1 Samuel 1:1 - Biblia Mixe de Quetzaltepec

¹ Jam ma tu'uk yë it naaxwiinyëtën ma ja kopkjotmën mëti'ipë Efraín ja'ay nyitënaaytyëpën, jam Ramá, jam ijty tu'uk yë ja'ay tsyëënë, yë'ë Suf yë myëku'uk, Elcana xyëëwajtyp. Yë'ë myaank yë Jeroham ets y'ok'u'unk yë Elihú. Yë y'apteety jä'ä ijty xyëëwajtyp Tohu, yë'ë myaank yë Zuf, yë'ë jyä'äy yë Efraín.

Biblia Dc en Mixe de Quetzaltepec

¹ Jam ma tu'uk yë it naaxwiinyëtën ma ja kopkjotmën mëti'ipë Efraín ja'ay nyitënaaytyëpën, jam Ramá, jam ijty tu'uk yë ja'ay tsyëënë, yë'ë Suf yë myëku'uk, Elcana xyëëwajtyp. Yë'ë myaank yë Jeroham ets y'ok'u'unk yë Elihú. Yë y'apteety jä'ä ijty xyëëwajtyp Tohu, yë'ë myaank yë Zuf, yë'ë jyä'äy yë Efraín.

1 Samuel 1:1 ပူးပေါင်းရင်းမြစ်များ

1 Reyes 11:26

Näyjyëtu'un yë Jeroboam, yë myaank yë Nabat, ojts tmëtsiptsoony ja yajkutujkpë. Jeroboam yë'ë ënäty mëët tyuunmuky yë Salomón ma jam yajkutukyën, jam ja kajpn t'atänë Seredá ma ja Efraín ja'ay tsyëënëtën. Yë'ë tyaak'ajt tu'uk ku'ookytyo'oxy mëti'ipë xyëëwajtypyën Zerúa.

1 Crónicas 6:12

Ahitub yë'ë teety'ajtë Sadoc, Sadoc yë'ë teety'ajtë Salum,

1 Crónicas 6:22

Ko yë Quehat yi'iyë y'u'unk y'ëna'k yajnikäjpxy jä'ä xyëëwajtë, Aminadab, Coré, Asir, Elcana, Ebiasaf, Asir, Tahat, Uriel, Uzías ets Saúl.

1 Crónicas 6:33

Ja mëti'ipë jam yajpatëpën mëët ja y'u'unk y'ëna'k yë'ë ënäty jam'ajtëp ja Quehat y'u'unk y'ok. Yë Hemán, yë'ë tyeety'ajt Joel; e yë Joel, yë'ë tyeety'ajt Samuel,

1 Crónicas 6:34

Samuel yë'ë tyeety'ajt Elcana, Elcana yë'ë tyeety'ajt Jeroham, Jeroham yë'ë tyeety'ajt Eliel, Eliel yë'ë tyeety'ajt Toa,

Mateo 27:57

Ko ojts tsyu'ujënë, ënät myiiny tu'uk ja kumeenyjyä'äy, José xyëëwajtyp, Arimatea ja'ay, mëti'ipë ënäty näjyëtu'un ja Jesús myëpëjkpyën.

Josue 24:33

Ko y'o'ky yë Eleazar, Aarón yë y'u'unk, jam tyajnaaxtëjkëtë tunkëjxm ma ja nyaaxjotmën yë myaank Finees, mëti'ipë yajmooyën, jampë tunjotm kopkjotm yajpaatyën mëti'ipë yë Efraín nyitënääpyën.

Jueces 12:5

Yë Galaad ja'ayëty yë'ë ojts tniwa'aktë ja ta'akkam mëti'ipë jamën nëë''ëkë'ëm ma Jordán nëëjën, tääpë ta'akkam yë'ë ijty nyitënaaytyëp yë Efraín yë jyä'äyëty. Paatykyëjxm ko ja Efraín ja'ayëty jam kyäktë tsipjotm ets jyanaxantë, jëyëjp tyajtëëwtë, ¿mijts yë'ë mja'ay'ajtëp yë Efrainkë? E ko y'ëtsoy ka'ap,

Jueces 17:1

Jam ma ja kopkjotmën mëti'ipë yë Efraín jyä'äy nyitënääpyën, jam ijty tu'uk yë ja'ay tsyëënë jä'ä xyëëwajtyp Micaías.

