1 Samuel 1:9 - Biblia Mixe de Quetzaltepec

⁹ Tëkok, jam ënäty Siló yajpaatë, tääts yë Aná ajotkumonë y'ëxwä'ätsë'ky, tëë ënäty kyääytya'atë. Ja teety Eli jam ënäty y'u'unyë tsajptëjk ëkë'ëm sillë këjxm.

Biblia Dc en Mixe de Quetzaltepec

⁹ Tëkok, jam ënety Siló yajpaatë, tääts yë Aná ajotkumonë y'ëxwä'ätsë'ky, tëë ënety kyääytya'atë. Ja teety Eli jam ënety y'u'unyë tsajptëjk ëkë'ëm sillë këjxm.

1 Samuel 1:9 ပူးပေါင်းရင်းမြစ်များ

2 Samuel 7:2

ënät t'ënëmaay ja Natán, mëti'ipë y'akäjpxypën ja Wintsën ja y'aaw y'ayuk: Ijxtëm xy'ixyën, ëjts janty oyës ja njëën ntëjk mëti'ipës ntuktsëna'ayëpën, tu'uk ja kutujkëntëjk mëti'ipë mëët y'oytyunyëtyën ja oytsyaa oy kepy. E tyamts ja Wintsën ja kyaaxë jap ja y'ijtpë muum ma tëjkën je'eyëpë naxo'omyën ëkë natëypyë mëët ja wit.

Salmos 27:4

Tu'uk je'eyë mëti'ipës n'amëtoopyën yë Wintsën, tu'uk je'eyë mëti'ipës ntsojkën'ajtypyën. Yë'ë koos xëmë n'itëty ma Wintsën yë tsyajptëjkën mapaatës njuuky'ätyën, ets n'ëwtata'any etsës n'ixa'any yë y'oyajtën.

Salmos 29:9

Yë Wintsën yë y'aaw y'ayuk xyijt yu'kxp yë xoj kepy ëyätyëtypë, ets yukjot jëtu'unyë tyajwë'ëmy winwa'ats naax. Ma tsyajptëjkën, tëkokyë ja'ayëty aakyë'ë wintsë'këyëp.

Salmos 5:7

E ëjts mëëtkyëjxm koos xytsyoky xyjyawë, jyëkyejpyës ntëkëty ma ja mtsajptëjkën; njëkyejpy mijts n'ëwtat nmënu'kxta'akëty mëët tu'kë'ëyë ja winkutsë'kën, ets jamës ja njot nwinma'any mpëjktä'äky ma mtsajptëjkën.

Éxodo 21:6

Ënät ja wintsën tmënëjkxëty ja tyuunpë jam Tios wintum ets jam tyajmëjwa'kpätëty ma ja tyëjk'aawën ets tyajjujtëty yë tyatsk mëët tu'uk yë xu'uny, jëtu'un wyë'ëmnëty xëmëkyëjxm ma yë'ëjën.

1 Samuel 1:10

Ko yë Aná jyä'äjty jam ma tsajptëjkën, tääts tyëjkëy jëëpyë yaxpë, moonpë tujkpë ets kajpxtakpë, tmëpëjktsoy ja Wintsën.

1 Samuel 3:15

Ko kyajpxtaay ja Wintsën, ënät ojts ja Samuel jatëkok nyäkyo'okyë, jëtu'un ojts xyinyënë, jopyëp ojts tyaj'ëwatskojy yë Samuel ja tëjk'akë'ë ma ja tsajptëjkën. Samuel tsë'këp jä'ä, ka'ap tukmëmëtya'aka'any ja Eli mëti'ipë të t'ijxyën kuma'ayjoty.

1 Samuel 3:3

Yë Samuel jap ënäty myä'äy ma ja Tios ja jyëën tyëjkën winkon ma y'ityën ja kaaxë mëti'ipë yë Tios jyä'ä'ajtypyën ets ma ja jëën tyi'kxyën.

1 Samuel 4:13

Ko jam jyä'äjty, yë Eli jam ënäty y'u'unyë tsajptëjk ëkë'ëm ma tu'uk yë mëj sillën, yë kyëwen'ajtyp ja në'ë tu'u, jä'ä ko janty määpy janty tajp ënäty mëëtpë ja Tios ja kyaaxë. Ko tääpë ja tsiptuunpë tuk'ëwa'anëy ja naax kajpn mëti'ipë ënäty të tyuny të jyätyën, ënät ja ja'ayëty ojts tyëkëtë yaxpë jojkpë jampë tsyëënëtën.