1 Reyes 2:3 - Biblia Mixe de Quetzaltepec

³ Patun mëti'ipë yë mWintsën nyi'ënä'ämëpën, aak'oy winë xytyunëty ets mpatunëp ja y'ënä'ämën kyutujkën, tyiyajtën ets ja y'aaw y'ayuk, jëtu'un ijxtëm myinyën ma ja Moisés ja y'ënä'ämënën, jëtu'un oy winë mwinpëtsë'ëm mjëjpëtsë'ëmxëtëty oy tii xytyunëty ets oy maa mtimnyëjkxëty.

Biblia Dc en Mixe de Quetzaltepec

³ Patun mëti'ipë yë mWintsën nyi'ënä'ämëpën, aak'oy winë xytyunëty ets mpatunëp ja y'ënä'ämën kyutujkën, tyiyajtën ets ja y'aaw y'ayuk, jëtu'un ijxtëm myinyën ma ja Moisés ja y'ënä'ämënën, jëtu'un oy winë mwinpëtsë'ëm mjëjpëtsë'ëmxëtëty oy tii xytyunëty ets oy maa mtimnyëjkxëty.

1 Reyes 2:3 ပူးပေါင်းရင်းမြစ်များ

Deuteronomio 29:9

E paaty yam n'ënëëmëtë ets xypyatuntëty ya'atë aaw ayuk, tä yam yaj'ëëwkëxy yajkajpxkëxyën ya'atë käjpxytyu'unën, mtuntëp jëtu'un ets jotkujk mjuuky'atëty ets aak'oy wyimpëtsëm jyëjpëtsëmëty ja mëti'ipë ënäty mtuknipëjktakëtëpën.

Salmos 119:2

Janty jotkujk yë ja'ay jyuuky'atë mëti'ipë jyä'äkyujkëtëpën ja Wintsën ja y'ënä'ämën tyiyajtën,

1 Crónicas 29:19

Tun yë mëyajtën, mo'o yë n'u'unk nmaayës Salomón ja oypyë ma'ayën tajën ets ja oypyë jot winma'any, wä'än tyajtu'uye'ey oy tsuj yë tyuunk ma tpatunëtyën ja m'ënä'ämën mtëyajtën, mnë'ë mtu'u ets ja m'aaw m'ayuk ets yë'ë tkuuytyunëty, tkojëty ja mjëën mtëjk mëti'ipës të nitun të niye'eyën.

Salmos 119:111

Ëjts jëtu'unës njawë yë m'ënä'ämën mtëyajtën tä tu'uk yë kuma'ayënën winë xëëw winë jëmëjtpë y'ityën, jä'ä ko yë'ëjëty yajjotkujkëp yë njot nwinma'anyës.

Malaquías 4:4

Ja'amyätstë ja ënä'ämën tëyajtën mëti'ipës yë Moisés nmooyën jam ma Horeb kopkën. Jä'ä ja ënä'ämën tëyajtën mëti'ipë jeexyë mëpaat tkuuytyuntën yë Israel ja'ayëty.

Salmos 119:138

Tëkokyë yë m'ënä'ämën mtëyajtën aak wa'ats yë'ë ets aak tëyajtën,

1 Samuel 18:14

E komë yë Wintsën yë'ë ënäty xëmë pyutëjkëp yë David, paaty yë David aak'oy ijty winë wyimpëtsë'ëmxëty mëti'ipë tyuunpyën.

Josue 22:5

Mëti'ipë tëy miits n'amëtoowtëpën ets xytyuntëty, yë'ë ko xypyatuntëty xëmë ja ënä'ämën tëyajtën mëti'ipë ja Moisés yajmooyën, yë Tios yë myëtuunpë. Mtsoktëp mjawëtëp xëmë ja mWintsën Tiosëty ets yë'ë ja nyëë'aaw tyu'u'aaw mtimpyanëjkxëtëp, mëtowtëp ets mkäjpxyjyä'äkyukëtëp; yë'ë mka'ëxmatstëp ets winë aaw winëjot xymyëtuntëty ets tu'ukyë winma'any tu'ukyë winma'any.

Salmos 19:7

Yë Wintsën yë y'ijxpëjkën tëy yë'ë, jä'ä ko yäjkpy jempyë juukyajtën. Yë Wintsën yë y'ënä'ämën aak tëyajtën yë'ë, paaty yë ja'ay mëti'ipë yu'unk naxym juukyajtpën wijy tyaj'awinpity.

2 Reyes 18:7

Paaty ja Wintsën ojts mëj këjää pyutëkëty, oytyiijëty timtyuuny, aak'oy ojts wyimpëtsë'ëmxëty. Yë Ezequías ka'ap ojts tkupëky ets Asiria yajkutujkpë jam y'ënä'ämëty ma ja Israel ja'ayëtyën.