Jueces 19:1

Jä'ä xëëw jä'ä jëmëjt ma ënäty ja Israel ja'ayëty ka'ap tmëët'atënëm yë yajkutujkpë, tu'uk yë Leví ja'ay jam kyukajpnëty ma ja naax kajpnën, ma Efraín ja jyä'äy tnitänën. Ojts tu'uk yë to'oxytyëjk mëët nyäpyuwa'akëty mëti'ipë jam kukajpn'ajtpën Belén ma Judá ja jyä'äy tnitänën.

Jueces 4:5

Ya'atë to'oxytyëjk Débora winjëpom ijty jam yajpaaty ma tu'uk yë palmëkepyën ma Efraín yë jyä'äyëty yë y'itjotmën, itkujky ma Ramá mëët yë Betel nyämyëwinkon'atyën, jamts ja Israel ja'ayëty ja y'amay jyotmay tmënëjkxtë ets ja Débora tyaj'oyë.

Rut 4:22

Obed xyëëwajt yë tyeety yë Jesé, Jesé xyëëwajt yë tyeety yë David.

1 Samuel 1:19

Komjëpom, ko ja Wintsën t'ëwtajtaaytyë, ënät ojts tsyo'onëtë ets nyëjkxnëtë jam Ramá ma ja tyëjkëtyën. Ko ja Elcana tmëëtko'knaay ja tyo'oxytyëjk Aná, ënät ja Aná ojts u'unk mëët wyi'imy. Jä'ä ko ja Wintsën ënäty të tpëjktsoy.

1 Samuel 17:12

Jä'ä jëmëjt ma ja Saúl y'ëne'emyën, jam Belén, tam ijty tu'uk yë ja'ay tsyëënë, jä'ä xyëëwajtyp Jesé, tëë ënäty myëjja'ayënë. Nituktujk ijty ja myaank: tu'uk David xyëëwajtyp.

1 Samuel 2:11

Ënät ja Elcana ojts wyimpijnë, nyëjkxnë jam Ramá ma ja jyëën tyëjk tmëët'atyën, e ja myaank Samuel ojts jam wyë'ëmnë Siló ma ja tsajptëjkën ets ja Wintsën je'eyë tu'ukyë timmyëtunanë, yë'ë ojts kyë'ëwë'ëmëty yë Eli.

1 Samuel 7:17

Ko tyajwintu'upëjktaay tääts ijty jatëkok jam wyimpity Ramá ma ja y'ijtaknën ets ijty t'ëne'emy tëkokyë ja Israel kajpn. Ojts jam näjyëtu'un tyajkojy tu'uk yë wintsë'këntyakn mëti'ipë yë Wintsën tyukyajnikojëyën.

1 Samuel 9:4

Ënät ja Saúl tsyo'ony ets tuknajxtaay ja tunjot kopkjoty mëti'ipë ja Efraín nyitënääpyën, nyajxë'ky jam ma ja it naaxwiinyëtë txëëwatyën Salisá, e ja kyërukts ka'ap tpaty. Ojts näjyëtu'un jam jyajëtity ma ja it naaxwiinyëtën mëti'ipë yë Benjamín nyitënääpyën, ja kyërukts kä'äpyëm tpaty.

1 Samuel 9:5

Ko jam jyä'äjty ma ja itjot txëëwatyën Zuf, ënät ja Saúl t'ënëmaay ja tyuunpë mëti'ipë ënäty jämyëët'ajtëpën: Tsojk nwinpijtëmë, jä'ä ko nteetyës maaynyëp tajnëp ënät jamnë mëët ëëtsajtëmë ko ka'ap n'ëkja'ajtënë, këtiinëm ja krukts pën yajpatp kayajpatp.