1 Samuel 10:20 - Biblia Mixe de Quetzaltepec

²⁰ Tä ojts ja Samuel tni'ënä'ämë ets ja ja'ayëty wyinkontëty tu'kkajpnjaty. E yë'ë ojts tyuka'ayë ja Benjamín ja jyä'äy.

Biblia Dc en Mixe de Quetzaltepec

²⁰ Tä ojts ja Samuel tni'ënä'ämë ets ja ja'ayëty wyinkontëty tu'kkajpnjaty. E yë'ë ojts tyuka'ayë ja Benjamín ja jyä'äy.

1 Samuel 10:20 ပူးပေါင်းရင်းမြစ်များ

1 Samuel 14:41

Ënät ja Saúl ojts tyëkë waantsoow pëjktsoowpë ets y'ënäny: Wintsën Tios, mëti'ipë yajpatpën ma Israel ja'ayëtyën, ¿Wi'ix ko tyam ka'ap xy'ëtsoy yë mtuunpë? Pën ëjts pokymyëët ëkë yë'ë nmaankës Jonatán, ko ënät yaj'ixy ja xyëëw pyo'o Urim ënät ka'ajëp; e pën yë'ëts yë naax kajpn yë poky myëët'ajtyp, ko ënät yë xyëëw pyo'o yaj'ixëty yë'ë ënät ka'ajëp yë Tumin. E ko ja xyëëw pyo'o yaj'ijxpëtsëëmy yë'ë ojts tyuka'ayë ja Jonatán ets Saúl ets ja naax kajpn ojts ëwaatsëtuuy wyi'imy.

1 Samuel 10:19

E tyam m'ixtijnëtëp ja Tiosnë mëti'ipë të mjuutëtën ma ënäty ja amay jotmay xymyëët'atën. Yë'ë jëtu'un m'ixtijtëp ko miits tu'uk yë yajkutujkpë xy'amëtowtë mëti'ipë m'ënä'ämëtëpën. E paaty ënät tyam n'ënëëmëtë ets xywyinkuwa'akëtëty yë Wintsën tu'kkajpnjaty ets tu'kja'ayjyäty.

1 Samuel 10:21

Ënät t'ënëmaay ja Benjamín ja jyä'äyëty ets jyaak mëjwa'aktëty jawäänë, e ko ja xyëëw pyo'o yaj'ijxpëtsëëmy yë'ë ojts tyuka'ayë ja Matrí jyiiky myëku'uk, e ko jatëkok ja xyëëw pyo'o yaj'ijxpëtsëëmy, yë'ë ojts tyukjka'ayë ja Saúl ja myaank yë Quis. Tääts t'ijxtaaytyaktë ets kamaa tkapatë.

1 Samuel 14:38

Paaty yë Saúl y'ënäny: Mëjwa'aktë yaa miitsëty ninu'un xynyiwintsën'atën yë tsiptuunpëtëjkëty ets xypyaye'eytyëty pën të pyokytyuny.

2 Samuel 3:19

Abner ojts näjyëtu'un mëët myëtyä'äky ja Benjamín ja jyä'äyëty, ko jëtu'un myëtyaktaaytyë tä ojts jam nyijkxy Hebrón ets ja David tukmëmëtyaka'any wi'ix ënäty ja Israel ja'ayëty ets ja Benjamín ja jyä'äyëty të y'ëtsowtën.

Jonás 1:7

E ja ja'ayëty mëti'ipë yajye'eytyëpën ja kepy nëëwinye'epyë, jëtu'un nyäy'ënanëtë nixim niyam: Tsojk n'ijxpëtsë'ëmëmë suertëjoty ets nija'awëmëty pën yë poky myëët'ajtyp ko ya'atë ëyo'on tyunyë jyätyë. Ënät t'ijxpëtsëëmtë suertëjoty, Jonás ojts tyuka'ayë ja suertë, yë'ëtëm ënäty pokymyëët.

Deuteronomio 33:12

Ënät ojts tkënu'kxy yë Rubén mëët ya'atë aaw ayuk: Mëët yë'ë ko Wintsën tsyoky jyawë jotkujk mjuuky'atëty. Mëti'ipë myëët'ajtypyën mëk'ajtën, yë'ë xëmë mkëwent'atanëp. Yë'ë mkuwa'anëtëp xëmë mapaat mjuuky'ätyën.