1 Juan 5:7 - Biblia Mixe de Quetzaltepec

⁷ Tëkëëkpëky nmëët'ajtëm mëti'ipë yajtëytyëjkëpën ko ja Tios t'U'unkëty ja Jesús.

Biblia Dc en Mixe de Quetzaltepec

⁷ Tëkëëkpëky nmëët'ajtëm mëti'ipë yajtëytyëjkëpën ko ja Dios t'U'unkëty ja Jesús.

1 Juan 5:7 ပူးပေါင်းရင်းမြစ်များ

Salmos 33:6

Yë tsajp ets tëkokyë jënu'un jam yajpaatyën tsajpwinm, yë Wintsën të tyajkojy mëët yë y'aaw y'ayuk, ets mëët ko të nyasxajë.

Isaías 61:1

Ja Wintsën ja myëk'ajtën y'oyajtën tyaa yajpaaty mëët ëjts, jä'ä ko tëëjës yë Wintsën xykyënu'kxy; të xykyexyës etsës njotkujkmo'ojëty ja ëyoopëja'aytyëjk, nyajtso'ok nyaj'akëta'akëtyës ja jëëpyë yaxpë, nyaj'ëwaatsëpëtsëmëtyës ja tsumpyë matsypë, njuutëtyës pujxn tëkoty mëti'ipë natëk nawa'akë të yajmatsyën;

Mateo 17:5

Tam ënäty ja Pedro jëtu'un kyäjpxy ko ja yoots mëti'ipë ajajpën nyiju'uxëtë ets jap yootsjoty yajmëtooy tu'uk ja ayuk mëti'ipë ënaanpën: Ya'atës n'U'unk'ajtyp, mëti'ipës ni'ik ntsojkpyën. Ntukxoontäkpyës yë'ë. Mëtoow'itë, mëti'ipë nyikäjpxypën.

Mateo 18:16

Pën kajts tmëjpëjktä'äky wi'ix ënäty xyjya'ënëëmën wow tu'uk mäjtsk ja ja'ay ets t'ixtëty nijawëtëty wi'ix ënäty xim yam ja mpoky mnätyukwinmëtowëtën.

Mateo 28:19

Nëjkxtë naaxwiinyëtë apëtsëmy ets xyaj'awinpitëty yë ja'ay ëjts n'ijxpëjkpë; yajnëëpätë mëët yë Tios yë xyëëw, Tios U'unk ets mëët yë Kënu'kxymyëkajtën yë xyëëw,

Juan 1:1

Ko winë tsyo'onë'ky tsyo'ontäky yë Aaw Ayuk tääyëm yë'ë; tääpë Aaw Ayuk tämyëm mëët yë Tios ets yë'ë ënäty Tios'ajtp.

Juan 10:30

Tios Teety ets ëjts, tu'ukyë ëëtsëty.

Juan 12:28

Tios Teety, yaj'ixët ja mmëjajtën mjaantyajtën. Ënät ja ayuk yajmëtooy jam tsajpjotm y'ënä'äny: Tëës nyajmëjnaxy ets njaaktimyajmëjnaxäämpyës jatëkok.

Juan 14:17

Mëti'ipë yi'iyë myëmaay myëtajtëpën ja naaxwiinypë ka'ap t'ëxajëja'antë, jä'ä ko ka'ap t'ixtë ets ka'ap t'ixy'atë; e miitsëty m'ixy'ajtëp, jä'ä ko yë'ë yajpaaty mëët miitsëty ets xëmë yajpaata'any ma miitsëtyën.

Juan 15:26

Paaty ko myinëty ja Nikajpxtutpë mëti'ipës nkäxäämpyën nTeetyës xyëëwkëjxm, ja Kënu'kxymyëkajtën mëtëypyë, mëti'ipë tso'ompën ma ja Tios Teetyën, yë'ë nëjkx xynyimëtyä'äkyës.

Juan 5:26

Jëtu'un ijxtëm ja Tios Teety tmëëtëty ja juukyajtën, näjyëtu'un ja y'U'unk tëë tmo'oy ja juukyajtën kë'ëm,

Juan 8:18

E oy y'ëkjëtunëty, ëjts, kë'ëmës nänyikäjpxyë ets oyës nänyikäjpxyë e ja nTeetyës mëti'ipës të xykyejxyën nän oyës xynyikäjpxy.

Juan 8:54

Tääts ja Jesús y'ëtsoowëtë: Pën kë'ëmës nnämyëjjawëty, ka'ap maa tyuny. Ja nteetyës xymyëjja'ap, nän yë'ë mëti'ipë miits mtijtëpën ko xyTios'atë.

Hechos 2:33

Ko ënäty ja Tios Teety të yajtsajpetyë ets të yajnaaxweetsyë y'aka'any'äämpy ets ko ënäty ja Kënu'kxymyëkajtën ja Tios Teety mëti'ipë të xytyuwinwa'anëmën ets tëë tyajknaxy ma ëëtsajtëmën. Yë'ë tyam të xy'ixtë ets të xymyëtowtë.

Hechos 5:32

Ijxpë nija'awëpë ëëts të n'itë, näjyëtu'un ja Kënu'kxymyëkajtën, mëti'ipë ja Tios Teety të tmo'oyën ja ja'ayëty mëti'ipë mëmëtoowëpën.

2 Corintios 13:14

Ja myëj'ajt y'oyajtën ja nwintsën'ajtëm Jesukristë, ja Tios ja tsyojkën jya'awën ets ja Kënu'kxypyë ja Mëk'ajtën wä'än tyajpaaty ma miitsëtyën ni'ëmukë.

Deuteronomio 6:4

Mëtoow'it, ënät tyam mijts Israel ja'ayëty: Yë nWintsën'ajtëm Tios tu'ukyë je'eyë Wyintsën'aty.

1 Juan 1:1

Yë'ë miits yam ntuknija'ayëtëp ma yajnimëtyä'äkyën mëti'ipë ijty jää'ajtpën ma winë tsyo'ontäkyën, mëti'ipë të n'ijxëmën, të nmëto'owëmën ets të nto'on të nmajtsëmën.

1 Juan 5:6

Ko ja Jesús myiiny yaa naaxwiiny, ijxwë'ëmy ojts wyi'imy mëët ja nëë ko ojts nyëëpety ets mëët ja ne'pyny ko ojts kyëruutspety; ka'ap yi'iyëty nëë, näjyëtu'un ja ne'pyny. Kënu'kxymyëk'ajtën ya'atë yajtëytyëjkëp, jä'ä ko yë Kënu'kxymyëk'ajtën mëtëy yë'ë.

1 Juan 5:8

Ja Kënu'kxymyëk'ajtën, ja nëë ets ja ne'pyny; jëtu'un nitëkëëk tyajtëytyëkëtë.

Apocalipsis 19:13

Aak ne'pnymyëët ja wit mëti'ipë wyit'ajtypyën ets jä'ä xyëëwajtyp: Ja Tios ja y'aaw y'ayuk.