1 Pedro 4:2 - Biblia Mixe de Quetzaltepec

² ets jyuuky'atëty ijxtëm ja Tios tsokyën mapaat yaa naaxwiiny yajpaatyën ets ka'ap jyëtu'unëty ijxtëm kë'ëm tsokyën.

Biblia Dc en Mixe de Quetzaltepec

² ets jyuuky'atëty ijxtëm ja Dios tsokyën mapaat yaa naaxwiiny yajpaatyën ets ka'ap jyëtu'unëty ijxtëm kë'ëm tsokyën.

1 Pedro 4:2 ပူးပေါင်းရင်းမြစ်များ

1 Pedro 1:14

Jëtu'un m'itëty ijxtëm ja pi'k ëna'kën mëti'ipë tyeety myëmëtoowtëpën. Këtii jëtu'un mjuuky'atëty ijxtëm të m'itën ko ja Tios ijty xykyanijawëtë.

Efesios 6:6

Mëtuntë yajxon, këtii jyääyëty ko ënäty jam m'ixëtë ets oy mëët mwë'ëma'antë, nikë mëtuntë ijxtëm ja Kristë yajmëtunyën, ëmuumtu'ukjot ijxtëm ja Tios tsokyën.

Romanos 6:11

Näyjyëtu'un miits mnätyijëtëty ijxtëm jeexyë të mwë'ëmtën ooky ma ja pokyën, mjuuky'ajtëp tyam mëët ja Tios jä'äkyëjxm ko ja Kristë mëët tu'ukyë m'itë.

2 Corintios 5:15

Ets ja Kristë tëë xykyu'o'këmë ni'ëmukë ets ja ja'ay ka'ap y'ëkjuuky'ajnëtëty ijxtëm kë'ëm tsoktën, Kristëkyëjxm jyuuky'atëty, mëti'ipë juukpyëjkën jatëkok.

Efesios 2:3

Näyjyëtu'un ijty njuuky'ajtëm ni'ëmukë, yë'ë npatu'unëm ja nkë'ëm winma'any'ajtëm, ja poky ets ja ëxëëk atsojkën. Jëtu'un ijty n'ijtëm ijxtëm ja ja'ay oy pyënëtyën, paatykyëjxm ijty xypyaat'ajtëm ja Tios ja myëj tëytyu'unën.

Romanos 6:2

Niwi'ix'äämpy. Jëtu'un nyajpatëmë ijxtëm ja o'kpë ma ja pokyën. ¿Wi'ix npokytyuun'ëtëtsmëty?

Efesios 4:17

Ya'atës nnikäjpxyp ets yë'ë yam ntukkë'ëtëjkëtyëp ma ja Wintsën Jesukristë ja xyëëwën: Ko ka'ap jëtu'un m'ëkjuuky'ajnëtëty ijxtëm ja ja'ayëtyën mëti'ipë ka'ap ja Tios tnijawëtën, mëti'ipë jëtu'un juuky'ajtëpën ijxtëm ja kyë'ëm jot kyë'ëm winma'anyëtyën,

Romanos 14:7

Ka'ap kë'ëmwinma'any njuuky'ajtëm ets ka'ap kë'ëmwinma'any n'o'këm.

1 Pedro 2:1

Ixmajtsta'atë ja ëxëëkajtën, ja win'ë'ënën, ko ja'ay oy nyänyimëtyä'äkyë ets ëxëëk jyä'äy'äty, ja näy'ëxëëk'ixë ets ja pi'tskäjpxy.

Salmos 143:10

Tukni''ijxëkës wi'ixës mëpaat ntunyën mëti'ipë mijts myajkutujkpyën, jä'ä ko mijts nTios'ajtyp, yë mmëkajtën m'oyajtën yë'ëjës xytyu'uwinwoop xytyu'uwinwijtsp ma ja në'ë tu'ujën mëtëypyë.

Juan 7:17

Pën jää pën tuna'any mëti'ipë Tios tsyojkpyën, nyijawëp pën jamës ja n'ijxpëjkën tsyoony ma Tiosën, ëkë pën nkë'ëmwinma'anyës nkäjpxyp.

Marcos 7:21

Jä'ä ko jootjoty winma'anyjoty tsyoony ja ëxëëk winma'any ets ko ja ja'ay y'ëti'itsy y'ënä'äny ëxëëkjaty. Tam mëti'ipë mä'tspën, yajja'ay o'kpën, ka'apë twintsë'ëkën ja nyiye'etyëjk ëkë ja tyo'oxytyëjk ets tam mëti'ipë ëxëëkjaty määpy tajpën,

Marcos 3:35

Pën tyuunpy mëti'ipë ja Tios tsyojkpyën, yë'ë jëtu'un ëjts nmëkä'äx'ajtyp ets ntaak'ajtypyës.

Oseas 6:7

E ëjts yë nnaax nkajpnës, nän timjëtu'un të y'ëti'itsy Adankën, tëë tkäjpxykyumëtoownaxtë ja käjpxytyu'unën ets wiink winma'any të tpatnëtë.

1 Juan 2:17

Yë naaxwiinyëtë winma'any këjxnëp najxnëp yë'ënë mëët tëkokyë winë mëti'ipë ja'ay tsyojkën'ajtëpën; e pën ja Tios ja jyä'ä pyatuunëp xëmëkyëjxm jyuuky'ata'any.