2 Samuel 8:14

Ojts jam Edom tyajwë'ëmy yë tsyiptuunpëtëjk ets tëkokyë yë Edom ja'ayëty aakyë'ë ojts ja David y'ënä'ämëtë, ja mëti'ipë ënäty xëmë ja Wintsën putëjk pupäjtëpën oy maa tyimnëjkxy.

2 Samuel 8:6

Ojts yë David jam tyajwë'ëmy yë tsyiptuunpëtëjk ma ja Damaskë ja y'itjotmën, jëtu'un'äämpy ja sirië ja'ayëty ojts ja David tmëmëtowtë ets ojts yajtuknipëktë nyäkyuyakëtëty. Tä yaj'ixy ko ja Wintsën pyutëjkëp ja David oy maa tyimnëjkxy.

1 Samuel 18:30

E xëmë ko ja filistejë ja'ayëty ijty tsyoontë tsiptuunpë yë David ijty xëmë mëtakp tsipjotm, këtiinëm jëtu'un ja wiinkëtypë ja tsiptuunpë wintsënëty.

1 Samuel 18:5

Tëkokyë mëti'ipë yë David tuk'ënä'ämëpën yë Saúl tyuuntääpy ijty, paaty pyëjktakë ets yë'ë twinye'eyëty ja tsiptuunpëtëjk mëti'ipë tsiptuunpë nëjkxtëpën. Ja tsiptuunpëtëjkëty ets tsiptuunpë wintsënëty oy tja'awëtyë ko ja David jä'ä tyu'uwinye'ey.

Deuteronomio 5:1

Wa'ats ja Moisés tyajtu'ukmujktaay ja Israel kajpn ets t'ënëmaay: Mëtoow'itë miitsëty Israel ja'ayëty ya'atë tëyajtën ets ya'atë aaw ayuk, mëti'ipë yam ntukmëtowantëpën. Yajwë'ëmtë yajxon mkëpajkjoty mwinma'anyjoty ets mpatuntëp.

Deuteronomio 4:45

Ja ënä'ämën tëyajtën, ja aaw ayuk ets ja jot winma'any mëti'ipë tyukmëmëtyakën, ko jap tsyo'ontë Egiptë.

Deuteronomio 4:8

¿Maa wiinkpë naax kajpn n'ëkpatmëty mëti'ipë myëët'ajtypyën ja ënä'ämën tëyajtën oypyë ets mëtëypyë, jëtu'un tä yë mëti'ipë yam miits të ntukmëtowtën?

Deuteronomio 4:5

Ëjts tëëjës yam nikäjpxy ja ënä'ämën tëyajtën, mëti'ipë yë Wintsën nTiosës të xytyuk'ëne'emyën ets yë'ë xykyuuytyuntëty ma ja naax kajpnën mëti'ipë mniwa'akantëpën.

Deuteronomio 4:1

Miitsëty Israel ja'ayëty mëtoow'itë ya'atë tëyajtën ets ënä'ämën mëti'ipë yam ntukni''ixëjantëpën ets xykyuuytyuntëty. Yë'ë mtukjuuky'atëp ko ënäty jam myajpaatë ma ja naax kamën mëti'ipë yë Wintsën mo'ojanëtëpën, yë Tios mëti'ipë ja m'ap m'ok Tyiosajtën.

Levitico 8:35

E paaty miitsëty, wëxtujk xëëw wëxtujk koots jam mwë'ëmtëty ma yajnitëkën ja wit tëjk ma näpyaatë y'ityën ets xytyuntëty jëtu'un tä ja Wintsën ja y'ënä'ämën tyiy'ajtënën, e pën ka'ap jëtu'un xytyuntë m'ooktëp miitsëty, jä'ä ko jëtu'un yë Wintsën të xytyuk'ëne'emyës.

1 Reyes 3:3

Salomón tsyojkpy jya'ap ënäty ja Wintsën ets tyuunpy tä ja David të ënäty të tyuk'ëne'emyën, oy jam ja wyintsë'kën xëmë tyäky ma ja tun kopkën,

Deuteronomio 29:8

Ko ka'ap myëtaktë, tä ja nyaax kyajpnëty ojts niwa'kta'ayëmë ets jä'ä tjä'ä'ajtë ja jyä'äyëty ja Rubén, Gad ets kujkwä'kxy ja Manasés ja jyä'äyëty.

Josue 23:6

Yë'ë patuntë ja ënä'ämën tëyajtën mëti'ipë jap miinpën këxja'ay ma ja nokyën mëti'ipë yë Moisés y'ëxajëyën.

Eclesiastés 12:13

Jëtu'un jyëjpkëxy ja kë'ë ëma'ayën. Yë Tios yë'ë mmëjjaw mkënu'kxyjyawëp ets yë'ë mpatunëp yë y'ënä'ämën tyiyajtën, jä'ä ko yi'iyë jëtu'un mëpaat yë naaxwiinyëtë ja'ay tuny.