1 Samuel 1:19 - Biblia Mixe de Quetzaltepec

¹⁹ Komjëpom, ko ja Wintsën t'ëwtajtaaytyë, ënät ojts tsyo'onëtë ets nyëjkxnëtë jam Ramá ma ja tyëjkëtyën. Ko ja Elcana tmëëtko'knaay ja tyo'oxytyëjk Aná, ënät ja Aná ojts u'unk mëët wyi'imy. Jä'ä ko ja Wintsën ënäty të tpëjktsoy.

Biblia Dc en Mixe de Quetzaltepec

¹⁹ Komjëpom, ko ja Wintsën t'ëwtajtaaytyë, ënät ojts tsyo'onëtë ets nyëjkxnëtë jam Ramá ma ja tyëjkëtyën. Ko ja Elcana tmëëtko'knaay ja tyo'oxytyëjk Aná, ënät ja Aná ojts u'unk mëët wyi'imy. Jä'ä ko ja Wintsën ënety të tpëjktsoy.

1 Samuel 1:19 ပူးပေါင်းရင်းမြစ်များ

Génesis 21:1

Jëtu'un ijxtëm ënäty yë wyaantakën yë Wintsën, ojts tni''ijxkëtä'äky yë Sara ets ojts tkuuytyuny ijxtëm ënäty të y'ënä'änyën.

1 Samuel 1:11

Ets ja wyaantakën tpëjktäky, t'ënëmaay ja Wintsën: Wintsën mëti'ipë maaytyääyëpën winë; pën mijts mpa'ëyoopy mnajts'ëyo'owëp ya'atë mtuunpë ets xyjyä'ämyäjtspës koos xymyo'ojëty tu'uk yë u'unk maay, ëjts nkë'ëyakëpës yë'ë ma mijtsën ets mëtunëtëty ets ka'ap ja kyuwaay nëjkx yajkeepy, yë'ë yajtuk'ixëp ko ënäty mijts të ntukmëyoxy.

Génesis 30:22

E yë Tios ko tja'amyejtsy yë Raquel ets ko ënäty yë nyu'kxtakën të tmëtoowë, ënät ojts t'a'ixë ets Raquel tu'uk yë u'unk tyajminëty naaxwiiny.

Génesis 4:1

Yë ye'etyëjk ojts mëët nyäpyuwa'akëty ja tyo'oxytyëjk Eva ets ojts ja tyo'oxytyëjk wyi'imy u'unk mëët. Jëtu'un tyajmëxu'unk'ajty tu'uk ja y'u'unk mëti'ipë xyëëwmooyën Caín. Ets y'ënäny: Tiosës tu'uk yë u'unk maay të xymyo'oy ye'etyëjkpë.

Lucas 23:42

Ok jyaak'ënany: Jesús, xyjyä'ämyätsëpës ko myajkutujktsoonëty.

Marcos 1:35

Jopyëp, tsojk ojts ja Jesús myä'äypyëti'iky ets tsyo'ony jam kajpnjotm, Tääts ojts nyijkx Tios mëkajpxpë të'ëts'itjotm,

Salmos 119:147

Maanëm ka'ap xyiintyä'äkynyëm, jääjës npëtë'ëky ets n'amëtoy npëjktsoyës yë mputëjk mpupäjtën, ëjts n'a'ijxyp njëjp'ijxypyës ja mëti'ipë të xywyinwanën.

Salmos 55:17

Jopyëp, kujkxyëëw ets uxëp një'ëja'any nya'axa'anyës, ets yë'ë myëtowäämpy.

Salmos 25:7

ka'ap xyjyä'äymyätsëty ja nnëë npokyës ets oyës tii të ntuuntëkoy të nkajpxtëkoy koos të n'ëna'k'aty. Wintsën, ja'amyäjtskës koos xytsyoky xyjyawë ets ko xymyëët'aty ja oyjyot oywyinma'any.

1 Samuel 9:26

Ko ojts kyootsënë tä ja Saúl nyäkyo'kënë. Komjëpom tä ja Samuel pyejty jap tëjkkëjxy ets tyujxy ja Saúl ets t'ënëmaay: Pëtë'ëk ets mnëjkxëty. Tääts nimäjtsk pyëtsëëmtë jap tëja'p, yë'ë Samuel mëët yë Saúl.