Santiago 1:18

Jä'ä ko Tios jëtu'un të tsojkën'aty, paaty të xymyo'oyëm ja juukyajtën mëtëypyë mëët ja aaw ayuk. Tu'kë'ëyë mëti'ipë Tios yajkojën, jëtu'un yë'ë ijxtëm tii tyëëm'atyën ets n'ijtmëty ijxtëm ja aay ujtsën mëti'ipë jëyëjp tëëm'ajtë'kpën.

Hebreos 13:21

wa'an mmo'ojëtë ja wa'atsajtën ets tu'kë'ëyë mëti'ipë oyën ets xytyuntëty mëti'ipë tsyojkpyën mëët ja Jesukristë ja xyëëw. Yë'ë mëj'ajtën jaanty'ajtën jyä'ä'atëp xëmëkyëjxm. Oy jyëtu'un'atëty.

1 Tesalonicenses 5:18

Kukajpxëtë ja Tios oytyiijëty, jä'ä ko yë'ë ja Tios tsyojkpy xytyuntëty ko tu'ukyë m'itëty mëët ja Jesukristë.

Colosenses 1:9

Paaty, koos ojts nijawëtë, xëmë ja Tios miits ntuknija'amyätsëtë, n'amëtowtës ja Tios ets kä'pxy mtuknijawëtëty mëti'ipë tsyojkpyën ets mmo'ojëtëty tu'kë'ëyë wijyajtën kejyajtën mëët yë Kyënu'kxymyëk'ajtën.

Efesios 5:17

Këtii tsuu poj tii xytyuntëty xykyajpxtëty, yë'ë mja'akyukëtëp mëti'ipë ja Wintsën tsyojkpyën.

Romanos 12:2

Këtii m'ëkjuuky'ajnëtëty ijxtëm ja ja'ayëtyën mëti'ipë ja naaxwiinyëtë winma'any yajtuuntëpën, yajtëkatstë ja mwinma'anyëty ets ja mjuukyajtënëty, jëtu'un xynyijawëtëty mëti'ipë ja Tios tsyojkpyën, mëti'ipë oyën, mëti'ipë y'oyjya'apën ets mëti'ipë mëtëyën.

Romanos 7:4

Näyjyëtu'un miitsëty mëku'ukëty, ko të xymyëjwa'kpätë ja Kristë jëtu'un tpaaty ijxtëm jeexyë mëët të m'ooktën ma ja ënä'ämënën, ets tu'ukyë m'itëty mëët ja Kristë ijxtëm ja ni'kx kopkën, mëti'ipë të y'ookyën ets tëë jatëkok jyuukpyiky. Jëtu'unts njuuky'ajtmëty tsuj yajxon ijxtëm yë Tios tsokyën.

Juan 1:13

Ka'ap yë'ëkyëjxmëty ja Tios y'u'unk'atëtë ko të myëxu'unk'atë ijxtëm naaxwiinyëtë ja'ayën ets ka'ap yë'ëkyëjxmëty ko yë'ë të tsojkën'atë, yë'ë ko Tios të yajkoj të pyëjkta'akëtë.

Mateo 21:31

¿Pën ojts tpatuny mëti'ipë ja tyeety ojts tyuk'ëne'emyën? Ets y'ëtsoowtë: Ja mëjëwyiimpë. Ets ja Jesús y'ënëmaayëtë: Tëy miits n'ënëëmëtë, pën mtëjkëtëp ma ja tsajpjotmëpë kutujkën, jëwyiin nëjkx tyëkëtë ja yajkukëpäjtpëtëjkëty ets ku'into'oxytyëjkëty, oknëm miitsëty.

Mateo 12:50

Jä'ä ko pën tyuunpy mëti'ipës yë nTeety tsajpjotmëpë tsyojkpyën, yë'ëjës nmëkä'äx'ajtyp ets yë'ëjës ntaak'ajtyp.

Mateo 7:21

Ka'ap nyi'ëmukëty tyëkëja'antë ja ja'ay ma ja tsajpjotmëtë kutujkënën mëti'ipës janaam jatsojk xy'ënëmaaytyëpën Wintsën. Yi'iyë jam tëkëjantëp mëti'ipë pyatuuntëpën ja nteetyës tsajpjotmëpë ja tsyojkën.

Colosenses 4:12

Mtuknikäjxëtëp näjyëtu'un ja kajpxpo'kxën ja Epafras, mëti'ipë ja Jesukristë myëtuumpyën, miits yë mja'ayëty. Xëmë yë'ë mninu'kxta'akëtë ko ja Tios tja'amyetsy ets oy m'ittëty ijxtëm ja Tios tsokyën.

Colosenses 3:3

Jëtu'un tpaaty ijxtëm jeexyë të m'ooktën mëët ja Kristë. Kristë ja mjuukyajtënëty myëët'ajtyp tuknipëjkë'ëkë ma ja Tiosën.

Mateo 20:4

ets t'ënëmaay: Nëjkx jam näjyëtu'un mtuntë nkamjotmës ets nmëjuytyëty ijxtëm pyaat'atyën. Ënät ojts nyëjkxtë.