a'oytsyow, tyimja'ty ma txëëwatyën Quislot-tabor, nyäxy jam Daberat ets wyimpäjtë'ëky ma txëëwatyën Jafía.

Levitico 23:13

Nëjkxëp näjyëtu'un tyajmintë yë tsajpmokway me'eypyë mëti'ipë onmëëtën, taxk tsim ja kujkm. Ets yë'ë yë Tios yajtukwinno'okëty ets jya'tëty jam ma yë'ëjën, tä tu'uk yë xu'kën jojkënën oypyë tsujpë.

Levitico 7:13

Tu'ukyë mëët ja wintsë'kën, ko ja ja'awëkyëtakën yajtuny ets mëët yë nyiwintsë'kën ko ja nay'ëëw'oy näykyajpx'oyë yajtuny. Nëjkxëp näjyëtu'un yajyäky yë tsajpkääky ka'apë tsyooymyëëtëtyën.

Levitico 3:12

Pën myoopy yë Tios tu'uk yë tsajppax, ko tyakëty

Levitico 3:6

Pën yë'ë yë kupixyny yë Tios mtukwintsë'ëkëjantëp, mëët ko xytyuna'antë ja nay'ëëw'oy näykyajpx'oyë. Yë mwintsë'kën'atëp mëti'ipë oy mëkën ets kä'pxyën oy yë'ë yä'äypyë ëkë to'oxypyë.

Levitico 1:10

Pën Tios mtukwintsë'këtyëp yë kupixyny ëkë ja tsajppax, yë'ë myaktëp yë yä'äypyë

1 Samuel 10:4

Ënät nkajpxpo'kxa'anyë ets mäjtsk yë tsajpkääky mo'oja'anyë, m'ëxajëp.

Jeremias 32:8

Jëtu'un tä ënäty yë Wintsën të xy'ënëëmënës, ojts ja n'utyës Hanamel jyänty myiny, jamës xynyimiiny maas ënäty jam tsumy n'ityën, jam tëjk'ëkë'ëm ma ja tsiptuunpë y'itën ets xy'ënëmaayës ko naax tu'uk tyookäämpy etsës ëjts njuyëty, ja naax jam Anatot yajpaaty ma ja itjot naaxjotmën mëti'ipë yë Benjamín ja'ayëty nyitënaaytyëpën, tääpë naax kam xypyatpës ëjts njuyëty jä'ä ko winkonës ntimmyëku'uk'aty. Koos nja'akyujkëy ko Wintsën jëtu'un të tyajnikutukë,

Jueces 20:18

Tä yë Israel ja'ayëty jam tsyo'ontë ets ojts nyëjkxtë jam Betel, yë'ë nyijawëjantë pën ja Tios ënäty wyin'ijxyp ets tnitëkëty ja Benjamín ja'ayëty. Yë Wintsën yë'ë wyin'ijx yë Judá ja'ayëty ets tsyiptunëty mëët ja Benjamín ja'ayëty.

Jueces 20:27

Jä'ä xëëw jä'ä jëmëjt ja Tios ja kyaaxë, mëti'ipë yë käjpxytyu'unën myëët'ajtypyën jam ënäty yajpaaty Betel, ets Finees yë'ë ënäty teety'ajtp, yë'ë myaank yë Eleazar, y'ok'u'unk yë Aarón ets ja Israel ja'ayëty tyajtëëwtë ja Wintsën: ¿M'ëwatsyp jatëkok etsës ntsiptuntëty mëët nmëku'ukëtyës, yë Benjamín ja'ayëty, ëkë yë'ë oy koos ntimy'ëxmatstëtyë? Tä ja Wintsën y'ëtsoowëtë: Nëjkx mëët mtsiptuntë, jä'ä ko jëpom miits nyajmëta'akantëp.