1 Samuel 10:22 - Biblia Mixe de Quetzaltepec

²² Tä ojts ja Wintsën tmëkajpxtë ets tnijawëja'antë pën ja Saúl jam yajpaaty. Ënät Ja Wintsën y'ëtsoowinpijty ko ja Saúl tam ja ënäty yajpaaty je'eyëp ko tëë ënäty nyäyu'utsyë ma ja xyuumy tyaj'itën ja mayjyä'äyëty.

Biblia Dc en Mixe de Quetzaltepec

²² Tä ojts ja Wintsën tmëkajpxtë ets tnijawëja'antë pën ja Saúl jam yajpaaty. Ënet Ja Wintsën y'ëtsoowinpijty ko ja Saúl tam ja ënety yajpaaty je'eyëp ko tëë ënety nyäyu'utsyë ma ja xyuumy tyaj'itën ja mayjyä'äyëty.

1 Samuel 10:22 ပူးပေါင်းရင်းမြစ်များ

Jueces 20:18

Tä yë Israel ja'ayëty jam tsyo'ontë ets ojts nyëjkxtë jam Betel, yë'ë nyijawëjantë pën ja Tios ënäty wyin'ijxyp ets tnitëkëty ja Benjamín ja'ayëty. Yë Wintsën yë'ë wyin'ijx yë Judá ja'ayëty ets tsyiptunëty mëët ja Benjamín ja'ayëty.

Números 27:21

Yë Josué nëjkxëp kë'ëm nyäwya'këxë'ëkyë ma teety Eleazarën. E yë Eleazar yë'ë kyajpxkëxë'ëkëp maas ëjtsën mëët yë Urim. Josué yë'ë nëjkx tni'ënä'ämë tii mëpaat tuntën yë Israel ja'ayëty.

Lucas 14:11

Pën nämyëjpëjktakëp kë'ëm, yë Tios mutsk yajnaxa'anyë, pën yu'unk naxym näpyëjktakëp, mëj'äämpy yë Tios yajnaxa'anyë.

1 Samuel 15:17

Tä ja Samuel y'ënëmaayë: ¿Ti këtiijën ënäty mnätyijyë ko mijts ka'ap tii xykyëjxmëtyë? tyam ënä'ämpë myajpatnë ma Israel ja'ayëtyën, ko ja Wintsën mpëjktakë ets myajkutukëty.

1 Samuel 9:21

Tä ja Saúl y'ëtsooy: Wi'ix koo, ëjts Benjamínkës n'ap'ajtyp, ka'apë nëkooyë yë jyä'äy nyimayëtyën. Ëjts yë nteety ntaakës ëyoowtëp yë'ë, ets aakjëtu'un yë Benjamín yë jyä'äy. ¿Wi'ix koos jëtu'un xy'ënëëmë?

Jueces 1:1

Ko ja Josué y'o'ky, ënät ojts yë Wintsën tyajtëwtë, pën jëyëjp nyitëkëp ja Canaán ja'ayëty.

Génesis 25:22

E jä'ä ko nimäjtsk ënäty jap ja pi'k'ëna'k jyootjoty y'ëtë'ëtstë y'ëna'antë, ënät yë Rebeca ojts myäy tyäjy ets y'ënäny: ¿Pën tyaapë jëtu'un jyata'any kyëpäta'any, wi'ix ko njaakjuuky'atëtyës? Ënät ojts yë Rebeca yë Tios nyätyuk'ixyë ets ojts tmëkäjpxy ja Wintsën.

1 Samuel 10:21

Ënät t'ënëmaay ja Benjamín ja jyä'äyëty ets jyaak mëjwa'aktëty jawäänë, e ko ja xyëëw pyo'o yaj'ijxpëtsëëmy yë'ë ojts tyuka'ayë ja Matrí jyiiky myëku'uk, e ko jatëkok ja xyëëw pyo'o yaj'ijxpëtsëëmy, yë'ë ojts tyukjka'ayë ja Saúl ja myaank yë Quis. Tääts t'ijxtaaytyaktë ets kamaa tkapatë.

1 Samuel 14:37

Ënät ja Saúl tyajtëëy ja Tios: ¿Oy'atëp koos nitëkëty yë filistejë ja'ayëtyë? ¿Mkë'ëyakëp ma Israel ja'ayëtyënë? E ja Wintsën ka'ap ojts y'ëtsoy jä'ä xëëw.

1 Samuel 22:10

Yë Ahimélec tëë yë Wintsën tmëkäjpxy mëët ja David kyëjxm, tëë näjyëtu'un tmo'oy yë jë'kx pëky ets ja Goliat ja yenypyujxn.

1 Samuel 23:9

Ko ja David tnija'awëy ko ja Saúl nyimina'anyë ets myatsa'anyë, ënät t'ënëmaay ja teety Abiatar ets tmëminëty ja efod, tääts t'ixëty wi'ix ja Wintsën y'ënä'äny.

1 Samuel 30:7

Tä t'ënëmaay ja teety Abiatar, ja myaank ja Ahimélec: Tun yë mëyajtën yajminy ja efod. Ko ja Abiatar jam tmëmiiny ja efod ma ja Davidjën,

1 Samuel 30:8

tääts ja David tyajtëëy: ¿Oypyëtsëmëp Koojës nëjkx n'ijxjëtity npajëtity tääpë mä'tspëtyë? ¿Mëta'akëpës jëtääjë ets naspaatëpësë? Ets ja Wintsën y'ëtsooy: Panëjkx ets xynyajtspaatëty ets yajtso'ok ja tsumjyä'äytyëjkëty.

2 Samuel 2:1

Ko jëtu'un y'ëktuun y'ëkjajtë, yë David ka'ap ojts jëtu'unyë wyi'imy, ojts ja Wintsën tyajtëy, t'ënëmaay: ¿Wi'ix m'ëwatsyp etsës muum nëjkxëty kajpntumë? Tä ja Wintsën y'ëtsoowë: Ëjts n'ëwatsypës ets muum kajpntum mnëjkxëty. Tä ja David jatëkok tyajtëëy: ¿E maakajpn xy'ëwa'atsy nëjkxëtyës? Tä ja Wintsën y'ëtsooy: Jam mnëjkxëty Hebrón.

2 Samuel 21:1

Ma ja David ënäty y'ëne'emyën, ojts jam yë yuu xëëw y'ity tëkëëk jëmëjt. Ënät yë David ojts yë Wintsën tuk'ëwaanë ets y'ëtsoowë: Yë yuu xëëwpaaty yë jyää'aty, jä'ä ko yë Saúl ojts nanëkoo may tyaj'ooky yë Gabaón ja'ayëty.