1 Pedro 2:4 - Biblia Mixe de Quetzaltepec

⁴ Mëwinkontë ja Wintsën, mëti'ipë juukyajtpën ets mëti'ipë juukyajtën yäjkpyën; jëtu'un yë'ë ijxtëm ja oypyë tsaajën mëti'ipë ja ja'ay të t'ixka'atstën, je'eyëp ko tëë ja Tios wyin'ixyë ets ni'ik të tsyoowpaaty.

Biblia Dc en Mixe de Quetzaltepec

⁴ Mëwinkontë ja Wintsën, mëti'ipë juukyajtpën ets mëti'ipë juukyajtën yäjkpyën; jëtu'un yë'ë ijxtëm ja oypyë tsaajën mëti'ipë ja ja'ay të t'ixka'atstën, je'eyëp ko tëë ja Dios wyin'ixyë ets ni'ik të tsyoowpaaty.

1 Pedro 2:4 ပူးပေါင်းရင်းမြစ်များ

1 Pedro 2:7

Jä'ä ko miitsëty, jënu'un xymyëpëktën ja Kristë, tääpë tsaa ni'ik yë tsyowpaaty; e mëti'ipës ka'ap tmëpëktën, yë'ë pyatuuntëp ko ja Tios ja y'aaw y'ayuk këxja'aypyë y'ënä'äny: Ja tsaa mëti'ipë ja pojtspëtëjk y'ixka'tstën, yë'ë të y'awinpity tsaakopk.

Isaías 28:16

Paaty ja Wintsën y'ënä'äny: Ëjts npëjkta'akäämpyës yam tu'uk yë tsaa jam Sión, tu'uk yë mëjtsaa, oytsyaa ets tsoowpaatypë, mëti'ipë mëj'äämpy itëpën, ets yë'ë potsy ëjx'atëp. Pën ënäty tyukjotkujk'ajtypyën, nëjkxëp jam tpaaty ja po'kxtakn.

Colosenses 3:4

Ko nëjkx yaj'ixy ja Kristë, mëti'ipë yäjkpyën ja juukyajtën, näjyëtu'un miitsëty nëjkx myaj'ixtë mëët ja Kristë ma mëj'ajtën oyajtënën.

Zacarías 3:9

Ëjts tëëjës yë Josué ntukwinkukonë tu'uk yë mëjtsaa mëti'ipë wëxtujk yë pya'ajën, jamtsës nkëxja'aja'any tu'uk yë winma'any. Ets tu'kxëëyë nëjkx yë naax kajpn njo'tsta'ayës yë nyëë pyoky.

Daniel 2:34

Yë'ë ënäty ja yajkutujkpë y'ijxyp, ko jam kopkkëjxm tu'uk tsaa të kyutëkë ets nitëyë jam të tyimkëtä'äky ma ja awinaxën mëti'ipë pujxn mëët y'oytyunyëtyën ets mya'ta'ay.

Isaías 42:1

Tyaajës ja ntuunpë mëti'ipës mëk n'ijx'ijty nkëwent'ajtypyën, mëti'ipës të nwin'ixyën ets mëti'ipës ntukxoontäkpyën. Tëës nmo'oy yë nmëk'ajtën ets tunëty ja nipaye'eyën tëy tëtä'äky ma ja naax kajpnën.

2 Pedro 1:4

Ets mëët ja jëtu'unpë tëë xytyukwinwa'anëmë ja këjääpë ets tsowpë, yë'ëkyëjxm xypyata'antë ja Tios ja y'oyajtën, myëj'ajtën ets xykyukä'äktëty ja mëti'ipë këjxp najxpën, yääyëpë naaxwiinyëtën.

2 Pedro 1:1

Simón Pedro, Wintsën Jesukristë tyuunpë ets y'ayuk kajpxnajxpë, mtuknijayëtë ya'atë noky miitsëty, mëti'ipë ja Yajnitsokpë Jesukristë nTios'ajtëmë të tmëpëktën.

1 Pedro 1:19

yë'ë mëët ja Kristë nye'pyny, mëti'ipë të wyintsë'kën'atyën ijxtëm tu'uk ja kupixyny u'unkën mëti'ipë ka'ap tii ma'atpë ëxëëkpë tmëëtëtyën.

1 Pedro 1:7

Jä'ä ko jëtu'un miits ja mëpëjkënëty ijxtëm ja pu'ts pujxnën mëti'ipë jëwyiin nitoopyën ets yaj'ixy pën oy. Ja mëpëjkpë mëti'ipë myëtënääpyën ja ëyo'on jotmay, yë'ë wäänëni'ik tsoowpatp këtiinëm ja pu'ts pujxn mëti'ipë wintëkoopyën; ko miits näjyëtu'un myaj'ijxmatstëty ets xymyëtänëtëty ja ëyo'on jotmay, kumay miits mnaxa'antë, mëj'äämpy ets wyintsë'ëkë ko ënäty ja Jesukristë myiny.