Génesis 8:1

Ënät yë Tios ojts tja'amyetsy ja Noé ets ja jëyujkëty jënu'un ënäty jap yajpaatën mëët ja Noé ma kepy nëëwinye'epyën. Tääts tyajpëtsëëmy yë jëënpoj naaxwiiny ets ojts ëka'any ja nëë jyënajktsoony.

Salmos 136:23

Mëti'ipë ënätyë xyjyä'ämyäjtsëmën ko ënäty ënu'kxë nyajpatëmë, jä'ä ko yë tsyojkën jya'awën winë xëëw winë jëmëjt yë y'ijtëy.

Salmos 5:3

Tsojk xymyëtoow'ita'any yë n'aaw nyo'knës. Jopy jopy ntuk'ëwa'anëkyojy yë n'amay njotmayës, ets ënät n'a'ixy njëjp'ixyës ja m'ëtsoowinpijtën.

1 Samuel 2:11

Ënät ja Elcana ojts wyimpijnë, nyëjkxnë jam Ramá ma ja jyëën tyëjk tmëët'atyën, e ja myaank Samuel ojts jam wyë'ëmnë Siló ma ja tsajptëjkën ets ja Wintsën je'eyë tu'ukyë timmyëtunanë, yë'ë ojts kyë'ëwë'ëmëty yë Eli.

1 Samuel 1:1

Jam ma tu'uk yë it naaxwiinyëtën ma ja kopkjotmën mëti'ipë Efraín ja'ay nyitënaaytyëpën, jam Ramá, jam ijty tu'uk yë ja'ay tsyëënë, yë'ë Suf yë myëku'uk, Elcana xyëëwajtyp. Yë'ë myaank yë Jeroham ets y'ok'u'unk yë Elihú. Yë y'apteety jä'ä ijty xyëëwajtyp Tohu, yë'ë myaank yë Zuf, yë'ë jyä'äy yë Efraín.

1 Samuel 7:17

Ko tyajwintu'upëjktaay tääts ijty jatëkok jam wyimpity Ramá ma ja y'ijtaknën ets ijty t'ëne'emy tëkokyë ja Israel kajpn. Ojts jam näjyëtu'un tyajkojy tu'uk yë wintsë'këntyakn mëti'ipë yë Wintsën tyukyajnikojëyën.

Josue 18:25

Ëpëky ja kajpn mëti'ipë xyëëwajtëpën Gabaón, Ramá, Beerot,

1 Samuel 8:4

Ënät ja mëjja'aytyëjk ojts ye'eymyuktë ets ojts tninëjkxtë ja Samuel jam Ramá, tääts mëët myëtya'aka'antë

1 Samuel 15:34

Ko jëtu'un kyijxy nyäjxy tä ja Samuel ojts jam tsyo'onë ets nyëjkxnë Ramá ets ja Saúl näjyëtu'un ojts nëjkxnë ma ja tyëjkën jam Guibeá.

1 Samuel 16:13

Tä ja Samuel tu'ktsim yë on tpëjkë'ky. Ja nëë jëtu'unpë kyëxë'ëkyën waay tsyooyën ets tukuja'axy ja David tam ënäty ja myëkä'äxtëjk y'ixëtë. Ko jëtu'un tyuunë jyajtë, ënätyë ja Wintsën ja myëk'ajtën y'oyajtën tyukëtakë. Ok ja Samuel ojts tsyo'onë ets nyëjkxnë jam Ramá.

1 Samuel 19:18

Jëtu'un'äämpy ojts ja David kye'eky. Jam ojts nyijkxy Ramá ma jam ja Samuel ënäty yajpaatyën ets tukmëmëtyaktaay wi'ix ënäty ja Saúl të jyayaj'ooka'anyën. Jamts tsyo'ontë yë David mëët yë Samuel ets ojts nyëjkxtë jam Naiot tsënääpyë.

1 Samuel 25:1

Ko ja Samuel y'o'ky, wa'ats ja Israel ja'ayëty nyiye'eypyäjtaaytyë ets tnijëëy tniyaxtë. Jam tyajnaaxtëjkëtyë tyëkotm ma txëëwatyën Ramá. Ko jëtu'un kyijxy nyäjxy jam ojts ja David nyëjkxnë ma ja të'ëts'itjotm txëëwatyën Parán.

2 Reyes 4:17

E timjëtu'un tä ënäty ja Elisejë të y'ënë'ëmxëtyën, jëtu'un ojts jyänty tyuny jyänty jyätyë, ojts u'unk mëët wyi'imy, kom jëmëjt tä tyajmiiny naaxwiiny ja u'unk maay.