1 Samuel 1:3 - Biblia Mixe de Quetzaltepec

³ Jëmëjt jëmëjt yë Elcana ijty jam nyijkxy Siló ets ja Tios nëjkx t'ëwtaty ets tmo'oy ja wyintsë'kën. Jam Siló ijty tyuntë nimäjtsk ja myaank ja Elí mëti'ipë teety'ajtëpën: Tu'uk txëëwaty Ofní ets tu'uk Finees.

Biblia Dc en Mixe de Quetzaltepec

³ Jëmëjt jëmëjt yë Elcana ijty jam nyijkxy Siló ets ja Dios nëjkx t'ëwtaty ets tmo'oy ja wyintsë'kën. Jam Siló ijty tyuntë nimäjtsk ja myaank ja Elí mëti'ipë teety'ajtëpën: Tu'uk txëëwaty Ofní ets tu'uk Finees.

1 Samuel 1:3 ပူးပေါင်းရင်းမြစ်များ

Salmos 78:60

ojts t'ëxmatsy ja tsyajptëjk mëti'ipë jamën Siló, mëti'ipë ënäty tyëjk'ajtypyën ma ja naaxwiinyëtë ja'ayëtyën.

Éxodo 23:14

Tëkëëk'ok tu'kjëmëjtpë xynyixëëwtuntëtyës.

Éxodo 23:17

Tëkokyë yë ye'etyëjktëjk tëkëëk'ok mëpaat jam nyäwya'këxë'ëkëtë tu'kjëmëjtpë ma Tiosën.

Éxodo 34:23

Tëkokyë yë ye'etyëjktëjk tëkëëk'ok tu'kjëmëjtpë jam nyäwya'këxë'ëkëtëty ma Wintsënën, mëti'ipë yë Israel ja'ayëty Tyios'ajtëpën.

Lucas 2:41

Winjëmëjt ja Jesús ja tyaak tyeety ijty nyëjkxtë jam Jerusalén ko ëmaayxyëëw tpaaty.

Deuteronomio 16:16

Tu'kë'ëyë ye'etyëjktëjk tëkëëk'ok jam nyäwya'këxë'ëkëtëty Wintsën wyintum tu'kjëmëjtpë. Jam ma ja it naaxwiinyëtën mëti'ipë ënäty yë'ë kë'ëm të twin'ixyën. Jää nëjkx jam nyäwya'këxë'ëkyë ma ënäty ja tsajpkääky ka'apë tsyooymyëëtëtyën yajnixëëwtunyën, ma yajnixëëwtunyën ja pëjktä'äky wëxtujk sëmaan ets ma yajnixëëwtunyën ja tëjk nixo'omy. Ni pën tkajëkyepy tninëjkxëty ja Wintsën jëtu'unyë ets ka'ap tii tmënëjkxëty ets tukwintsë'ëkëty.

Josue 18:1

Ja Israel ja'ayëty jam ojts jya'ajtmujkta'atë Siló ets jam tkoja'antë ja Wintsën ja wyittëjk ma mëët ja näpyaatë y'ityën. Ja naaxwiinyëtë jampë yajpaatyën oy ënäty të tjajä'äpëjkta'atë,

Jueces 18:31

Ma yë'ëjëtyën jam ojts ja Micaías ja kyepy tsyetsy jeky y'ity, mapaat ja Wintsën ja jyëën tyëjk yajpatyën jam Siló.

Jueces 21:19

E jamts Siló, winjëmëjt jam yë ja'ay xyëëwtuntë, ma tmëjjawëtën yë Wintsën Tios yë xyëëw, ya'atë kajpn jam yajpaaty anëkëjxmtsow ma Betel, a'oytsyow ma tu'ujën mëti'ipë tso'onpën Betel ets jyä'ty Siquem ets apa'tkë'ëmtsow ma ja it naaxwiinyëtë wyi'imyën mëti'ipë xyëëwajtypyën Leboná.

1 Samuel 1:21

Ënät ja Elcana ojts kom jëmëjt jam nyijkxy Siló mëët tëkokyë ja y'u'unk tyo'oxytyëjk ets ja wyintsë'kën tyaka'any mëti'ipë winjëmëjt yäjkpyën.

1 Samuel 1:9

Tëkok, jam ënäty Siló yajpaatë, tääts yë Aná ajotkumonë y'ëxwä'ätsë'ky, tëë ënäty kyääytya'atë. Ja teety Eli jam ënäty y'u'unyë tsajptëjk ëkë'ëm sillë këjxm.

1 Samuel 14:3

Ja ja'ay mëti'ipë teety'ajtpën jä'ä jëmëjt jä'ä txëëwaty Ahías, yë'ë myaank yë Ahitub ets tsyojkmaank yë Icabod. Yë Icabod yë'ë tyeety'äjtyp yë Finees, yë y'ok'u'unk yë Eli, ja Wintsën ja tyuunpë, jampë tyunyën Siló. Ja ja'ayëty ka'ap ojts nija'awëtë ko ja Jonatán tsyo'ony.

1 Samuel 2:19

E winjëmëjt, ko ijty ja tyaak nyijkxy mëët ja nyiye'etyëjk jam ma tsajptëjkën, xëmë ijty tmëminy tu'uk ja nijän mëti'ipë kë'ëm yajkojpyën ets ja myaank tmo'oy.

1 Samuel 2:34

Yë'ë nëjkx xytyuk'ixy wi'ix nimäjtsk ja maank y'ooka'antën mëti'ipë xyëëwajtëpën Finees ets Hofní ets nimäjtsk nëjkx tyim'ooktë jä'ä xëëw.

1 Samuel 3:13

Tëës ntuk'ëwaanë ko ntëytyunäämpyës yë y'u'unk tyo'oxytyëjk, mëët ja nëë poky mëti'ipë tyuuntëpën; jä'ä ko ja y'u'unk y'ëna'k ëxëëkjatyës të xytyijtë ets yë'ë ka'ap tuk'ojy.

1 Samuel 4:11

Ojts näjyëtu'un tjä'äpëktë ja Tios ja kyaaxë ets tyaj'o'ktë näjyëtu'un ja Ofní ets Finees mëti'ipë myaank'ajtypyën ja Eli.

1 Samuel 4:4

Ënät ja Israel ja'ayëty tkäjxtë ja tsiptuunpë nikanaak jam Siló ets tyajmintëty ja kaaxë mëti'ipë ja käjpxytyu'unën myë'ijtypyën mëti'ipë ja Wintsën, mëti'ipë maaytyääyëpën jyä'ä'ajtypyën. Jam ënäty yajpaaty itkujky ma ja Wintsën ja kyukäjpxy y'itën mëti'ipë xyëëwajtëpën querupines. Ojts myintë ja Ofní ets ja Finees, ja nimäjtskpë ja myaank ja Eli, jä'ä pyamiintë ja Tios ja kyaaxë mëti'ipë ja käjpxytyu'unën myë'ijtypyën.