1 Samuel 10:26 - Biblia Mixe de Quetzaltepec

²⁶ Ja Saúl ojts näjyëtu'un nyëjkxnë jam ma tyëjkën jam Guibeá, e yë Tios ojts tuktëkë nimäjtsk nitëkëëk yë ja'ayëty mëti'ipë jyämyëët'ajtën.

Biblia Dc en Mixe de Quetzaltepec

²⁶ Ja Saúl ojts näjyëtu'un nyëjkxnë jam ma tyëjkën jam Guibeá, e yë Dios ojts tuktëkë nimäjtsk nitëkëëk yë ja'ayëty mëti'ipë jyämyëët'ajtën.

1 Samuel 10:26 ပူးပေါင်းရင်းမြစ်များ

1 Samuel 11:4

Tä ja kukäjpxy jam jyajtë Guibeá ma ja Saúl ënäty tsyëënën ets tuknija'awëtyë ja naax kajpn mëti'ipë ënäty amay'ajtp jotmay'ajtpën. Tä ja ja'ayëty tyëjkëtyääpyë jëëpyë yaxpë.

1 Samuel 15:34

Ko jëtu'un kyijxy nyäjxy tä ja Samuel ojts jam tsyo'onë ets nyëjkxnë Ramá ets ja Saúl näjyëtu'un ojts nëjkxnë ma ja tyëjkën jam Guibeá.

Josue 18:28

Selá, Élef, Jebús, yajtijp näjyëtu'un Jerusalén, Guibeá, ets Quiriat, jä'ä nyiwinë'atë majkmajkts mëët ja myutsk kajpnëty. Ya'atë jëtu'un ja it naaxwiinyëtë mëti'ipë ojts tyuka'ajëtën ja Benjamín ja jyä'äyëty.

Hechos 13:48

Tääts ko jëtu'un tmëtoowtë mëti'ipë ka'ap jyutiis'atën, ënät xyoontaktë ets y'ënantë ko Tios ja y'aaw y'ayuk y'oyëty ets ni'ëmukë tmëpëjktë mëti'ipë ënäty ja Tios të tyuknipëjktaakëtën tpaatëty ja juukyajtën xëmëkyëjxmëpë.

Hechos 7:10

Ojts ja Tios yajpëtsëmyë amaayjoty jotmayjoty. Mooyë ja wijy'ajt kujk'ajtën ets ojts myëku'ukjawëty ja faraón mëti'ipë jap Egiptë yajkutujkpën, ets nyikajpxpäjtë näjyëtu'un kutuunk ma ja Egiptë kajpnën ets ma ja kutujkëntëjkën.

Salmos 110:3

Yë mnaax mkajpn mëj'äämpy mpëjkta'aka'anyë jä'ä xëëw ma ënäty ja mmëtsip xymyëmëtä'äkyën jam tsipjotm. Jëtu'un xëmë mnäjyawëtëty tä jeexyë m'ëna'kën winjëpom tä yë maanik kyä'äyën jopyëp jam tunkëjxm.

2 Samuel 21:6

yë'ëjës ntsojktëp etsës niwëxtujk yë jyä'äy xytyukkë'ëtëkëtëty, etsës jam ntëyë'ëktëty Wintsën wyintum jam Guibeá ma ja Saúl tnitänën, ja Saúl mëti'ipë yë Wintsën kë'ëm wyin'ijxën. Ja yajkutujkpë ojts tkupëky ja mëti'ipë yajtukmëmëtyakën,

Jueces 20:14

Ni'ikyë ojts janty nimay nyäwyoowmukëtë jam Guibeá ets tsyiptuna'antë mëët ja myëku'uktëjkëty Israel ja'ayëty.

Esdras 1:5

Ja kopktëjkëty, Judá ja'ayëty ets Benjamín ja'ayëty, ja teetytyëjkëty ets ja Leví ja'ayëty, mëti'ipë ja Wintsën të myëkajpxëtën, jotkujk ojts nyäyjyawëtë, ënät tuknipëjktakëtyë nyëjkxa'antë jam Jerusalén, ja Tsajptëjk kyoj'oyëjantëp, mëti'ipë ja Wintsën tyëjk'ajtypyën.

1 Samuel 13:2

ko nitëkëëk mil twin'ijxy ja tsiptuunpëtëjk ma ja Israel ja'ayëtyën. Nimäjtsk mil ojts tmëwë'ëmy jam Micmás ets ma ja kopkjotmën mëti'ipë yajtijpën Betel. E ja nitu'kmil yë'ë ojts mëët wyë'ëmtë ja Jonatán jam Guibeá ma ja Benjamín ja jyä'äy tnitänën. E ja mëti'ipë ka'ap yajwin'ijxtën ojts ja yajkäjxta'atë ma jyëën tyëjkëtyën.

Isaías 10:29

tëë nyëënaxy, jam të myaawë'ëmy Gueba; tsë'këtëp yë Ramá ja'ayëty, ja Saúl ja jyä'äy tëë kyäkta'atë.