Romanos 5:10

Jä'ä ko ijty ja Tios nmëtsip'ajtëmë, tëë ja Tios mëët nämyë'oypyëjkëmë jä'äkyëjxm ko ja y'u'unk të y'ooky; ets ko ja Tios mëët të nämyë'oypyëjkëmë, wäänëni'ik ëëts njëjp'ijxëmë ko ka'ap ja ëyo'on npaata'anëmë jä'äkyëjxm ko yë'ë jyuuky'äty.

Juan 14:19

Tim jawäänë jëtu'un, ets ka'ap nëjkx xy'ëk'ijxnëtës mëti'ipë yi'iyë naaxwiinypë myëmaay myëtajtëpën; e miitsëty nëjkxëpës xy'ixtë ets mjuuky'attëty jä'ä koos juuky'ajtpës.

Juan 14:6

Ënät ja Jesús y'ëtsoowë: Ëjts jëtu'un tu'u'ajtp, ja tëyajtën ets ja juukyajtën. Ëjtskyëjxm je'eyë tjëkyepy pën jya'tëty ma ja Tios Teetyën.

Juan 6:57

Ja nTeetyës mëti'ipës të xykexyën myëët'ajtyp ja juukyajtën ets jam njuuky'ätyës ma yë'ëjën; näjyëtu'un mëti'ipë kääpy ukp ma ëjtsën paaty jyuuky'äty jä'ä koos ëjts yaa.

Juan 6:37

Tu'kë'ëyë mëti'ipës ja nteety të xymye'eyën, ëjts xynyimiinp; ets pën xynyimiinpës, nijëna'ajës nka'ixkäxëty.

Juan 5:40

Miitsëty ka'ap mina'antë ma ëjtsën ets jeexyë xymyëët'atë ja juukyajtën xëmëkyëjxmëpë.

Juan 5:26

Jëtu'un ijxtëm ja Tios Teety tmëëtëty ja juukyajtën, näjyëtu'un ja y'U'unk tëë tmo'oy ja juukyajtën kë'ëm,

Mateo 21:42

Ënät ja Jesús y'ëtsoowëtë: ¿Ka'anëm xykyajpxtë ja Tios ja y'aaw y'ayuk mëti'ipë ënaanpën?: Ja tsaa mëti'ipë ja pojtspëtëjk ojts t'ixka'atstën, jä'ä tyam të nyäxy potsy myëtënääpyë. Ja Wintsën jëtu'un të tuny, ets ëëtsajtëm mëj'ixy n'ijxmëty.

Mateo 12:18

Tyaajës ja ntuunpë mëti'ipës të nwin'ixyën, mëti'ipës oy ntsojkpy ets jotkujkës mëët yë'ë, jamës ja nJa'awën mpëjkta'aka'any ma yë'ëjën, yë'ë kyajpxwa'kxëp pën wi'ixës ja naaxwiinyëtë ja'ay npaye'eyä'äny ijxtëm pyaat'atyë.

Mateo 11:28

Nimiintëkës ni'ëmukë mëti'ipë të y'ënu'kxëtën mëët ja tuunk ets ja tsëmy kë'ëy, ëjts miits nyajpo'kxantëp.

Zacarías 4:7

¿Mpën mijts mëjkopk? Joyjyot mkawinpita'any Zorobabel wyintuuy. Yë'ë yajpëtsëmäämpy ja mëjtsaa mëti'ipë myëtënääpyën ja je'emtyajtën ets ja ja'ay mëk yujk'ëna'antë: Ix janty'oy kyëxë'ëky. Oy yaj'ijxy.

Daniel 2:45

Yë'ë yë yajkutujkpë të twin'ixy ko të t'ixy tu'uk ja mëjtsaa të kyutëkë ma ja kopkën ets ka'ap pën të kyutijnaxyë; ja tsaa mëti'ipë ojts tyaj'awinpijta'ayën naaxwayën ja poop pujxn, pu'ts pujxn, tsuxkpujxn, juunpujxn ets ja mo'onts. Yë mëjpë Tios tëë tuknijawë yë yajkutujkpë mëti'ipë tunan jatanëpën. Yë kuma'ay tëy yë'ë ets wi'ix nyiwijyën nän mëtëy yë'ë.

Isaías 55:3

Nimiintëkës ets ja'akyukëtë n'aaw n'ayukës, mëtoow'ijtëkës ets mjuuky'atëty. Ëjts ntunäämpyës tu'uk käjpxytyu'unën xëmëkyëjxmëpë y'itëtyën, ets nyaj'atëwa'anyës ja waantakën mëti'ipës ja David ojts ntukwinwanën.

Jeremias 3:22

Wimpitë ma ëjtsën, u'unk maayëty mëti'ipë käjpxy kyumëtoownajxtëpën, ëjts miits nyajtso'ok nyaj'akëta'aktëp këtiipë m'ëk käjpxy kyumëtoownajxnëtëty. Tyaa ëëts nmintë ma mijtsën, jä'ä ko mijts myajWintsën'ajtp, mëti'ipës nTios'ajtëpën.

1 Corintios 3:11

Ni pën mëpaat wiinkpë potsy tkapëjktä'äky ijxtëm ya'atë potsy të tsyo'ontä'äkyën. Jesukristë yajtijp potsy.