1 Juan 4:7 - Biblia Mixe de Quetzaltepec

⁷ Mëku'uktëjkëty, nätsyojkëmë nixim niyam, jä'ä ko ja tsojkën ja'awën jam ja tsyoony ma Tiosën. Pën ja myëku'uktëjk tsyojkpyën, yë'ë ja Tios u'unk'ajtëp ets nyija'ap ja Tios.

Biblia Dc en Mixe de Quetzaltepec

⁷ Mëku'uktëjkëty, nätsyojkëmë nixim niyam, jä'ä ko ja tsojkën ja'awën jam ja tsyoony ma Tiosën. Pën ja myëku'uktëjk tsyojkpyën, yë'ë ja Dios u'unk'ajtëp ets nyija'ap ja Dios.

1 Juan 4:7 ပူးပေါင်းရင်းမြစ်များ

Juan 13:34

Tyam nmo'otë ja ënä'ämën jempyë: Nätsyokëtë nixim niyam. Jëtu'un ijxtëm miits ntsoktën, näjyëtu'un miits mnätsyokëtëty nixim niyam.

Juan 17:3

Yë juukyajtën xëmëkyëjxmëpë ënät yajpaaty ko mijts myaj'ixy'äty, ja tu'ukyëpë Tios'atyën mëtëypyë, ets ja Jesukristë mëti'ipë mijts të xykyexyën.

1 Corintios 8:3

Pën ja Tios tsyojkpy jya'ap, nija'awëyëp ja Tios.

2 Corintios 4:6

Jä'ä ko nän Tios ojts kë'ëm tni'ënä'ämë ets jyää'atëty ja kutë'kxnën akootstum, yë'ëts të tyajjajwä'kxy ja y'ajaj y'atë'kxën ma ja njoot'ajt nwinma'any'ajtëmën ets nnija'awëmëty ja Tios ja myëj'ajt jyääntyajtën mëti'ipë ja Kristë myëët'ajtypyën.

Gálatas 4:9

E tyam ko ja Tios të xynyijawëtë, ëkë n'ëna'anmëty ko ja Tios të mnijawëtë, ¿wi'ix miits xykyupëjkojnëtëpë ja winma'any mëti'ipë ka'ap tsyoowpaatyën ets je'eyë yaj'ëyoy yajjotëkoy? ¿Yë'ë jëtää miits mtsojktëp ets mëtuunpë m'awinpitëty jatëkokë?

Gálatas 5:22

E ko ja ja'ay tyajtuntë mëti'ipë ja Kënu'kxymyëkajtën yäjkpyën, nätsyojkëtëp ja nixim niyam, ijtëp xoontëp, jotkujk yajpaatë, mä'kxtujktëp, amëku'ukëty, tyuuntëp mëti'ipë paat'ajtëpën,

Deuteronomio 30:6

Nëjkxëp jap tpëjktä'äky ja oy'aaw oy'ayuk ma ja mjot mwinma'anyëtyën ets ma ja m'u'unk m'ok ja jyot wyinma'anyëtyën. Yë'ë nëjkx tu'ukyë xytsyoktë xyjyawëtë winë aaw winëjot, tu'ukyë jot tu'ukyë winma'any ets nëjkx jotkujk mjuuky'ajnëtë.

2 Timoteo 1:7

Tios ka'ap yë'ëjëty të xymyo'oyëm ja jot ja'awën mëti'ipë yajtsë'këpën, yë'ë të xymyo'oyëmë ja kënu'kxymyëk'ajtën mëti'ipë myëët'ajtypyën ja mëk'ajtën, nätsyok näjyawë ets wijy'ajt kujk'ajtën.

1 Pedro 1:22

Mëku'uktëjkëty, jä'ä ko xymyëmëtowtë ja tëypyë jaantypë, näyajwa'atsëtë ets nätsyokëtë nixim niyam winë aaw winëjot ets amëk jotmëk.

1 Juan 2:10

Pën ja myëku'uk tsyojkpy, yë'ë yajpatp ma ja jajën të'kxën, ets ka'ap tjëkyepy wi'ix ëxëëk jyatëtyën.

1 Juan 2:29

Mnija'awëtëp ko ja Jesukristë mëtëy winë tuny, ets mnijawëtëp näjyëtu'un ko pën tyuunpyën ja oypyë, yë'ë ënäty ja Tios u'unk'ajtëp.

1 Juan 2:3

Pën nmëmëto'owëm ja Tios ja y'ënä'ämën tyiyajtën, jyëkyejpy akujk jotkujk n'ëna'anmëty ko Tios n'ixy'ajtëmë.

1 Juan 2:4

Pën ënaanp ko Tios t'ixy'äty ets ka'ap tpatuny ja y'ënä'ämën, win'ë'ëmpë ënäty ets ka'ap ja Tios ja tyiyajtën tmëët'ajtë.

1 Juan 2:7

Mëku'uktëjkëty, ka'ap ya'atë ënä'ämën jemy yam myajtukmëmëtya'aka'antë mëti'ipë yam myajtuknija'ayëtëpën, yë'ë mëti'ipë ojts xy'ëxajëtën më''ëka'any, ko mëpëjktso'ontë.

1 Juan 3:9

Ka'ap pyokytyuny mëti'ipë ja Tios u'unk'ajtëpën, jä'ä ko tap nye'pnyjoty tmëët'aty ja juukyajtën mëti'ipë ja Tios yäjkpyën; ka'ap tjëkyepy pyokytyuun'ëtë'ëtsëty, jä'ä ko Tios u'unk'ajtëp.

1 Juan 4:11

Mëku'uktëjkëty, pën tëë ja Tios xytsyojkëmë, nätsyojkëmë ëëtsajtëm näjyëtu'un nixim niyam.

1 Juan 4:12

Tios, ka'ap pën të y'ëk'ijxëpë. Pën nätsyojkëm ëëtsajtëm nixim niyam, yë'ë xëmë yajpaata'any ma ëëtsajtëmën ets ja tsojkën ja'awën mëtëy tyaj'awinpita'any ma ëëtsajtëmën.

1 Juan 4:16

Jëtu'un të nnija'awëm ets të nmëpëjkëmë ko ja Tios xytsyojkëm. Tios, tsojkp ja'ap yë'ë, pën ja tsojkën myëët'ajtyp, Tios mëët yajpaaty ets Tios jam yajpatp ma yë'ëjën.

1 Juan 4:20

Pën ënaanp: Ntsojkpyës ja Tios, ets y'ëxëëk'ijxyp ja myëku'uk, win'ë'ëmp ënäty. Jä'ä ko pën kyatsojkpy ja myëku'uk mëti'ipë y'ijxypyën, ¿wi'ix'äämpy ja Tios tsoka'any mëti'ipë ka'ap yaj'ixyën?

1 Juan 4:8

Pën ja myëku'uk kyatsojkpyën, ka'ap ja Tios tnijawë, jä'ä ko Tios, tsojkp yë'ë.

1 Juan 5:1

Pën myëpëjkpy ko ja Jesús yë'ë mëti'ipë ënäty yajjëjp'ijxpën, Tios ja u'unk'ajtëp; ets pën ja Tios Teety tsyojkpy, näjyëtu'un tsokëty ja Tios u'unk.

2 Juan 1:5

Mëyajtën mijts yam n'amëtoow npëjktsoowtëp ets nätsyojkëmëty nixim niyam. Ya'atë mëti'ipë yam ntuknija'ayëtëpën, ka'ap yë'ëjëty jemypyë ënä'ämën, yë'ë mëti'ipë tääyëmën.